今天早上約了陳醫生係私家診所做產檢, 自從 29 weeks 開始, 便要頻密 d check 住 ah B 的情況同成長進度, 要每兩個星期返診所做產檢, 過了 36 weeks 之後, 更要每星期 check 一 check
兩個星期冇見, ah B 大得好快, 現在已有 1853g <=> 4 lb, 醫生都話最後兩個月 bb 的生長速度快得好驚人 
卒之鬆了一口氣 
老公打算入手術室陪產, 陳醫生話如果半身麻醉就冇問題, 當然啦~~ 我都想睇住這個我努力孕育的小生命出世時呱呱落地的一刻 
晏晝去了聽講座, 因為講者係幾有名氣的靳醫生, 好想睇下佢有幾巴閉
topic 係《孕婦產後護理新知》
內容： - 產後身體變化
- 傷口護理
- 情緒變化
- 母乳媽咪選擇避孕方法注意事項
- 分娩後如何實踐家庭計劃
佢果然係一個叻人, present 得好精彩, 精簡又到 point, 通常講座都會有人瞓覺, 但連好累的 papa 都好有反應咁聽書 
我哋一家三口終於可以見面啦 
這幾天特別累, 因為 ah B 過度活躍, 整晚唔願瞓, 攪到我晚晚 3am 要靠 piriton (傷風藥) 才可入睡
雖然體重沒有明顯的增長, 仍然維持在 53kg (重咗 10kg) 但 ah B 的身體開始慢慢下降, 進入盆骨, 以致感覺身體特別重, 尢其行路的重心都要改變去遷就他, 以免變成 "滾地葫蘆"
papa 成日話我陀 b 算舒服, 沒有一般大肚婆的妊娠不適, e.g. 嘔吐, 頭暈, 胃口差, 疲倦, 水腫, 失眠...
都算託賴, ah B 都幾錫 mami, 不會叫我太辛苦, 除了剛剛有咗第7wk 作小產入院把我嚇得半死, 同平日不願瞓覺, 整體嚟講都算係一個乖 b
papa 努力了多年的 PhD 終於在去年完成...
然後一次的曼谷假期回來就買了新居, 我倆挑剔的程度在過去的幾年也找不到一間滿意的 Dream House, 眼看樓價由 2003 年一直向上, 以為冇乜希望, 怎料出現了一間大家也願意花錢去供的樓
裝修用咗三個月的時間才入伙, 滿以為兩口子會有一段時間享受這努力的成果, 但不到一個月便發現有孕 雖然算得上是個小意外, 但那四位老人家欣喜的程度足以令我同 papa 覺得這個小寶寶是上天的恩賜 所有的事, 發生有次有序, 沒有半點叫大家透不過氣 未來的日子, 家裡將會多了一位新成員, 我與 papa 要加倍努力 神呀~~ 感謝你, 給我一個幸福的家
又病了, 今次係比 papa 連日來的感冒病毒不斷襲擊, 我最後也失守了...
papa 琴晚還提議自己出廳瞓, 免得把惡病傳染比我, 好可憐呢~~
就是我這顆慈悲的心, 滿以為這幾天可以同他抗衡, 等到今天假期過後有醫生睇就冇問題, 最後竟然係兩個人 (應該係三個先啱
從來冇腍過自己會結婚生仔, 少女時代拍拖戀愛似乎可以一生一世
但當找到一個可以付託終身的人, 便想有個安定的生活, 每天醒來也可見到佢係自己身邊, 咁樣好自然就會有結婚的打算 結婚咁耐, 大家的父母親都 "鵝" 足咁耐... 希望我們生個 bb, 但我倆只會當耳邊風
, 繼續兩口子的生活, 無憂無慮, sweet sweet 
但當身邊的朋友一個一個為人父母, 人家的小寶寶又可愛又活潑, 就有 d 心動
最後都係我還未踏入高齡產婦的 marginal 年齡試一試, 哈! 哈! 唔知好彩定唔好彩, 咁就有咗 ah B 懷孕係一個好奇妙的旅程, 眼見肚子一日一日長大, 小生命就係我身體裡面同我一齊, 我同佢屬於同一個個體, 唔怪得天下母親都比較放縱兒女, 因為 bb 就係自己的骨肉, 點忍心佢受傷害...
宜家成日 feel 到 ah B 狂郁, 我會間中同佢傾下計, 話比佢知佢對我幾重要, 我會幾咁愛踢佢
希望 papa 唔會呷醋啦
ah B 最近好鬼有活力, 周身郁, 但係今日就趴係度郁
宜家 ah B 體重有 1389 g => 3 磅, 進度好好, 加油 因為我擔心心臟的問題會影響生產過程 
仲擇埋日, 約埋醫生 book 定醫院床位 都係穩陣 d 好...
13/9 心臟報告出咗, 如下...
Cardiac Report
1. thicken anterior mitral valve (二尖瓣) length (AMVL)
2. mild mitral regurgitation 回流 (MR) 2 degree out of the seriousity of 4
跟住醫生出咗封信比我的婦產科醫生, 話我心臟有 heart murmur, 及以上等症狀, 生ah B (唔理順產或開刀
滿以為就此結束, 點知醫生還是安排了廿四小時心電圖 ECG 比我嘆~~~
由琴日上午去 QEH 安裝部儀器係身上, 整天不能沖涼, 好想死
因為 d 吸盤, 電線要被膠布緊緊的貼在身上, 膠布加汗水令我又痕又癢, 最後還敏感到紅了一撻撻
今日終於捱過了廿四小時, 去完 QEH 清拆部儀器後, 我飛奔返屋企沖涼
舒服晒~~~
一句講晒... 最緊要健康
