學乖

彤彤一向都係淡淡定, 斯斯文文果種女仔, 有 d 人仲會讚佢好乖好聽話　(例如 : 大伯父話彤彤比佢係 HK & Australia 教會見到嘅小朋友當中, 係難得聽話嘅一個) 真係 !?

其實佢 d 臭脾氣同硬頸真係唔小野, 深得佢 papa mama 真傳...

最近有幾次經過一向寵壞佢嘅 mama 狠狠 "整頓" 了佢一兩次之後, 似乎學乖了...

從一開始做錯事死硬頸唔 say sorry, 到最近我惡鬧佢, 佢會醒目道歉, 真係叫人恩惠

例子(一)
有晚同 Narti 姐姐係地墊玩, 興高采烈之下, 成個 remote control 掟向姐姐, mama 要佢即時同姐姐
say sorry, 佢死都唔肯, 扭計喊住話要瞓覺, 我又鬧, papa 又氹, 都唔妥協, 我最後忍無可忍打了佢手板兩大下,
連我自己都感到痛, 佢都無動於終

例子(二)
有日係公公屋企, 興高采烈之下, 攞住公公嘅心愛 "法拉利" 模型車狠狠掟落地, 我當時火都嚟, 惡鬧佢 : mama 最憎人掟野 !!! 然後大力打了佢兩隻手扳, 佢當然大喊, 然後搵 papa 求救, 要抱, 公公婆婆當然肉赤, 但佢果時只係要 papa, kaka~~~ 之後 papa 要佢同我 say sorry, 又係死都唔認輸

例子(三)
平日好乖好合作, 肯 tidy up 玩具嘅彤彤係 mama 面前零舍曳, 叫佢 tidy up 完 d Hello Kitty 玩具先去玩 cut cut fruit, 佢又掟野, 我頂 !!! 我 d 火 9 秒 9 上升, 即鬧佢 : 你又掟野 !!! 跟住要佢執返, 佢睬我都傻, 仲由客廳地墊位走到屋企門口另一邊坐低以示抗議, 眼神仲係好倔強, 咀巴緊合, 表示不滿, 真係激 c 我 !!! 跟住 papa 知道呢個女硬踫冇效, 便駛出軟功, 同佢講 : 不如你過嚟同 mama 一齊執吖~~ 哈! 又有效喎, 佢笑咪咪走過嚟要 mami 抱, 起初要 mami 執, 自己唔肯執, 最後我提議 mama 捉住 Nicole 手手一齊執, 佢又肯喎 !!! 終於順利完成這次拉鋸戰...

是晚, 我陪佢飲完奶奶, 陰之陰之親子 talk 時, 佢突然同我講 : "彤彤唔掟野" 嘩~~~ 我當時真係覺得好 shock, 係真唔係呀? 咁生性? 識認錯?

跟住我又同佢講 : 聽日去公公屋企喎, 有車車玩~~ 佢竟然答我 : "彤彤唔掟車車"

嘩~~~ 真係由心到笑出嚟 !!! 你咁識氹人, mama papa 點會唔錫晒你吖~~~

自此之後, 都未再有 "掟野" 事件發生, 同埋做錯事會肯 say sorry.

Good Girl ~~~