St Catherine K1 Interview

冇查通勝都知是日係 interview 吉日, 因為 mama & 彤彤今日都有 interview... 希望大家都順順利利 la~~

08:45 嘅 St Catherine interview, mama 琴晚一早 10:00 便迫彤彤上床飲奶覺豬, 痴身嘅彤彤點會就此罷休, 最後要 mama 提早沖涼 11:00 一齊瞓覺, 都好吖, 咁對 mama & 小小 B 都好...

今早 07:00 全家起身, 彤彤飲完奶再眠一眠到 07:30 都逃唔過被 "鏟" 起身, 大家知一向晏起嘅彤彤會有未瞓醒嘅危機, 所以要兵行險著... 用藥提神, kaka... 其實只係比咗一塊朱古力佢食, papa 仲話今次唔會有藥物檢測, haha... 緊張嘅 mama 又胃痛發作, 怱怱 pak 粒藥就出門口, 去到 St Catherine 門口 08:15, 太早未開門, 但已有一班家長守候, 我們係對面 Australia International School 空地同彤彤 warm up 下, 好彩 mama 帶了 piglet, 彤彤同 mama 玩到尖叫, haha... 應該醒晒 law~~ 一到 08:30 學校開門, 有個 ABC like 嘅中年男子滿口英語叫大家排隊準備 slip, 只準一位家長入去, bla bla bla, 駛唔駛咁 ar, 你都有 local 班, 係咪係道蝦 d 人一定要識英文 ar !!!

咁嘅情況梗係 mama 出馬 la... 彤彤好乖咁被安排入一間課室, 有四張枱, 每張枱面上擺滿 lego & 車車玩具, 每四個小朋友坐一張枱, 家長唔可以陪小朋友一齊坐, 只可坐課室四周嘅家長座位, mama 好醒目咁比彤彤坐係望見我嘅位, 彤彤就好安靜咁自己玩, 呢個係獨立冷靜嘅佢嘅強項, 然後老師觀察比分, 唔好彩嘅事發生, 坐係彤彤身旁嘅女孩子唔肯坐定定, 成日要走番去 mama 身邊, 幾次掙扎下撞親彤彤幾下, 彤彤豬好醒目咁向後避開, 跟住佢 mama 比提子乾佢, 佢竟然攞去請彤彤食, 但係隻手隊落佢額頭同鼻鼻到, 我頂 !!! 好彩彤彤夠冷靜冇喊, 連老師都睇唔過眼, 叫佢唔駛請人食 !!! 其實呢種安排係睇下小朋友會唔會坐定定 (呢個女仔實 fail), 會唔會爭野玩 (有一張枱有兩個小朋友爭 lego, 佢哋 d parents 只可以 remote 叫 d 仔女 sharing sharing, hahah), 會唔會要 parents 陪玩 (彤彤對面個男仔個 mama 就成日走埋去陪玩, 最後老師都睇唔過眼, 叫個 mama 比個仔自己玩)

到咁上下又被安排到一間 interview room, 有三張枱, 三個老師, 其中一名貌似 "梁愛詩" 嘅老師叫彤彤果名, 死啦~~~ 以彤彤以往經驗, 唔靚又老又冇笑容嘅老師, 彤彤實十問九唔應!!! 以下係問彤彤嘅問題...

1. 你叫咩名 ? 彤彤答啱, 但太細聲, 老師叫彤彤再大聲 d 答多次 (我頂 !!!) 咁我咪拉彤彤張凳近 d, 我再問多次愛女 law, 好彩都肯答多次
2. 你幾多歲 ? 彤彤好快舉起兩隻手指答兩歲, 叻叻 !!!
3. 邊個帶你嚟? 我即刻問彤彤, 我係邊個? 彤彤答 "mama"
4. 問邊到係咀咀? 彤彤指到, 跟住問咀咀有咩用? 彤彤係咁放隻手指係咀邊, 我提水, 係咪 "mum mum", 佢答係
5. 老師攞出三樣物件 : 牙刷, 手拍, spoon, 然後問邊樣用來抹咀? 彤彤諗咗一陣, 攞咗手拍比老師, 老師再追問呢樣野係咩? 彤彤答 "巾巾", 老師要彤彤跟佢答 "毛巾"
6. 老師攞出一張有好多食物嘅咭紙問彤彤, 彤彤成功答到 "飽飽" 同 "魚魚"
7. 老師攞出一張有三朵花嘅咭紙 (有紅, 黃, 藍), 然後攞起一塊紅色積木問彤彤咩色, 彤彤答 "紅色" (好彩, 亞囡現階段只識紅 & 黃, 藍 & 綠通常係撞彩), 然後有兩塊黃藍積木, 叫彤彤放返上同色嘅花花上面, 彤彤 9秒9 完成
8. 老師攞出一種似 open arc key 嘅勾勾比彤彤, 叫彤彤用手指咁住 arc 位, 再勾 d 圈上去, 太難 la, 比 K2 d candidate 就差唔多...

跟住問家長...
1. 點解揀呢間學校
2. 平時假日同佢去邊

係老師同我傾計嘅時間, 彤彤竟然將 d 圈圈由個扣攞番出來, amazing, 嚇 c 我, 當然個 miss 要佢再做多次勾番入去 la, 最後比咗個 sticker 比彤彤, 講 bye bye, 彤彤好彩都照做, 仲加送 flying kiss, 整體都算唔錯, 好彩彤彤平日對得嫲嫲婆婆多, 冇比老女人嚇窒, 但笑容冇對 d 後生靚靚 miss 咁多咁 sweet

mama 總算鬆一口氣, 出到校門, 09:00, mama 唔駛遲到, 唔係女魔頭又亞吱亞draw !!! papa 同姐姐急急腳係對面馬路走過來叫我唔好睇, 我只係見有好多人, 好似 "皇后象廣場" 咁... 原來頭先有意外發生, 一位家長抱住女兒過馬路時比車撞倒, 女兒仲被拋上半空, 好彩大人細路都無大礙, Thanks God !!!個 papa 仲話要去 interview, 死未 !!!

如果 interview 前見到是次 accident, 我同彤彤一定嚇到咩都唔識答...

為咩呢.... 命仔緊要...

整體嚟講, 間學校太講 discipline, 係 toy room 已可見一班, 好彩彤彤係乖之一族, 但咁嘅教育, 會唔會壓抑小朋友嘅主動性呢 ??

>>>>>>>>>>>>>>>>>>>>>>>>>>>>>>>>>>

後記, K1 result 已於 28/11 收到, 結果如下...

http://hk.myblog.yahoo.com/iam-red88/article?mid=6771