彤彤有 fans

原來我家彤彤除了有一班高齡 fans 外 (當中包括 mama papa, 公公婆婆, 爺爺嫲嫲同姑媽), 佢仲有一班同齡 "粉絲"

粉絲一
Think 有個同班男同學好 like Nicole, 上堂唔太專心, 成日係彤彤身邊叫佢 "Nicole Nicole"
撩佢, 但乖乖豬 Nicole 一於好少理, 只係冷冷咁望一望佢, 好 cool 咁繼續一心一意專心聽老師上堂

粉絲二
Think
有個同班女同學好鍾意 Nicole, (唔知點解咁多人鍾意佢?) 會走埋去攬住 Nicole 錫, 但係惡人 Nicole
會一手推開個女同學, hahaha... 好恨心

粉絲三
隔離單位有個細 Nicole 半年嘅男仔, 成日係晏就時份係公園同 Nicole 相遇, 久而久之, 佢哋會攬頭攬頸一齊玩, Nicole 都會報告比 mama papa 知是日見到細佬... 前兩日先係公園比細佬整喊, 因為細佬太肉緊, 一手打咗 Nicole 頭頭一下, 佢咪要細佬 say 完 sorry, 先肯再睬人哋 lor~~  kakakaka...

粉絲四
樓下 6/F 有兩姊弟, 家姐每天放學時間同 Nicole 相約, 佢工人會帶埋一歲半嘅細佬去接校車, 原來每次細佬見到 Nicole, 都會好飛禽大咬, 即時熊抱我乖女, 但係 Nicole 可能見人哋細粒過佢, 沒有推開人... keke~~ 上星期六, mama 終於係樓下大堂見到佢哋一家人, 細佬一見 Nicole 好似蜜蜂見蜜糖, 即時撲埋去攬住佢, Nicole 當時個樣超攪笑, 神情既突然又無奈, 跟住我同人哋 mama 寒喧幾句之間, 佢個仔又再嚟料, 真係好狼死 ar !!! 呢次乖女醒目 la, 即時推開佢, 笑死 d 大人, wakakak~~~

查實 Nicole 係咪有桃花眼呢 ? 因為有人告知 mama 乖女對鳳眼會惹桃花...