有驚無險

前晚肚痛大作, 痛了十幾個鐘頭 

, 我怕 ah B 有事 ,又唔知係咪子宮收縮

, 好驚... 

最衰宜家 22 wk 都感覺唔到 ah B 踢踢, 唔係都唔洗咁擔心

剛巧我嘅兩個私家醫生(產科同家庭醫生)都放假, 係苦無對策下 , 我打電話比 Dr Tong , 佢提議我入急症室, 我唯有等天亮打電話比在 QEH 做婦產科醫生嘅 friend - Dr Lau, 佢叫我入院 check 下, make sure

ah B 冇事

最後我係10時左右入了 QEH, 經過一輪檢查同 ultrasound scan, 証實 ah B 冇事, 仲有心跳, 又唔似係子宮收縮作早產, 但因為我嘅肚痛仍舊, 佢要我留院觀察

我十萬個唔願意留院, 因為以往住院嘅經歷很差 

我最後被安排到一張靠窗嘅床, 我附近有唔同國籍嘅病人, 包括印度, 大陸, 菲律賓等... 還有一個 40 wk 腹大便便待產嘅媽媽同一個 21 wk 因背痛入院嘅媽媽, 她們係到 share 近陀bb 嘅經驗, 但大都是可怕嘅故事, 我唯有唔參與, 瞓覺休息下, 當聽唔到... 

但世事點會咁如意, 我久不久就被姑娘叫醒食藥, 量血壓, 抽血, 驗尿... 還有同房嘅病人周圍走嚟走去, 根本就唔係一個寧靜嘅休息環境

有點意外嘅係... 個靚靚女醫生發現我嘅心臟有雜音, 可能佢係 Houseman 嘅關係, 好緊張, 話要搵內科同事睇下, 唉... 你比我出院仲好啦, 反正 ah B 冇事, 什麼也不緊要了

係我幾番要求下, 係傍晚時份, 靚靚女醫生終於比我出院, 係囉,

與其要我瞓床休息食藥, 不如比我返屋企,  home leave 咪仲好, 唔好霸住 d 床位, 浪費政府嘅資源

 雖然出院時個肚仲痛近, 但我寧願

返屋企, 定時食藥休息, 好過係醫院過夜