長隆之旅 - Day 1 (3/4/2010)

呢個兒童節 + 復活節 papa mama 約埋 Tissue EE & Ivy EE 三家人一齊北上去長隆睇動物, Yeah !!!

因為大家嘅屋企相距太遠, 所以去程各自搭直通巴士, 07:45 要係太子運動場上中港巴士 (祈福快線), 彤彤仲好似未瞓醒, 不過一有大狗狗 (金毛尋回犬) 經過, 就精神晒, 係咁指住話比 mama 知 "汪汪", 唔駛旨意 ar~~ papa 嚴禁養飼任何寵物!!!

一家三口大鄉里出城, 第一次搭巴士返大陸, 彤彤好攰都頂住, 係車上一路睇街外景物至上 highways 先瞓 Zzz...

得 Tissue EE 教路, 經深圳灣過關, 方便又快捷, 仲遇到 Ivy EE, 行行 & 行行 papa, 幾有緣, wakakaka, 不過, 之後佢哋要搭返中旅車, 我哋又要分道揚鑣 lu~~

經過三個幾鐘頭嘅車程 + 過關, 大小姐瞓咗兩轉, 都叫做 charge 咗下電, 去到祈福新村, 會合埋 Tissue EE & Ivy EE, 我哋一行 9 大 3 小就乘車去 "駿粵大酒店"

Check in 完, 便走過對面 "風笙水起" 醫下肚, 因為太肚餓, 食完先記得影相, kaka~~

行行仲食到手舞足蹈

彤彤呢 ?

醫飽個五臟廟之後便到附近大型 shopping mall 行下, 3 個小朋友手拉手, 好可愛~~

行行要 handle 兩個女仔, 都咪話唔辛苦, 靚仔係咁嫁 la~~ 練習下 la...
冇幾耐, 行行就放棄咗彤彤 la, woo... woo... 皆因佢行得太慢, wakakaka~~~

終於去到最 happy 嘅玩具店 !!!

同埋食錢樂園, yeah !!! Tissue EE 仲出錢比三個豆丁玩 games, thanks !!!

玩到攰就一齊返酒店眠一眠, charge 下電, 再走下一場 ^0^

星期六人山人海嘅 "四海一家" !!!

食物一般, 似在夠多夠大, 餐枱紙係各區食物分佈圖, 死未!!!

值得一試, 但見識過一次已經足夠 la~~

食完 buffet dinner, 大家都返去覺覺豬, 準備第二朝早 "長隆香江野生動物世界" 之旅