幼兒潛能訓練課程評估報告

星期三晚終於收到幼潛報告, 唔知係咪郭 EE 手鬆, 中心對彤彤嘅評估大致係 "表現良好" <-- Good !!!

幼潛第十堂 - 評估

今日幼潛第十堂, 每個小朋友都要進行評估, 郭 ee 揀了三個之前學果 d 遊戲考小朋友, 睇下大家識幾多...

一入課室就要跨欄, 係第一個遊戲考驗大肌肉, 彤彤拖住 mama 手, 順利 pass

跟住攞番張証書, 同郭 ee 影相留念, 呢張証書係彤彤人生第一張 certificate

跟住影大合照, 要所有小朋友乖乖望鏡頭, 係難度十分嘅工作

(左起) 衍智, 彤彤, 倩慧

同衍智玩小明

接着郭 ee 同每一位小朋友進行評估, 與家長討論小朋友性格氣質, 同應注意嘅地方

各位家長就趁此機會交換小禮物同電郵以作日後聯絡之用

同綽翹交換 gift

同柏瑋交換 gift, 彤彤極之鍾意架車車, 每晚要攬住瞓

同衍智交換 gift

同冠言交換 gift

同倩慧交換 gift

同曉然交換 gift, 雖然曉然比彤彤細一個月, 但語言方面比其他男仔叻, 因為屋企仲有個大兩歲嘅哥哥

到彤彤評估時, 那兩個小考驗分別係 (1) 串珠 (2) 辨認大小圖畫, 前者是考驗小肌肉, 後者係考驗認知能力, 彤彤由細開始便玩扭開小樽蓋, 小肌肉發展尤其好, 郭 ee 都發覺, 對於靜態嘅活動如 matching, 辨識, 都係彤彤嘅強項, 所以兩個小考驗 both passed  yeah!!!

專心串珠, 仲係用左手揸鐵絲

分辨大小, 輕易過關

郭 ee 對彤彤評語係 "an easy take care baby", 大小肌肉, 認知嘅發展都好好, 不過性格唔夠主動, papa mama 應該唔好管佢咁多  要比多 d freedom 佢 explore 多 d, haha !!!

mama 多口問郭 ee 彤彤適合那種學校, 佢話因為彤彤好乖好聽話, 傳統同活動教學都冇問題, 不過傳統比較單向同填鴨式, 會抑壓佢嘅創意同思考, 佢認為活動教學可以對彤彤性格上有幫助, really !?

mama 成手 gifts, 滿載而歸

mama 同其他家長 sharing, 彤彤豬仲擺 ugly face

個個 mama 都讚彤彤斯文, 有 d 仲誇張話要揀呢種女仔做 "心抱仔", kakakak...

十堂幼潛終於完滿結束, 老實說好多活動就算唔上, 遲早都會識, 不過好多父母都希望子女快人一步, 所以慕名而來, mama 原意想 "偷師" 學教女, 當然有 d 中有 d 唔中, 但不竟都見識過呢個咁受人歡迎嘅 "幼兒潛能發展課程"

幼潛第九堂

今日幼潛第九堂, 即係所有學習嘅最後一堂, 下堂便要進行評估, 就可以攞番張証書, 正式完成是次課程

尤記得第一堂郭 ee 講過最後評估果日會用之前果 d 遊戲考小朋友, 大約會考三個遊戲, 睇下佢學咗幾多, 亦可以從中睇下家長有冇在家中練習, 懶惰 mama 當然乜都無做 la, 嘻~ 嘻~ 唔知彤彤下次會唔會 "肥佬" 呢 ?

今日第一個遊戲係坐吹氣小 sofa, 叫小朋友名字, 然後等佢自己爬上去, 轉身, 然後郭 ee 一邊輕輕力左右搖擺小 sofa, 一邊唱 "小司機" 歌

"我是一個小司機... 小司機... 小司機..."
"我是一個小司機... 開車 boot boot boot..."

