彤彤開始曳

彤彤形象一向比人乖乖女嘅感覺, 自從 2010 年開始, 佢就開始曳 la...

話說大小姐 2009 年尾開始冷親成日咳, 又啖又辛苦到發燒同半夜咳醒, 醫生都睇咗兩個, 果排因病零舍扭計扭抱愛哭都叫做有埋由, 由得你放肆一下, 點知佢扭 mama 抱嘅 口頭蟬 "mami 抱" 到宜家都成日掛係口邊...

再者今個月5 號學校放完假復課之後, 便開始搭 school bus 返學, 點知大小姐唔習慣, 因為佢上車 buckle up seat belt 之後, 發現 Narti 姐姐冇上車, 佢以為姐姐唔要佢... 所以上車一定喊, 放學如是, 一知道要搭校車又喊, 其實車上有位跟車保母已經對佢份外照顧, 又抱又氹, 奈何仲未建立信任, 佢仍然日日搭車喊, 但好奇怪只係喊一陣, 開車冇耐已自動停止...

呢兩日喊包上身, 上星期五晚開始晚晚扭計喊, 要跟我同 papa 瞓, 情況有如生病時期, 當然最終一齊瞓唔等如解決件事, 因為佢成晚會喊 3~4 次, 每次都會要 "mami 抱"... 咁樣, 老公同我呢三日嘅睡眠質數可想而知

佢真係日又喊, 夜又喊, 琴日第一堂去 Tom Lee 上兩歲班 Music Toddlers, 45 mins 嘅堂佢喊咗 30 分鐘, 以前返 Cannan Playgroup 八個月 (Apr - Nov 2009) 都只係喊咗兩次, 一次係息燈睇星星, 一次係除 sock 踩油彩做 footprint... 真係唔知佢係咪撞邪 !?

至於另一煩惱問題, 係彤彤 super 硬頸嘅個性, 話說有晚佢同 Narti 姐姐玩到瘋癲時, 佢錯手掟 remote controller to 姐姐, 差 d 整親姐姐, 叫佢講 sorry, 死都唔肯, 只係 cry 同話要瞓覺 (註 : 宜家佢一唔老泥就話要瞓覺... 係逃避!!!) 跟住我打佢手板兩下, 都無動於終, 其實 mama 好大力, 我打佢隻手都幾痛, 當然個心仲痛~~~

跟住, 琴晚又係沒有原因亂喊要我抱, 唔比我出房飲啖水先返嚟, 仲愈喊愈顛, 我跟住抱佢去 washroom 照鏡睇佢扭計喊包樣, 佢都係睬我都傻, 我終於除佢褲打了佢大肶兩下, 我手都痛, 佢又係無動於終... 唉~~ mama 投降了...

生仔, 養兒, 都唔難, 教 -- 先係一門絕頂高深嘅學問, 睇嚟要讀返個學位先得