QEH Block L 不快的經驗

我的朋友都知小女子現在身懷六甲, 所以要定期到公立醫院作婦產科檢查

話說 3-Nov-2009 (當時 5 week) 第一次去 QEH Block L (醫管局職員專科門診) 見姑娘同抽血時, 苦等兩個鐘頭已經不再話下, 果個姑娘都唔知係咪臨時工, 老點我, 講真, 我又唔係第一胎, 烏 sir sir, 已經第一時間叫佢幫我 book 結構性檢查, 因為要在 20 week 做, 心水清嘅我已知公立醫院 booking 緊張, 咪趁早提出要求 lor

點知條友點我, 話唔駛 book, 因為我屬高齡產婦一族, 要睇埋驗血報告, 第一次見醫生時會幫我安排特別嘅 programme, 會包括埋 structural test, 咁我咪信佢 lor~~ 亦唔到我唔信佢, 佢唔比我 book wor !!!

點知, 今日出事了...

11-Jan-2010 (14 week 6 day) 今早約咗 09:15am appointment, 當然又要一等再等...
10:30 見姑娘, 姑娘話驗血報告顯示我有地中海貧血 (http://www.thalassaemia.org.hk/), 我話呢胎係第二胎, 第一胎已知悉, 老公亦已經驗血, 證明冇風險, 同埋講埋 Nov 2009 尾留咗一個星期血, 一日三次, 跟住入咗 QEH 照, 姑娘問係咪入 A&E, 我話直入 B3 O&G, 因為我認識 O&G Associate Consultant Dr B. Lau...

我又問姑娘比高齡產婦嘅 special programme 有咩, 佢好保險, 唔敢答我, 話醫生會同我講...

11:00am 終於見到醫生, 女醫生戴黑色粗框眼鏡, 唔知係咪攪 dd 果條粉腸, 跟住姑娘問我名, 叫我解開 bra 扣上床, 除褲, 又除 ?? 搞咩 !!! 第一胎都唔駛 !!! 跟住醫生話唔駛, 因為我 Jan 2009 有做柏氏抹片檢查 (Pap-smear Test), oic~~ 唔怪得 dd 比人攪...

醫生按我 breast 幫我 check any abnormal 硬塊, then 塗 gel 係我肚腩, 跟住擺 a tool 上去比我聽小小 b 嘅心跳, 佢心跳強而有力, 健康嘅表現, good !!!

跟住我又忐忑不安咁問醫生所謂嘅高齡產婦 special programme 有咩野, 佢話要安排我入院抽羊胎水, 咩話 !!! 黐線嫁 !!! 羊膜穿刺術(抽羊胎水)係16週後進行屬於有風險, 會使胎兒流產機會增加約 1%, 我點會比小小 b 冒險 ar !!! 我即刻 reject 咗醫生, 同佢講我 13 week 時已經做咗 OSCAR, result good !!! 跟住嚟料 la....

醫生問咁點解唔 book structual test 比我, 我如實報導上次條粉腸姑娘講果 d 野, 醫生話佢應該同我講如果我出去做 OSCAR, 佢要 book 嫁 wor, 死 la, 賴野 !!! 果條友 book 我第一次見醫生都 15 week, 我點會有 OSCAR 唔做而去等免費"抽羊胎水" test ar, (因為 OSCAR 要 11-13 week 做) 話晒有風險, 我都唔係傻 ga !!!

點知想 book 時, 果位高級護士話已經 fully booked la, 叫我去出面私家做, 我頂你個肺 ar !!! 我都講過係你哋 d 姑娘 mislead 我, 叫我唔駛 book, 醫生會安排一切, 咩都係 black box, 原來安排我做有風險 "抽羊胎水" ?? 上次條友又冇同我講 workflow, 冇比我知如果我做 OSCAR, 就可以照 book structural test, 呢位高級護士仲話鬼我唔講比以前果位姑娘知, 我 diu !!! 我第一胎已經冇安排我做 OSCAR la, 宜家又約我 15 week 先見醫生, trap 我 ar !!! 又話可能係溝通上嘅問題, 死都唔認錯, 但宜家都冇辦法, 只好自己搞掂, 又或是搵 Dr B Lau 幫我 check, 你又病 ar !!! Dr Lau 都 22 week la, 再過 5 week (即我 20 week, 應該照 structural test 嘅時間), 佢都 27 week la, 你哋班廢人 d 安排出問題, 要搵個 associate consultant 幫你補鑊, 我嬲到想喊, 聲音已經開始變了, 雙眼通紅...

好可恨自己身為 HA 嘅員工, 因為 HA 有 d 咁不負責任嘅同事 !!!

跟住出去 book 埋下次嘅 appointment, 其實我已經唔想再嚟覆診, 對佢哋呢班人已經心灰意冷... 等攞藥時, 我仲清醒要 call Dr Chan Fan clinic 問私家收費, 原來要 $1500, 跟住再嘗試搵 Dr Lau 幫忙, 可惜佢正忙於睇症, 要稍後才可覆我電話

跟住 call 老公, 聽到老公把聲已經喊到收唔到聲... 當然冷靜嘅佢都係話有解決嘅方法, 叫我唔好嬲, 我知, 咪用錢去解決 lor !!! 我喊係因為我好憫 !!! 嬲呢班人嘅失職同處理手法, 仲好似係 patient 嘅錯, 我已經係 so-called 嘅職員診所有咁嘅待遇, 唔怪得成日有人投訴醫管局 la !!!

醫管局嘅 marketing 做得幾好都冇用, 因為呢班人咁嘅服務質數.... 哼!!!