好多小朋友平日最 "耍家" 嘅擒 sofa 技倆份份出籠, 可以話係 show time 時間, 咪睇彤彤平日斯斯文文, 佢都會間唔中擒 sofa, 呢次都難唔到佢, 佢經過觀察兩位小朋友玩之後, 佢好主動行出嚟等 ee 叫佢個名, 仲唔怕 ee 搖擺小 sofa, 又過了一關 !! 呢個遊戲主要係訓練小朋友平衡力

郭 ee 話因內耳 "前庭神經"系統是維持人體平衡功能的主系統, 如果發展唔好, 小朋友行路會冇咁好, 例如行直線會唔穩定, 如果及早發現可以治療

第二個遊戲係認圖畫辨別唔同日常生活嘅活動, 例如 : 食, 飲, 跑, 跳繩, 游水, sir 滑梯, 劃畫, 踏單車, etc. 家長每次選擇兩幅圖畫, 各自同小朋友講一次, 再加上大動作加深小朋友記憶, 然後攞出圖畫, 問小朋友邊樣係 xx (e.g. 游水), 彤彤似乎對記憶遊戲份外偏愛, 郭 ee 做示範時已經手指指, 又比佢認得晒 d 圖畫, 嚇了 mama 一跳

第三個遊戲係玩彩虹降落傘, 所有小朋友圍圈, 每位小朋友揸住彩虹傘嘅小圈, 再跟住郭 ee 指示 up and down, 希望大家合作令彩虹傘向上向下擺動, 彤彤對於聽指令都算唔錯, follow 到 ee 嘅指示, 跟住就幣 la, ee 要小朋友瞓在彩虹傘上面, 而 mama 繼續上下擺動個傘, 雖然彤彤肯瞓低, 但一擺個傘, 佢就驚到喊, 跟住要 "捐" 落個傘下面, 佢全程 "cool" 住 mama 又喊又驚, 我個女都係 "細膽鬼" 嚟o架~~

呢個遊戲訓練大家合作, 雖然彤彤後尾果 part 喊晒, 但 ee 讚佢係八位小朋友中能夠 follow ee 指示同大家合作嘅其中四位, mama 都個心都安慰 d, 其實彤彤宜家可以玩 "捐"山窿, 可以比 blanket 蓋頭, 已經叫做進步不少 la

同八位小朋友相處咗一段日子, 當中翹翹係比較叻叻嘅一個, 可能係同佢之前參加過幼潛有關, 佢好似小班長, 每次都會幫手收拾東西, 語言方面又叻, 已經可以像鸚鵡般 copycat ee d 說話, 唯獨 d 性格比較獨立, 成日唔聽佢 mama 之笛, 不過唔知係咪個個小朋友都蝦 mama, 眼見 papa 上堂時, d 小朋友都比較聽話, 可惜老公唔肯試下同 baby 上堂 la =(

彤彤同翹翹分享緊雞蛋仔 =)

幼潛第八堂

今日幼潛第八堂, 破天荒比父母一齊上堂同影相, papa 當然唔會放過呢個咁珍貴嘅機會 la

如常嘅 15 min 玩具 warm up 時間, 總少不免有爭玩具嘅情況, 彤彤一於好少理, 你有你爭, 我有我玩

郭 ee 唱 "時間又到差唔多, 叮噹.. 叮叮噹... bye bye 玩具" 小朋友都好習慣呢個收玩具嘅歌, 好有紀律咁收玩具

跟住係例牌 "坐靚靚" 歌, papa 有 d 頂唔住, 好彩有 mask, 唔係實比 ee 發覺佢大笑中...

"我們坐得好靚... 小朋友坐得好靚..."

又係訓練 sharing 嘅環節, 郭 ee 同 Carol 姐姐每人派一個 rattle, 然後唱 "歡迎歌"

"小朋友...小朋友... 歡迎來參加
我請大家先坐下... 一齊開心下"

小朋友要高舉 rattle 唱歌, 然後由右手擺 rattle 到左手, 再唱一次

然後到交換 rattle 環節, 等大家學習 sharing, 成首歌不停唱至每一位小朋友都同其他小朋友交換為止... good !!!

