沖繩之旅 (二)

第二天, 08:00 開車, 首先去著名電影『戀戰沖繩』拍攝地 -- 萬座毛

跟着是海洋博水族館~觀賞海豚精彩表演 & 鯨鯊

然後到熱帶水果樂園試食時令水果, e.g. 菠蘿

再到出海一個小時乘坐海底玻璃生態觀光船, 上岸後去看建築奇觀『樹包厝(樹屋)』, 是用石屎水泥建築的假樹, 上面是一間餐廳

晚飯過後終於可以逛街 shopping... 國際通商店街 ~三越、RYUBO 百貨公司「無印良品」~國際通不夜天

沖繩之旅 (一)

終於出發了, 老公的燒退了, 沖繩的颱風走了, 我仍帶着戰戰兢兢的心情出發, 希望一切順利

我按着導遊之前的指示穿著較鬆身的上衣遮掩大肚子, 以免被日本海關無理拒絕入境  雖然我十萬個唔認同, 但最後還是屈服, 以免出了亂子

我興奮地出發, 但老公因為藥物的關係, 反應仍然是呆瓜一樣   唉....

當飛機進入沖繩的上空, 癲波了一陣子, 因為颱風過後仍然要風雨飄搖一段日子, 我最後都同 ah B 在機倉裡玩了兩次海盜船

第一天的行程在風雨中渡過, 首先要到露天的守禮門與世界遺產『首里城』

然後到 MAIN PLACE 購物城自由購物, 祗是一個普通的 shopping plaza, 有點似大型 Jusco

晚餐於市內的日式 buffet 餐廳, 我迫了老公吃了沖繩特產之一 『 苦瓜 』 他的反應慘過食藥

晚飯後到那霸市內酒店 -- OKINAWA NaHaNa HOTEL & SPA check-in

就係咁, 第一天的行程話咁快便完成, 明天仲要 06:30 morning call, 相等於 HKT 05:30

 

係咪個天唔想我去?

今次外遊簡直一波三折, 繼有一家大細病鬼晒, ah B papa "扁桃腺發炎" 發冷發熱, 今日新聞報導沖繩島被強烈颱風吹襲, sigh...

係咪個天唔想我去

>>>>>>>>>>>>>>>>>>>>>

強烈颱風周六將吹襲九州 (20:45) 2007年7月13日

強烈颱風「萬宜」正吹襲日本南部沖繩島，當地電力中斷，有25人受傷。

「萬宜」持續風力達到每小時162公里襲擊，當地約9.8萬戶居民供電中斷，佔人口的六分一，250航班取消，影響2萬2千乘客。

「萬宜」正向北面移動，移動速度為每小時30公里，預料周六會吹襲 九州。

>>>>>>>>>>>>>>>>>>>>>

睇怕就算去得成, 都是一個風雨同路的沖繩之旅

我要撐下去

老公的病沒有好轉, 反之愈來愈差, 這兩晚半夜三更發冷發熱, 全身濕透

我擔心得要死, 但仍要強裝鎮定安慰他, 除此之外, 我不知可以做什麼讓他減低痛苦

今早他嚴重到開唔到聲, 食不下嚥, 飲水也痛得要死...

我自把自為幫他 book 了 Dr appointment, 還千叮萬囑叫他要求 Dr 打針退燒

Dr 發現原來是"扁桃腺發炎", 引致發燒. 今次嘅病毒好惡, 把 ah B papa 煎熬了一個多星期

我從未試過咁擔心... 我看着他辛苦到雙眼通紅, 眼泛淚光, 心裡難過得要死   ah B, 你 papa 好辛苦呢...

以前, 我會好傻咁冧, 如果可以幫佢 share 一下 d 病, 減輕佢嘅痛苦, 都未嘗唔係一個辦法, 但宜家有咗 ah B, 我就算唔顧自己, 都要顧住 ah B

我本來打算逼他入急症室, 但又怕最後會係冷冰冰的醫院大堂耗上幾小時, 仲辛苦佢...

