熊伯伯...不解の謎...我的水禾田家姐仔與小妹妹

Wednesday, March 11, 2009

My boy

彤彤又有新 look, 戴咗頂帽成個 "仔仔", Oh My God !!!

不過都幾 "型"

同 mama papa 玩到 high 爆, what a happy baby

呢個傻豬唔知點解識 un pat pat, 笑 c 我同 papa

Tuesday, March 10, 2009

印印姐姐

終於都揀到姐姐 la~~

多謝 Angela EE 介紹佢個 agent 朋友 Phoebe EE 比我, 雖然花咗三個星期, 其間有 d 合心水嘅姐姐都比人簽咗約 (因為要約比公公婆婆過目, 佢哋好奄尖 ) 但最後呢個姐姐都能夠達到我嘅要求, 好好o架 la

1. 識講廣東話 (同老人家溝通)
2. 最好識講英文, 廣東話講唔明都仲有英文補救 (因為佢曾經係 Singapore 打過四年工, 前 HK 僱主又係澳洲鬼婆)
3. 有湊仔經驗, 初生更佳 (因為可能遲 d 唔覺意送個細佬妹比彤彤豬)
4. 識煮中國餸, 例如: 煲湯, 蒸魚, 蒸雞, 斬雞, etc.
5. 要好乾淨 (因為公公婆婆有潔癖 )
6. 唔要貪靚, 唔塗指甲油 (因為花係時間扮靚, 冇心機湊 b, 塗咗指甲油又點會認真去清潔 ar !?)
7. 樣子溫純, cheerful 更好 (樣子惡死盞嚇親我乖女 )
8. 鍾意小朋友, 有愛心
9. 唔可以工作時間傾電話 (因為會有機會疏忽而導致彤彤受傷 or 跌親)
10. 唔可以帶人返屋企
11. 唔可以係外邊借財務公司錢

呢個姐姐乎合晒 d 要求, 但係只會做一張合約, 因為佢今年 29歲, 打算兩年後結婚生仔

冇辦法 la, 好工人難求, 見步行步 la

終於又攪掂一樣, 跟住要添置一些傢俱比姐姐, 希望佢會做得開心 la~~

Saturday, March 7, 2009

Hip Hop 彤彤

公公告知 mama 彤彤最近好鍾意聽敲擊音樂, 好啦

, mama 會努力搵 d 呢類型嘅 music 比你

係酒樓同公公婆婆飲茶時, mama 就試下彤彤有幾 like, 開咗 Madonna 嘅 Candy Shop, 點知....

彤彤

攞住部 iPhone 聽音樂, un 下 un 下, 成個 hip hop 仔咁

彤彤出世至今, 身邊 d 人都話佢勁似 papa, 好少有人話個女似我 (除咗 d 臭脾氣 !!!)

不過今日竟然比 papa 發現奸笑人中嘅彤彤勁似我, hurray~~~

睇下我哋笑容幾一致

baby, 你識行之後成日通屋跑, mama 好擔心你 pk 受傷 lei~~~

Sunday, March 1, 2009

學講野

彤彤係好鍾意講電話, 可能平時見我哋大人用手提電話, 有樣學樣, 不過佢大部份時間係講 bb 話

平日我返工, 婆婆可以氹到佢係電話到叫 mama, 返工咁辛苦, 聽到都幾冧 ga~~

最近佢講多好多野, 除咗一d 已經識嘅
1. mama
2. papa
3. 嗲嗲
4. mum mum
5. 冇
6. ee
7. no

有時仲好似 parrot 咁重複大人講野, 好搞笑... 好似
1. 咩呀
2. 唔好
3. 冇呀
4. 好得意
5. daddy

不過都係睇佢大小姐有冇 mood 同你講, haha

搵工人姐姐

幾經艱苦終於氹掂公公婆婆比 mama 請工人姐姐湊彤彤, 因為 6 月 Kitty EE 生妹妹, 公公婆婆要湊多一個孫女, 又要成個月照顧坐月嘅 Kitty EE, 所以一定要請工人姐姐嚟幫輕下公公婆婆, 同埋同彤彤培養感情, 又叫做搵佢哋幫手 train up 下個工人, 等彤彤返學跟 papa mama 住, 個工人姐姐會可以獨個兒留係屋企照顧彤彤