接着係第一個遊戲穿珠, 首先比一條有絨毛包住嘅鐵線, 穿細細粒嘅膠飲管段, 我起初都擔心彤彤做唔嚟, 佢竟然又給我驚喜, 仲可以再進一步用軟嘅棉繩穿膠飲管段, 叻叻!!! 呢個遊戲係訓練小肌肉同手眼協調

第二個遊戲係切麫飽, 彤彤因為平日係屋企玩開 cut cut fruit, 架輕就熟, 一下子就切完仲食埋 tim, 以前點都唔會食中心 d food, 宜家食神上身, 乜都食 !!! 郭 ee 提醒要注意要前後一刀一刀切, 唔係一刀切下去, 後者係 "吉", 同用 fork 一樣, 小朋友會錯誤用刀 "吉" 食物

第三個遊戲係分辨大小嘅圖片, 有六對圖片, 各有大同小, 包括聖誕老人, 聖誕樹, 聖誕襪, 花花, 巴士, 消防車, 首先揀定一對圖片, 例如花花, 同小朋友分別展示"大" 花花, "細" 花花各三次, 然後 "大" 花花 同 "細 "花花" 一同展示係小朋友眼前, 問佢邊張係 "大" 花花, 彤彤又比驚喜 mama 同 papa, 可以指出 "大" 花花比 mama, 郭 ee 提議 mama 反轉來問, 跟住係考 "細" 車車, 都順利過關, 真係叫我同 papa 拍手讚賞

papa 第一次參與幼潛活動, 佢觀察咗一個小時嘅課堂後, 得出一個結論, 同我以前比彤彤嘅評語一樣.... 係 calm !!! 一個好冷靜嘅小朋友, 眼見其他小朋友東奔西跑, 別人 papa mama 花時間捉住小朋友, 好難可以安安落落咁進行活動, 有 d 比較自我中心, 完全唔 follow 郭 ee 指示, 有 d 佔有慾比較強, 搶玩具或爭攞 ee 手上嘅野比較快, 有 d 唔識表達不滿, 會扯別人頭髮或咬人...

Thanks God... 我興幸有一個這樣嘅孩子, 有點活在天堂嘅安慰 HaLeLuYa !!!

每次郭 ee 最後 15 min 家長討論時間, 彤彤都會好乖咁攞一件玩具, 然後走到我身邊安安靜靜咁玩, 今日比一個小朋友一手搶去, 佢都冷靜面對, 去玩具箱找另外一件

囡呀, 如果你第日都係咁乖就好 la... mama papa 一定安落晒 !!!

幼潛第七堂

不經不覺已經去到第七堂, 彤彤同其他七位小朋友 friend 咗, 有 d 仲記得邊個同邊個, 例如, 慧慧, 翹翹, 冠言, etc. 有一半同學仔會繼續上下一期幼潛, mama 決定比彤彤休息一下, 最後 withdraw 咗抽中咗嘅位, free 返比其他有需要嘅小朋友

 

最近呢幾堂眼見有 d 爸爸都參與, 但每次 mama 邀請 papa 都被拒, 好彩下次郭 EE 話比影相, 可以比爸爸們係攝影區影相, 其實 mama 最想比 papa 了解下彤彤上堂嘅情況 

 

今日嘅新學嘅三個遊戲如下...

 

第一個遊戲係手拖手唱歌, 首先係 mama 同自己嘅小朋友手拉手唱歌, 然後發展至一大一小圍圈唱歌 (即係一個大人左右各拖住一位小朋友, 而每一位小朋友左右都有一個大人拖住), 目的係建立佢哋安全感, 再進一步係小朋友圍圈拉住呼拉圈唱歌, 最後當然係只剩八位小朋友自己手拖手唱歌... 呢個遊戲係建立社交能力, 彤彤呢方面一向比較成熟, 大人小朋友都 "微溫涕" <-- 冇問題  hahaha... 

 

 

第二個遊戲係分辨顏色, 郭 EE 首先攞咗好多 "紅色" 嘅東西, e.g. 毛巾, 未吹嘅汽球, 毛圈圈, 吹脹了嘅汽球, 目的係加強小朋友記憶, 當然仲要求小朋友用手去體驗唔同質感嘅物件, 然後每人派一張紅色 A4 咭紙, 上面有 6 塊紅色正方形絨布同一塊黑色絨布, 然後續一攞起一塊紅一塊黑布問小朋友, 哪塊布是紅色, 反覆掉轉左右不停問, 以加強小朋友認知, 黑色只係用作強烈對比, 遊戲目的係要小朋友認知顏色, 可以由紅色開始, 然後係黃 -> 藍 -> 綠, 每 introduce 一隻新顏色之前, 必須要清楚小朋友已經認識之前嘅顏色, 要循序漸進, 以免混亂, 圖形也可以用 similar 方法教小朋友, 首先由圓形開始, 然後係三角形 -> 正方形 -> 多邊形

