彤彤半夜又喊

琴晚彤彤一如早幾日半夜又喊, 斷斷續續喊咗成半句鐘, 雖然佢全程合埋對眼, 但我同 papa 好肯定佢係清醒地扭計, 因為我一幫佢蓋被, 佢就好大反應咁話唔要被被, 然後連環腳 young 走 d 被, 死未 !!!

因為我比 papa 醒瞓, 條腰又痛到要塗止痛薄荷膏先可以瞓到, 到點半藥力退去, 我又要慢動作亞婆起身去 washroom 搓下條壞鬼腰骨, 大小姐又鬼練咁喊, 我真係頂唔住 la...

比條生路嚟行下好喎 !!!

跟住 papa 起身, 將佢張 bb 床推至房門口, 遠離佢可以望到我嘅視線範圍, 點知此舉如觸發佢要害, 放聲嚎哭... 哭叫中要 mama 抱

大約 5 分鐘到, 我最終都忍不住, 因為我比佢攪到又喊埋一份, 我抱起佢上床, 攬住佢瞓, 佢好似樹熊般爬係我身上, 不消 10 下已經進入夢鄉, 仲有輕微嘅鼻盰聲

mama 知道你嘅要求好簡單, 只係想我抱住你瞓, 彷彿回到初生要人成日攬住.... 但 mama 體力有限, 乖女你可否將就下 ?

再咁落去, 小小 b 都唔知會唔會長肉 ?