熊伯伯...不解の謎...我的水禾田家姐仔與小妹妹

Monday, August 10, 2009

日本妹

mama papa 早前係東涌 Diskson Outlet 買了一套日本和服仔比彤彤, 宜家先得閒攞返出嚟着, 好 kawaii 呢

樣衰衰

又 luer 人開 drawing mat 比佢

跟住又 fling fling rattle 跳跳舞

踏... 踏... 踏...

Sunday, August 9, 2009

幼潛第九堂

今日幼潛第九堂, 即係所有學習嘅最後一堂, 下堂便要進行評估, 就可以攞番張証書, 正式完成是次課程

尤記得第一堂郭 ee 講過最後評估果日會用之前果 d 遊戲考小朋友, 大約會考三個遊戲, 睇下佢學咗幾多, 亦可以從中睇下家長有冇在家中練習, 懶惰 mama 當然乜都無做 la, 嘻~ 嘻~ 唔知彤彤下次會唔會 "肥佬" 呢 ?

今日第一個遊戲係坐吹氣小 sofa, 叫小朋友名字, 然後等佢自己爬上去, 轉身, 然後郭 ee 一邊輕輕力左右搖擺小 sofa, 一邊唱 "小司機" 歌

"我是一個小司機... 小司機... 小司機..."
"我是一個小司機... 開車 boot boot boot..."

好多小朋友平日最 "耍家" 嘅擒 sofa 技倆份份出籠, 可以話係 show time 時間, 咪睇彤彤平日斯斯文文, 佢都會間唔中擒 sofa, 呢次都難唔到佢, 佢經過觀察兩位小朋友玩之後, 佢好主動行出嚟等 ee 叫佢個名, 仲唔怕 ee 搖擺小 sofa, 又過了一關 !! 呢個遊戲主要係訓練小朋友平衡力

郭 ee 話因內耳 "前庭神經"系統是維持人體平衡功能的主系統, 如果發展唔好, 小朋友行路會冇咁好, 例如行直線會唔穩定, 如果及早發現可以治療

第二個遊戲係認圖畫辨別唔同日常生活嘅活動, 例如 : 食, 飲, 跑, 跳繩, 游水, sir 滑梯, 劃畫, 踏單車, etc. 家長每次選擇兩幅圖畫, 各自同小朋友講一次, 再加上大動作加深小朋友記憶, 然後攞出圖畫, 問小朋友邊樣係 xx (e.g. 游水), 彤彤似乎對記憶遊戲份外偏愛, 郭 ee 做示範時已經手指指, 又比佢認得晒 d 圖畫, 嚇了 mama 一跳

第三個遊戲係玩彩虹降落傘, 所有小朋友圍圈, 每位小朋友揸住彩虹傘嘅小圈, 再跟住郭 ee 指示 up and down, 希望大家合作令彩虹傘向上向下擺動, 彤彤對於聽指令都算唔錯, follow 到 ee 嘅指示, 跟住就幣 la, ee 要小朋友瞓在彩虹傘上面, 而 mama 繼續上下擺動個傘, 雖然彤彤肯瞓低, 但一擺個傘, 佢就驚到喊, 跟住要 "捐" 落個傘下面, 佢全程 "cool" 住 mama 又喊又驚, 我個女都係 "細膽鬼" 嚟o架~~

呢個遊戲訓練大家合作, 雖然彤彤後尾果 part 喊晒, 但 ee 讚佢係八位小朋友中能夠 follow ee 指示同大家合作嘅其中四位, mama 都個心都安慰 d, 其實彤彤宜家可以玩 "捐"山窿, 可以比 blanket 蓋頭, 已經叫做進步不少 la

同八位小朋友相處咗一段日子, 當中翹翹係比較叻叻嘅一個, 可能係同佢之前參加過幼潛有關, 佢好似小班長, 每次都會幫手收拾東西, 語言方面又叻, 已經可以像鸚鵡般 copycat ee d 說話, 唯獨 d 性格比較獨立, 成日唔聽佢 mama 之笛, 不過唔知係咪個個小朋友都蝦 mama, 眼見 papa 上堂時, d 小朋友都比較聽話, 可惜老公唔肯試下同 baby 上堂 la =(

彤彤同翹翹分享緊雞蛋仔 =)