 

** 郭 EE 攞紅色汽球比彤彤時, 提議 mama 可以把東西係彤彤高度以上引佢用腳尖, 她引述小朋友雙手 "第" 高, 腳尖站立, 頭向上仰望姿態逞 V-shape, 眼所望之事物最大, 記憶亦最深刻, 即最易吸收 ( believe it or not !?) 咁即係仰望讀書咪攞硬 A ??? 

 

第三個遊戲係學除襪, 要交叉方向除襪, 即右手除左腳, 左手除右腳, 用大拇指 "zip" 入襪圈, 再縮埋小腿, 襪子就會好容易除下, 原來彤彤已經學識呢個本領, mama 仲記得以前佢係硬扯襪頭去除襪, 好搞笑... 除完襪先係戲肉, 係行 "筲箕" 同唔同質感嘅地墊, "筲箕"係訓練小朋友提高小腿幫助行樓梯, 唔同質感嘅地墊係訓練小朋友感觀, 彤彤最怕石春 feel 同膠草地 feel, 每次都想 bypass 佢哋, 激 c  可能係因為太假, 我記得上次去 New Century Plaza 嘅 outdoor park 都有行石春路, 彤彤都冇有怕, 只係佢 mama 行到 "R" R 聲之嘛... 都係帶佢哋接觸真實嘅野好 d ...

幼潛第六堂

琴晚半夜掛九號風球, 幾擔心今日又冇得上幼潛, 好彩...  真係唔想又 postpone la

今日嘅新學嘅三個遊戲如下...

第一個遊戲係家長用餅餅將果醬搽係小朋友嘴唇周圍, 希望引他們用舌頭把果醬吃掉, 彤彤唔 like 果醬, 當然睬你都傻 , 遊戲用意想訓練小朋友口腔活動, 加強他日講話咬字清晰, 同埋可以靈活運用舌頭把食物從口腔內兩邊推向中間, 呢方面彤彤比較 week, 郭 ee 教 mama 可以平日同佢玩多 d 伸脷扮鬼臉遊戲, 等小朋友多點練習

 

第二個遊戲係用一個淺身托盤上放上白紙, ee 再擺塗滿水彩嘅 "波子", 讓小朋友拿著托盤搖呀搖, 然後做出一幅美麗嘅抽象畫 , 遊戲用意係想小朋友眼睛跟著 "波子" 轉動, 訓練手眼協調, 彤彤呢個遊戲意外地做得好好, 好快已經唔駛 mama 幫手搖托盤, 自己好聚精會神咁注視 "波子" 轉動, 連 mama 也打擾唔到佢

 

第三個遊戲係行上自製橋上推好大嘅 "健康球", 用意係訓練小朋友身體協調同平衡力, 因為要縮埋雙小手向前推比身體還要大嘅 "波波", 而且身體會有輕微向前失去平衡, ee 同 mama 都係兩旁扶住彤彤, 佢今次比以前大膽了, 總算有進步

 

到最後 15分鐘, 家長講解時間內發生了一個小插曲, 係彤彤肯同另外一個男同學分享玩具, 情況係彤彤好專心玩緊一個玩具, 有位男孩子走埋去, 伸出小手向彤彤玩具摸一下, 然後開始按玩具嘅按鈕, 我心叫不妙, 因為彤彤自從妹妹出世後, 比人搶玩具唔會像從前咁禮讓, 實同人哋爭過...

 

我見彤彤 "牛" 咁眼盯住個男同學, 好似好擔心玩具會比搶去, 但奇蹟係佢哋倆一人一下好有秩序咁玩, 沒有爭吵, 有一下個男孩子慢了一點, 彤彤竟然伸手拉那位同學嘅小手去按玩具, haha...  真係好想影低呢個真珍貴時刻, 好讓彤彤時刻緊記分享嘅重要性