大隻妙

上次去私家診所產檢時, 得知小小 B 肥嘟嘟, 仲懶開心 , 點知琴日到公立醫院產檢時, 個 Associate Consultant 話我個肚比較大 (係我比較瘦削之嘛), 要安排我入院照超聲波 & 做血糖測試, 仲要愈快愈好, 要呢個星期內...

唔係化 ~~~ 雖然已年界 "高齡產婦" 行列, 都唔駛比個 "老人優惠" 我囉~~~ 我每次產檢 d 小便試紙 (係 check 蛋白尿同糖尿) 都 pass, 而我又冇家族成員有糖尿病 history, 只係個肚略嫌大咗 d, 都唔駛醒 d 好野比我呱~~~

入院同 baby 照超聲波, 梗係 "筍" 啦~~ 又可以見下個寶貝, 睇下佢 d 手仔腳仔 young 下 young 下, 但係個咩咩 "血糖測試" 就認真麻麻 la, 因為要飲一大碗十級難飲超甜糖水, 今晚 12:00 midnite 後又要禁食, 到聽朝一早去醫院抽血, 然後飲糖水, 要頂住唔好嘔 (唔係要約多次再 test, shit !!!), 再呆等 2 個鐘, 再抽血, 先走得, 化驗報告如果係 positive, 會盡快通知我, 如果一切安好, 下次產檢時,. 醫生會係咁意講下冇事... 最慘係成個過程, 要空肚, 直至第二次抽血完畢, 成 12 個鐘, 想餓死人咩 !!! 大肚婆唔餓得 ga ma !!!

Anyway, 希望一切順順利利, 最多我呢兩個月控制下 diet, 叫少 d afternoon tea la, 但係雞肶薯條餐又真係太吸引, 又唔係日日食喎

>>>>>>>>>>>>>>>>>>>>>>>>>>>>>>>>>>>>>>>>
後記 : updated 5/5/2010 15:30

8:35 搭的士抵達 QEH 急症室, 辦好入院手續上 B3

8:45 抽第一次血

9:00 休息咗一陣後, 被迫飲果碗 "湯麵碗" 咁大嘅糖水, 雖然唔係 syrup 狀, 但難飲程度有十級, 真係甜到苦... 仲要一次過完成, 好想嘔, 但 Wing Wing 千叮萬囑要忍住, 唔係就前功盡廢... 之後飲了半杯水溝稀下, kaka... 點知有位 mama 飲水時比 d 亞姐 inch "唔好飲咁多 ar, 一兩啖好 la, 唔係好易嘔 ga", kaka~~~

9:00 - 10:30 呆坐一個有 sofa 有電視嘅 room, 成班 mama 等第二次抽血, 有位 mama 帶埋個女嚟, 大約 2 歲, 真辛苦... 又有兩個懲教處 madam 夾住一個女犯, 當然係有手銬戴住 ga la

10:15 有姑娘叫名做 ultra sound, 雖然我攞住個張係 10:00 2 號籌, 但最終都要呆等半個鐘頭

10:50 終於有得照, 原來 1 號籌係孖胎, 所以照咗 half an hour... 我除鞋瞓上床照肚, 又可以見小小 B la, hahaha~~~ 醫生都係度 d 好 basic 嘅 figures, 同私家 Dr Chan 果 d 一樣

AC ( The Abdominal circumference ) : 肚圍
FL ( The Femur length ) : 股骨(大腿骨) 的長度
BPD ( The Bipatietal diameter ) : 胎兒頭骨左右的闊度

除咗 BPD, 其他都快咗 1 week, 即係比 average 肥多 1 week, ok la, 好平常想 je <-- 係個醫生咁講, 其實我都好有同感

其間照緊 ultra sound 之時, 又被出面 d 姑娘 call 我電話提我抽第二次血, 我夠知 la, 係你哋 d 安排咁混亂先撞晒時間之嘛

11:00 抽第二次血, 今次比較痛, 又係冇膠布保護傷口, 只係比塊紗布你按住, 乜醫管局咁鬼慳... 唯一有 d 良心嘅係之後比咗包奶+梳打餅 (雖然我比番包奶佢, 因為我敏感, 飲奶會嘔), 可能有 mama 腳軟嘅事件發生啩, kaka... 話晒都冇食野成 12 個小時 wor

晏晝返到公司, 心思思唔知幾時有 result, 做咗手頭上 d 功夫咪上 PHR (Personal Health Record) for HA employee only, check 下 d 驗血報告, 嘩, good ar, OGTT 出咗 result

Glucose (DFT) : 6.1

經同事分析, 如下...

很多人在空腹血糖測試時表現正常，但當做OGTT
(又稱"飲糖水")測試時，即發現已墮入前期糖尿病的水平，所以OGTT是較為準確驗出前期糖尿病的測試。做OGTT測試, 先飲75克糖水, 2小時後接受驗血測試,
如血糖值為7.8mmol/L至11.1mmol/L, 即屬前期糖尿病; 如高於11.1mmol/L, 即屬二型糖尿病。

haha... 即係冇事, 又可以放膽食 "雞肶薯條餐" la