聽日一大清早就要入院生 ah B 啦~~~
雖然咁耐都係等呢一日, 但要告別大肚子, 總有些唔捨得...
因為這 38 週 ah B 同我的關係好親密, 佢的一舉一動都同我一齊, 佢同我係一體嘅, 切切實實係我嘅骨肉, 到聽日 ah B 從我嘅身體出嚟, 就會有好多人爭住抱佢, 我就唔可以再霸住 ah B 啦...
唔知 ah B 似邊個呢
唔知 ah B 乖唔乖呢 
唔知道坐月的日子會唔會真係好辛苦, 好似地獄的生活
唔知道同老公分開兩個月我會唔會頂唔住
我會唔會同 daddy & mommy 因為 ah B 而爭吵
我會唔會因為 hormone 關係會有產後抑鬱
最近不斷有人問我同一句說話 : "緊張嗎?"
其實, 到呢一刻為止, 我都唔係咁緊張... haha...
不過, 我諗當我被推進手術室時, 應該會好緊張, 好在老公會一直陪住我
我可能仲會喊 tim
唔知呢?! 之後話比大家聽啦~~~
ah B 係我個肚入面好食好住... 宜家已經變咗一個肥B...
但係我個肚對佢嚟講已經變咗一間籠屋... heehee...
如果 ah B 再唔出世, 我怕會迫爆我個肚
時間過得真係好快, ah B 仲有三日就出世啦...
好期待呢....
不知不覺到了懷孕期的最後階段, 9 個月的日子過得飛快, 往日嘅片段一幕幕在腦袋內浮現...
從那晚用驗孕棒棒測試既驚又喜嘅情景, 跟着看着老公每天的改變
因為要肩負準爸爸這偉大任務, 老公變得好細心, 但又好緊張
例如一開始已經要我穿平底鞋, 行樓梯要緊握扶手, 唔比我拿重物, 都幾大男人
但有緊又有鬆, 老公冇我周圍嘅同事朋友對我飲食的管制, 我仍然可以食 spicy food, 飲汽水, 只要我不是太放肆, 佢都不會出口阻止
老公仲話, 最緊要係懷孕嘅大肚婆食得開心, ahaha...
所以最近, 係上星期日同老公補足生日嘅 buffet lunch 裡面, 我少少放任地吃了一些一定會比同事勁鬧嘅嘢
1. 三隻即開生蠔
2. 數片三文魚 同 吞拿魚生 sashimi
3. 半隻龍蝦
4. 咖哩
5. 雪糕
6. ice coffee
真係好 yummy
老公, 多謝你對我的寬容同體諒
今天早上約了陳醫生 check 下 ah B 的進度, 今次是開刀前最後一次見醫生
如我所料, ah B 果然係 "大隻妙" 
咁樣落去, 出世冇 8 lb 都有 7 lb 半 
今日嘅超聲波的數字...
BPD ( The Bipatietal diameter ) : 胎兒頭骨左右的闊度 ~ 35w4d
AC ( The Abdominal circumference ) : 肚圍 ~ 38w6d, 係大肚 tum 小妹, 可能遺傳 papa 嘅 fat fat gene
FL ( The Femur length ) : 股骨(大腿骨) 的長度 ~ 38w4d, 係長腿小姐, 都係似 papa
頭細, 大肚 tum, 長腿... 成個 papa 骨骼, 點解冇 mama 份 !?
仲有十日, 就到剖腹生產嘅大日子, 係時候開始倒數啦...
除咗興奮, 還有一點點莫名嘅焦慮... 唔知係唔係 "產前焦慮症候群"
每日的宮縮愈來愈密, 好怕 ah B 趕住出世, 雖然過咗 36w 都叫做 Full Term, 但係自己身體內耐 d, ah B 可以大隻 d, 出到嚟健康 d, 冇咁容易病
間中同 200712 嘅 BK mami 係 MSN 傾計, 分享下一些生產經驗, 有 d 真係愈聽愈怕... 例如生產過程, 那個冷冰冰嘅手術室同手術床
http://hk.myblog.yahoo.com/yaya_eu/article?mid=5997&prev=6009&next=-1
http://hk.myblog.yahoo.com/yaya_eu/article?mid=5613
好在老公會陪產, 唔係都唔知點去獨自面對這件事
跟住一個小時血腥場面, 之後那個又細小又軟綿綿嘅粉團小人兒就係我同老公期待已久嘅小寶寶
我倆嘅生活將會被改變, ah B 嘅喜怒哀樂都會牽動我們每一條神經, 就算佢係一個只懂 boo boo 無理哭鬧嘅 baby 我倆都要咁愛佢
沒有睡眠嘅日子快將來臨...