多得 Angela EE 介紹佢朋友 Phoebe EE 嘅 agency 比 mama, 幫 papa mama 搵工人, 今日便約咗幾個印尼工人姐姐比 papa mama interview, 最重要比大 boss 彤彤小姐見下 ok 唔 ok

haha, 彤彤真係唔怕生保, 肯比 d 工人姐姐抱抱, 有 d 仲玩到笑騎騎, 當然都有 d 揀人, 但係佢開心嘅性格似乎都容易接受外人, no problem !!!

正一嗲嗲豬

又玩脷脷

由細到大都係 like 黃色

一對鳳眼同佢 papa 似到十足十

Victoria interview

今個星期六係彤彤第二次 interview, 今次係 Victoria Kindergarten (HMT), 繼上個星期嘅 Open Day 之後, 彤彤似乎好鍾意呢間學校, 因為地方大, 又有好多野玩, d 老師又 nice 又有愛心, 彤彤對住 d 金髮後生靚女 Miss 零舍好笑容, haha...

Interview 時間係 10:30am, 彤彤豬食完 8:00am 餐奶之後就唔比佢再瞓, 唯一辦法係 keep 住同佢玩, 其實 papa 同 mama 都好鬼 tired...

今次唔同樂基嗰次, 今次 interview 係 group play 形式, d 老師在旁觀察同評分, 小朋友只係玩玩玩, 好 happy, d parents 又唔駛答問題, good !!!

不過全程係靠 d 小朋友自己嘅表現, kakaka...

1. 8 個小朋友同一個 parent (全部係 mama) 入了一個課室, 有兩張圓形遊戲枱, 有唔同嘅玩具, 我帶彤彤揀咗有電話嘅座位坐, 因為佢最 like 講電話, 點知一路玩一路睇住對面個小朋友本書, 好啦, 等人哋唔玩時 mama 咪攞本書過嚟比大小姐睇下 lor~~ 點知又係揭兩三下, 又要攞人哋 d 玩具, 女 ar, 唔通真係隔離飯香 !? 咁... 我唯有去攞隔離個膠樽同三隻粒粒熊仔比大小姐玩, 今次又幾專心喎, 自己將個三隻紅藍綠嘅粒粒熊仔放入樽樽到, 不過都係冇耐性 !!!

2. 跟住係講故事時間, 鬼妹老師用英語叫 mama 帶小朋友到旁邊 carpet area, 開始打開一本好大嘅 story book 講故事, 其間又出動 owl 毛毛公仔吸引小朋友注意, 又叫小朋友講 bye bye, cuddle baby owl, kiss baby owl, 問 where is owl's eye, 等等嘅問題, 彤彤當然係做 d 唔做 d 啦~~

3. 跟住係 music time, 廣東話老師叫小朋友上前攞 "沙鎚", 然後播音樂叫小朋友自己搖 "沙鎚", 音樂停下又叫大家停止搖, 跟住又響起音樂, 停下又示意放 "沙鎚" 係 pat pat 到, 音樂又響起又停, 最後叫小朋友自己上前比返 "沙鎚" 比老師, 然後自己揀一個 puppet 玩具做禮物, wahahaha, 場面好混亂, d 小朋友冇跟指示, 只係 d mama 幫手, 好攪笑

最後各位 mama 被派一張通告, 大至係話 3月20日出 result, 然後又續一問 mama d 小朋友有冇食物 allergy, 好細心, good !!

跟住要講 bye bye, 一位老師打開課室門叫小朋友自己行行離開, 彤彤好叻叻真係唔駛 mama 拖自己行, 不過係行去遊戲枱玩, wakakaka 佢係開心到唔捨得走, haha~~

出咗課室彤彤繼續玩, 雖然 interview 之前已經早到 half an hour 比佢適應咗一陣, 咪又係玩玩玩, 呢間 kindergarten 比小朋友 "Learn from Play", hurray !!! 剩玩唔駛讀書, 係每個小朋友夢寐以求嘅學習生活, 唔知彤彤有幸過此生活 ?