胎震

一般嚟講, 孕婦通常由 week 16-20 會感受到胎動, 除咗表示胎兒的健康狀況, 亦為初為人父母帶來無限興奮, 上一胎陀彤彤時差不多成 week 21 先 feel到, 可能係第一胎, 子宮比較迫, 又可能因為彤彤性格比較斯文

但呢一胎, 好早係 week 16 已經感受到胎動, 可能子宮比較鬆, 又或者小小 B 比較活躍, 似跳跳虎

起初佢每每係我午餐. 下午茶同晚飯時間較為活躍, 以為佢鍾意食野, 到近期一兩個月, 佢對彤彤家姐把聲零舎有反應, 有次係彤彤半夜喊醒扭抱之時, 小小 B 嘅胎動簡直嚇親我, 可以比喻成火車經過路面不平嘅路軌時所產生嘅震動, 整個肚在強烈搖晃, 有如 "胎震"...

當然, 胎震嘅次數與力度有增無減, 就算係彤彤嘅歌聲. 喊聲. 笑聲. 尖叫聲, 佢都會興奮莫名, 唔知佢出世後, 係咪對家姐份外有反應, 會唔會有心靈相通呢?

點都好, 我同 papa 都希望佢哋倆個感情好好, 相親相愛, 一齊成長