醒目姐姐

今晚放工歸家, 工人姐姐如常係廚房準備晚飯, 兼報告彤彤今日所發生嘅事...

事件一
比大毒蚊又咬一啖, 腫成一大塊, 面積約五蚊硬幣咁大, 仲要係屋企中招, 唔通要全日關窗開冷氣? 宜家乖女雙手各一大粒蚊癱, 陰公...

琴曰睇 Dr Chik 時問佢點解 d 蚊只係針彤彤 & papa, even 我哋三個都係同一血型, 原來蚊對紅外線特別敏感, 體溫高嘅人身體所發出嘅紅外線特別強, 所以吸引 d 蚊注意, 唔怪得彤彤 & papa 呢兩位大汗豬咁受 d 蚊歡迎

事件二
瞓瞓下晏覺咳醒, 仲咳到嘔, 嘔到成身都係, 最後唔敢再瞓, 只係瞓咗個零鐘

事件三
最驚心動魄... 事緣大小姐洗完白白豬, Narti 同佢係浴室吹頭之際, 忽然 "bomb" 一聲, 個風筒燒了 (因為佢都好大年紀了), 個風筒插蘇都燒到黑哂, 仲攪到成間浴室一陣黑煙同 "火羅" 味, 彤彤竟然冇喊, 眼仔碌碌望住姐姐, Narti 好醒目第一時間抱走彤彤, 因為產生 "短路", 全屋跳電, Narti 即時打去樓下管理處叫 Uncle Woo 幫手開番 d 電, 同埋上樓 pak 番個電箱總制

成件事冇驚動過我同 papa, 好醒目咁解決, 如果換轉係我, 一定第一時間打電話比老公救命 !!!