今朝同老公都去咗睇醫生, 結果除了每人一大袋藥之外, 仲送咗兩個 "口罩"
所以出醫務所時就變了 "矇面雙俠", 好似 d 劫匪去做大單野咁... 都幾搞笑
近排屋企太多事, 一定要 train up 自己 d EQ, 唔係真係 collapse
頭先婆婆打電話嚟, 勸我唔好湊彤彤返屋企
我好激動, 上個星期已經冇湊返屋企 la
我好需要 baby !!!
彤彤係我嘅 "正能量補給平台", 我要抱下佢, 痴下佢, 平衡下難過嘅心理...
雖然我明白我 mama 嘅憂慮, 但佢太唔明白 weekend 父母嘅心態
我每個星期, 就是等這一日去見下我個寶貝女
唔通又要等多一個星期 !?
我唔制呀
終於打敗仗啦...
食咗藥, 大昏迷咗一整日, 瞓醒嘅時候已經傍晚六時多...
奶奶今日傍晚轉咗去公立醫院, 因為佢對腳依然好痛行唔到, 已經第十日了...
與其佢咁唔妥個主診醫生, 覺得人哋照呢樣照個樣係道呃佢錢
倒不如轉醫院啦...
佢應該仲有一陣子待在醫院裡 (因為佢仲有好多問題), 希望係公立醫院, 佢會少 d complaint (不過老公話佢應該唔會 complain 錢, 反而 complain service 同擠迫 ) 唉........
不過佢留係姑奶工作嘅醫院, 都叫做有個熟人關照, 希望冇咁差, 唔係姑奶又受罪...
唯一唔同嘅係, 由聽日起, 我可以有正常嘅 lunch time 了
Eventually, i can have a break.
咁... 姑奶就代替咗我之前個工作崗位, 要每日 lunch time 服侍佢 mama 了
加油呀 !!!
嫲嫲昨晚跌親, 骨裂入院, 佢已經八十幾歲, 唉....
老公今朝又打敗仗病咗... 好彩有電飯煲, 可以煲落粥比佢先返工
奶奶仲係法國醫院留醫...
點解會咁黑仔嫁!?
唔緊要... 只要大家平平安安, 這種日子好快過去...
今日要放下午假, 行程如下...
1. 探奶奶, 服侍佢 lunch
2. 探彤彤, 叉叉電
3. 到 5:00pm, 去 PMH 探嫲嫲
4. 7:00pm 返屋企, 服侍老公
係咁啦...
頂住 !!! 頂住 !!! 頂住 !!!
mama 同 papa 又帶彤彤 baby 去麥當當, 貪佢可以 hair 耐 d...
張 highchair 好安全, 彤彤 一坐低悶悶地要玩 mama 嘅 iPhone
佢望住 mama 食飽飽好 yummy, 個樣好呆, ok~~ 比少少你食啦...
就係咁, baby 食咗人生第一次嘅麥當當, but 飽心 only, kakaka
有得食, 就梗係可以正正經經同 mama 影相啦 ^8^
跟住又夠鐘開餐食米糊, 因為太 "撈攪", papa 沒有影相
食完糊仔, 就要眠一眠 Zzz....Zzz.... 當然又係 mama 張人肉床啦...
雖然係張 "洗衫板", 但唔知點解彤彤可以咁 enjoy, 瞓得咁冧
papa mama 叉完電又出發去探爺爺嫲嫲啦...
baby 你要乖乖係公公婆婆到喇...
老爺奶奶入院, 呢個星期奔波勞碌, 精神同體力都好大透支, 老公說大家都係用意志力頂住
YES!!! 頂住呀 ^8^
爺爺嫲嫲要快 d 好返嚟陪乖孫玩喇
我當然係星期六就衝咗去娘家叉叉電, 見下我個寶貝女, 比佢痴下我 (其實係我痴下佢至啱)
baby, mama 有你, 一定會頂住 !!!
彤彤 d 頭髮不知不覺中長咗好多, 但依然有 d 阿伯 M 字額
依然好鍾意 O 咀, kaka ^0^
"棟" 起隻腳, 成個大爺咁款 !!!
係 mama 懷中瞓着, 零舍冧~~
mama 抱住你, 都好冧, 就好似擁有全世界
過多幾年, baby 可能唔比我抱o架啦
宜家抱得一陣得一陣 <== 係我成日同老公講嘅藉口
係 papa 懷中都好好瞓, 佢哋兩個就係我嘅至愛
==========================================>
最近老公屋企嘅事, 除咗再次覺得健康比金錢重要之外
(大病中嘅奶奶仲識講笑, 話今次當買咗雷曼迷你債券 <== 因為醫藥費會好貴 $$ )
我意外地發現自己原來好錫老公嘅屋企人, 可能咁多年, 愛屋及烏啩 !?
雖然食晏同放工都要走去服侍佢, 但我除咗攰之外, 一 d 都唔覺得辛苦
個日仲問自己, 第日會唔會咁對自己 dadi 同 mami (啋~~啋~~啋~~) 我 dadi mami 身體健康, 長命百歲 !!!
我同老公講, 佢哋都咁大年紀, 我哋都唔知可以孝順佢哋兩老幾多年, 宜家盡力做到幾多就幾多
除咗係咁, 我都好希望他朝有一日彤彤都會咁樣孝順我同老公就好了...
昨晚探奶奶時遇到內科主診醫生, 告知我哋奶奶嘅種菌報告出咗, 證實中咗 "肺炎鏈球菌"
所以佢有中耳炎同尿道炎, 好彩冇上腦, 唔係腦膜炎就大件事
宜家要打一個星期 antibiotics, 先可以轉口服
佢仲未知嚴重, 成日想快 d 出院...
好彩彤彤都有打肺炎鏈球菌疫苗, 唔係就大 wok !!!
呢道有一則關於成人患 "肺炎鏈球菌" 嘅報導, 希望大家知多 d, 同埋要留心下屋企嘅老人家啦