ah B 宜家有 36 weeks la, 即九個月, 仲有兩個星期 ah B 就出世啦
引述<惠氏BB與妳>的 website
>>>>>>>>>>>>>>
第九個月您會注意到自己的肚臍突出，而且呼吸急促。當你的寶寶〝下降〞(子宮最高點降到橫膈膜以下)時，您的呼吸會輕鬆些。這段期間，子宮的收縮變得更頻繁有力。您可能會注意到有更多液體從乳頭溢出，這表示您的身體已經為哺乳做好準備，所以是完全正常的。您會有一種複雜的心情，既疲勞焦慮卻又快樂，這些都是正常的。
胎兒大小：
他現在體重約3-4千克(kg)，在懷孕的第37-42週期間，任何時候他都可能出生。
器官發展：
胎兒已經發育成熟，能夠在母親體外生存。他長滿頭髮，並下降到骨盆腔內，以頭朝下的姿勢縮起來，膝蓋緊挨著鼻子，大腿緊貼著身體，準備出生。
<<<<<<<<<<<<<
自從 ah B 調咗頭下降落盆骨裡面以後, 個肚真係又"重"又"墜"得很厲害, 宮縮的次數更加頻繁
ah B, 你乖啦~~ papa & mama 好想 1 Dec 睇詹瑞文 uncle 嘅 萬千師奶賀台慶
http://hk.myblog.yahoo.com/iam-red88/article?mid=549
你要乖乖地係我肚裡面忍耐多一陣呀!!
重量 : 43.5 kg -> 55.8 kg
腰圍 : 24" -> 37"
仲有 18 日就到剖腹生產 ( 即 3 Dec 2007 ) 的大日子, 陀咗 ah B 咁耐, 終於可以同我哋嘅心肝定見面, 好興奮, 又有 d 緊張
唔知之後要幾耐先可以修身成功, 回復昔日嘅 "火柴人" 身材
今天早上約了陳醫生 check 下我個 "水禾田小妹" 的進度
如我所料, ah B 大得好快, 兩個星期冇見, 佢宜家有 2729g <=> 6 lb, 真係每兩星期重一磅
其實我個肚真係唔算大, 仲可以話係細, 再者, 我嘅食量又沒有增加, 到現在懷孕後期都只係重咗 12kg, 仲係肥肚唔肥身 (絕對沒有曬命的意思...) 仲係排骨火柴人 ah RED
今日嘅超聲波的數字...
BPD ( The Bipatietal diameter ) : 胎兒頭骨左右的闊度 ~ 33w1d, 因為 ah B 已經跌咗落盆骨, 醫生較難量度正確 figure, 所以 ah B 個樣都照唔到, 因為 ah B 早咗跌落去, 可能會早產, 約 10 d before EDC 預產期
ah B, 唔好再早啦~~ mama & papa need to watch 詹瑞文 uncle 嘅 show
AC ( The Abdominal circumference ) : 肚圍 ~ 36w6d, 係大肚 tum 小妹, 可能遺傳 papa 嘅 fat fat gene
FL ( The Femur length ) : 股骨(大腿骨) 的長度 ~ 35w5d, 小小長腿, 都係似 papa
喂喂, 可唔可以搵樣嘢似我 !?
俗語有云 : 「唔怕生壞命, 最怕改壞名」
懷孕最初, 曾經有諗過搵堪輿風水師傅幫忙, 包括擇日同改名
不過, 最後都是自己解決 
因為唔係專業, 唯有盡力以為
擇日擇時辰就靠通勝, 好似結婚咁, 再稱下骨
http://hk.geocities.com/andy_suen/bone.htm
改名就全靠 ah B 最愛科研嘅 papa, 老公買咗幾本姓名學嘅書, 又上網, 又去 library 借書, 最後嘅候選佳麗有兩個...
1. 欣 (昕/忻/炘) 彤
2. 思 穎
其實仲有好多唔同 combination, 不過不太順口, 愈多選擇愈煩
開始倒數啦~~ only 33 days to go... for my sweetheart delivery
我的水禾田小妹宜家已經有 33w5d la~~
佢腳仔長長, 已經識得倒立 "young" 住 mami 個胃
仲有 5 lb 重, 聚到 mami 個肚死死下, 瞓覺轉身都要抱住個肚一齊轉, 頗吃力
不過唔緊要, mami 都仍然好珍惜您係我肚裡面咁親蜜嘅關係
等您出咗世可能好多人都爭住抱您, mami 就唔可以成日 "霸" 住您啦~~
今天早上約了陳醫生 check 下我個 kickboxer ah B 的情況同成長進度
嘩!! 兩個星期冇見, ah B 大得好快, 佢宜家有 2258g <=> 5 lb
點解醫生可以估計 ah B 宜家嘅重量, 咪靠超聲波的數字, 例如...
AC ( The Abdominal circumference ) : 肚圍
BPD ( The Bipatietal diameter ) : 胎兒頭骨左右的闊度
FL ( The Femur length ) : 股骨(大腿骨) 的長度
睇嚟 ah B 對腳腳比較長, 似 papa
醫生仲話 ah B 已經調轉咗頭, 即 "倒立" 了, 唔怪得之佢近排嘅 sidekick 踢到我個胃死死下啦...
除咗比佢 sidekick 到唔舒服, 仲有 "胃酸倒流" more frequent
個胎大咗, 壓住 d 神經線, 腳腫得很嚴重, 瞓覺轉身都要抱住個肚轉, 不過仍然會扯住痛
醫生話懷孕後期係咁嫁啦, 佢踢我即係代表佢健康, 但都唔洗咁大力吖, 醫生叫我忍下喎...