最後都是打消了這個念頭, 還是打電話比做 nurse 嘅 auntie Susan, 聽聽她嘅專業意見

她提議我明天同老公去 private hospital 睇 ENT 專科, 或者會有更好的治療, 因為似乎 General Practioner 開嘅藥對 papa 作用不大

auntie Susan 仲比咗幾間 hospital 嘅電話比我, 佢真係好好人

希望 papa 盡快退燒, 唔係我哋會比人 reject 上機

希望可以去得成旅行

舊居, 告別啦~~

今晚是最後一次返舊居, 明天以後, 它便屬於新主人...

從5月尾簽臨時買賣合約至今, 都有一個半月嘅時間, 日子話長唔長, 話短唔短

但真係到要雙手把它讓給別人嘅時侯, 感覺有點兒不好過, 好唔捨得...

它不竟是老公和我新婚嘅居所, 我哋係那裡渡過了很多很多甜蜜嘅日子 

 

雖然當中也有爭吵流淚嘅片段, 但那些片段過後, 教曉我倆要更加珍惜對方

更何況 ah B 也是 made in TKO

明天舊居就要交吉了, 希望新業主會好好愛惜佢

今晚, 老公同我係舊居影了一些相片做紀念, 臨走時仲傻傻地同d傢俬.廚房.厠所續一說再見,  bye~~ bye~~

全家都病晒...

老公從上星期開始, 便生病至今, 斷斷續續發了幾日燒 , 我終於也給感染到...

今日上午終於也請了半天病假, 老公發燒情況比我更差, 但因為我下午要返工, 佢竟然起身煮嘢比我食, 嘩, 好感動...  

昨天下午去睇馮醫生, 希望她可以使我在旅行之前復完, 點知馮醫生一萬個唔應同我大着肚子出遊  仲問 : 「 乜你奶奶比你去咩?? 」佢真係太緊張了

佢仲同我好詳細咁檢查, 又按肚, 聽 ah B 心跳, 量血壓, 度脈搏, 問這問那, 實在好好好細心

佢最後開咗 d 好 mild 嘅藥比我, 鬼叫有咗 ah B 咩  記得上次差不多要一個星期才復完

今個星期六便出發去沖繩, 希望老公同我快 d 好番啦...

咁就可以好好咁同 ah B & 老公 enjoy 個 trip 啦

ah B 遮住咗

今天早上約了陳醫生, 老公帶病都陪我去私家診所做產檢, 好感動

因為琴晚半夜 3:00 am 被 call 醒 support 了粒幾鐘, 好唔夠精神, 又天雨路滑, 老公好小心咁拖着我

,  雖然每一次係診所都起碼要等上至少一個小時, 不過有老公陪伴, 又可以見到 ah B, 點都值得 

我倆係診療室透過 u/s 的大螢幕,  好清楚見到 ah B 的頭, 身體, backbone, 手, 腳, 手指, 腳趾, 心跳同臍帶.

ah B 仲彈咗一彈比我哋睇, 好攪嘢!!

陳醫生話 ah B 成長進度正常, 16週已有11.4cm, 比上次 5/6 做 Oscar 時, 足足大了一倍, 好勁!!  陳醫生話 ah B 不是過大, 或過小, 是中碼 size, 好標準 

由16-20週開始, 應該可以見到 ah B 係男仔定女仔, 點知佢好頑皮, 曲起對腳, 遮住咗重要部位, 攪到我哋睇唔到  又要等下次係 QEH 做結構性 u/s 再睇啦...

我告訴陳醫生我最近有d唔妥...

1. 容易暈

2. 左邊盤骨痛

3. 打噴嚏時個肚抽住痛

點知這些都是孕婦正常嘅反應...

1. 因為我有地中海貧血, 多多少少也有d 貧血, 懷孕時 d 血會比咗 ah B 先, 有時會上唔到腦

2. 係坐骨神經痛, 係 ah B 壓住 d 神經

3. 因為個肚被拉扯着, 打噴嚏容易觸動被拉扯嘅肌肉同神經

總之, mami & ah B 一切安好, 期待七月尾嘅結構性 u/s