根德園 K1 interview

昨日(星期六) 同彤彤去根德園 K1 interview, 時間係下午3:15, 正值大小姐 nap 時間, papa mama 心知不妙, 所以上完 Cannan playground 即刻飛的返屋企, 餵完大小姐食飯後便 "拍" 佢上床小睡, 可惜未夠鐘, 彤彤最後 "典" 咗好耐先瞓着, 結果當然係瞓唔夠, "鏟" 佢起身時喊咗好耐, 心情奇差...

mama 為咗氹返佢 d mood, 又比 chocolate, 又用 piglet 陪玩, 去到根德園 15:15, 先發現 interview 轉咗多實街分校, 唉... 又要抱住 25磅人仔跑幾條街, 當然到達會場有點 late, 校方都好樂意比我同彤彤入去, 雖然聽講呢間學校 interview 好流水作業方式, 每位小朋友只獲 5 min interview time, 但校內等候嘅人龍依然好長

學校分開 boy & girl 唔同 interview stream, 都算 fair, 因為男仔始終語言發展方面稍遜女仔, 一路上 mama 不停用 piglet 同彤彤 dance, 令到愛女好 high, 連同身邊嘅小朋友都吸引過來, haha...

等咗 15 min, 到彤彤啦~~~ 被分派到一組兩位老師, 一位負責問彤彤, 一位負責問 mama

以下係問彤彤嘅問題...

1. 你叫咩名 ? 彤彤好細聲答, 又係被要求大聲答多次

2. 你幾多歲 ? 彤彤 9 秒 9 舉起 V 字手勢答兩歲

3. 邊個帶你嚟 ? 鬼整佢掛住個 Hello Kitty paper clip, 仲大方到攞比老師玩都唔答, 老師就叫佢話比 Hello Kitty 聽坐係身邊嘅係邊個, 佢先肯答 : Mami

4. 有兩組動物 puzzle, e.g. cow, 它的頭、身同 pat pat 被分成三節, 要彤彤將佢拼返埋一齊, 雖然彤彤最後完成, 但佢多次將頭放係 pat pat 後, 激 c 人 !!!

5. 有一組三個 color 同形狀 puzzle, 要彤彤將正確嘅形狀跟 color 放返啱, 彤彤 9 秒 9 完成

6. 跟住老師叫彤彤雙手遮住對眼, 然後變出一張圖畫, 畫中有一個小朋友係房間寫字, 老師指住椅子問彤彤係咩, 鬼整佢識都唔答, 床亦如是, 老師仲問佢係咪心情不佳, mama 唯有和盤托出小女剛啱瞓醒, 以致心情欠佳, 跟住老師指住魚缸, 大小姐先勉強答 "魚魚", 再問魚魚做緊咩, 佢竟然擺出 Cannan Playgroup 學嘅魚魚游水手勢都唔答老師, 死未!!!

7. 跟住老師叫彤彤唱歌, 彤彤最後唱咗足本版 ABC song, 叫做有 d 安慰

當彤彤唱歌時, 另一位老師開始問 mama 問題
1. 彤彤係咪跟父母住? 平日邊個照顧 ?
2. mama 有幾多時間照顧彤彤 ?
3. 假日帶彤彤去邊 ?
4. 點解揀呢間學校 ?
5. 有冇親戚朋友嘅小朋友係到讀 ?

其間兩位老師都話彤彤好細個, 言下之意係咪唔想收細仔 !?

之後問完晒比彤彤一個玩具, 彤彤好有禮貌咁 says Thank You, 離開時仲 Bye Bye 同推凳

之後仲有一關, 就係離間面試室仲有老師比糖果, 睇下小朋友會唔會貪心同有冇禮貌

整體嚟講校方安排上好過 St Catherine, 至少出面試室後見到 papa 同其他家長係學校 playground 到等候, 冇 St Catherine 咁要其他人在校外食西北風

但愛女今次表現認真麻麻, 雖然未衰到三緘其口, 但真係表現唔到水準 lor !!! Anyway, just take it as an experience la !!!