Saturday, August 8, 2009

太陽帽

今次 "齊來做手工" 環節做 "太陽帽"

Friday, August 7, 2009

Drawing cloth

Mama 又係 Tissue & 棣棣 EE 間網上鋪豬.公館買到好野, 呢張係 drawing cloth, 叫

美國Aquadoodle超大size神奇畫布

彤彤玩到超 happy, 又乾淨, 一陣 d 水水乾晒又可以再劃過

仲要企起身 fling 支筆, 等 d 水彈到成塊布都係, mama 塊面當然濕晒 la

仲 high 爆要 dance

宜家一叫佢 smile, 就做呢個動作, 好鬼老積 !!!

同場展示 papa 最近新歡, McDonald Coca Cola 六色玻璃水杯

Sunday, August 2, 2009

幼潛第八堂

今日幼潛第八堂, 破天荒比父母一齊上堂同影相, papa 當然唔會放過呢個咁珍貴嘅機會 la

如常嘅 15 min 玩具 warm up 時間, 總少不免有爭玩具嘅情況, 彤彤一於好少理, 你有你爭, 我有我玩

郭 ee 唱 "時間又到差唔多, 叮噹.. 叮叮噹... bye bye 玩具" 小朋友都好習慣呢個收玩具嘅歌, 好有紀律咁收玩具

跟住係例牌 "坐靚靚" 歌, papa 有 d 頂唔住, 好彩有 mask, 唔係實比 ee 發覺佢大笑中...

"我們坐得好靚... 小朋友坐得好靚..."

又係訓練 sharing 嘅環節, 郭 ee 同 Carol 姐姐每人派一個 rattle, 然後唱 "歡迎歌"

"小朋友...小朋友... 歡迎來參加
我請大家先坐下... 一齊開心下"

小朋友要高舉 rattle 唱歌, 然後由右手擺 rattle 到左手, 再唱一次

然後到交換 rattle 環節, 等大家學習 sharing, 成首歌不停唱至每一位小朋友都同其他小朋友交換為止... good !!!

接着係第一個遊戲穿珠, 首先比一條有絨毛包住嘅鐵線, 穿細細粒嘅膠飲管段, 我起初都擔心彤彤做唔嚟, 佢竟然又給我驚喜, 仲可以再進一步用軟嘅棉繩穿膠飲管段, 叻叻!!! 呢個遊戲係訓練小肌肉同手眼協調

第二個遊戲係切麫飽, 彤彤因為平日係屋企玩開 cut cut fruit, 架輕就熟, 一下子就切完仲食埋 tim, 以前點都唔會食中心 d food, 宜家食神上身, 乜都食 !!! 郭 ee 提醒要注意要前後一刀一刀切, 唔係一刀切下去, 後者係 "吉", 同用 fork 一樣, 小朋友會錯誤用刀 "吉" 食物

第三個遊戲係分辨大小嘅圖片, 有六對圖片, 各有大同小, 包括聖誕老人, 聖誕樹, 聖誕襪, 花花, 巴士, 消防車, 首先揀定一對圖片, 例如花花, 同小朋友分別展示"大" 花花, "細" 花花各三次, 然後 "大" 花花同 "細 "花花" 一同展示係小朋友眼前, 問佢邊張係 "大" 花花, 彤彤又比驚喜 mama 同 papa, 可以指出 "大" 花花比 mama, 郭 ee 提議 mama 反轉來問, 跟住係考 "細" 車車, 都順利過關, 真係叫我同 papa 拍手讚賞

papa 第一次參與幼潛活動, 佢觀察咗一個小時嘅課堂後, 得出一個結論, 同我以前比彤彤嘅評語一樣.... 係 calm !!! 一個好冷靜嘅小朋友, 眼見其他小朋友東奔西跑, 別人 papa mama 花時間捉住小朋友, 好難可以安安落落咁進行活動, 有 d 比較自我中心, 完全唔 follow 郭 ee 指示, 有 d 佔有慾比較強, 搶玩具或爭攞 ee 手上嘅野比較快, 有 d 唔識表達不滿, 會扯別人頭髮或咬人...

Thanks God... 我興幸有一個這樣嘅孩子, 有點活在天堂嘅安慰 HaLeLuYa !!!