豬朋好友山頂遊

星期六天朗氣清, 決定陪彤彤往山頂走一轉, 咁啱 Tissue EE 行山之約有事告吹, 轉投山頂之旅, 咁三口子之遊一變成五人行 lu~~

約好係中環港鐵站, 然後搭纜車上山頂~~ 彤彤見佢朋友仔楠楠, 開心到眉開眼笑 纜車站好多人, 楠楠豬好多野講, 一 d 都唔混沌

係蠟像館前同 James Bond & Michelle Yeoh 來個合照先 !!!

山頂廣場有架纜車 car 比遊客登上玩樂, kaka !!!

山頂又凍又大風, 呢兩個小妮子係咁 run run run, 開心到震 !!!

商場內已經有新年佈置, 呢個存盒 d 賀年糖果可以攞出來玩 ga, 好得意 !!!

仲有一個小型公園比彤彤&楠楠玩一陣, 又可以放下電, 正 !!!

由 11am 玩到 3pm, 係時間返歸休息 la~~~ 下次再約出來玩 la !!!

Ballet class on 9 Jan 2011

今朝凍到 C, 彤彤小姐又傷風 ing, mama 只好妥協比樽領佢著住上堂，不過好彩有件外套，冇咁礙眼

你又扮公雞 !? 比 Miss Winnie 見到就幣 la !!!

跟住拿拿聲改正返個手勢, 愚子可教也~~

Ballet class on 2 Jan 2011

Nicole 到目前為止都好 like 返 ballet class, 就算之前果晚幾夜瞓, 一同佢講要返去 dancing school 學 ballet 同 公主 tip toe tip toe 行, 佢就會彈起身換衫返學 la~~~

mama 希望你會持之以恆 la !!!

經 Miss Winnie 提點唔好扮 "公雞" 之後, Nicole 對手嘅動作有所改善, 哈~~哈~~哈~~

天氣凍冰冰都要著咁少, 一句講晒 : 貪靚 !!!

查實有 d mami 已經會幫個女著件 turtle 白色長袖係件 tutu 裡面, 不過我覺得怪怪地, 迫不得已都盡量唔會咁做, hahaha ~~~

2011 元旦

踏入 2011 年, papa mama 祝你兩個繼續開開心心, 相親相愛, 健康活潑, 做個快樂笑寶寶 !!!

New Year gift from Kitty EE, millions thanks !!!

Hat for Nat-Nat

Pillow with 暖水袋 for Nicole

激死我 !!!

琴晚一返到屋企, 見唔到彤彤係廳到等我同 papa 返嚟, 仲以為佢係房到瞓咗覺, 點知唔夠 5 秒, 佢哎住 mami daddy 衝出嚟, 唔見尤自可, 一見火燒心 !!!

佢....佢....佢....佢個頭 !!!

跟住姐姐係廚房探頭出來報告佢自己剪頭髮的曳嘢!!!

彤彤竟然自己去 mama 書枱開櫃桶攞較剪去剪自己 d 頭髮 !!!

"姐姐話果陣時佢瞓醒晏覺，完本係自己房，但姐姐要餵妹妹飲奶，係我房同細妹搏鬥中，之後已經發現佢係書房用手工較剪剪到成身成地頭髮 !!!"

我嬲到爆炸，個心拿住拿住，嬲到喊，佢先淆底，知自己做錯事，但點樣問都講唔出點解要咁做???

我真係好嬲 !!! 喊住咁問佢係咪好唔鍾意自己個頭 ? 但係佢點樣都講唔出原因，我就嚟發癲 ga la !!!

嬲係因為之前我地同佢做手工好，剪食物好， 都會成機教育佢話較剪好危險， 唔掂得，佢上星期係婆婆屋企仲懶叻識自己咁講，轉頭就大膽到做 d 我地唔比佢做嘅野，你地話佢幾大膽， 幾反叛，我點會唔傷心 ar !!! 佢宜家仲覺得呢個怪頭好靚，間唔中撥後面果兩 “執” 去前面兩旁

我唔會幫佢善後，等所有人都知佢咁曳 !!! 包括老師，同學，鄰居，爺爺嫲嫲，公公婆婆 !!! 佢要為自己做嘅事負責 !!!

除咗嬲佢嘅大膽反叛行為外, 仲好擔心佢會受傷...

佢自己攞把較剪係塊面左右兩邊剪，一唔小心隊到塊面， 隊到眼， 剪到耳仔， 就傷在佢身， 痛在我心 !!!

佢比 papa 罰完喊咗一陣之後已經當冇事又走去玩 la~~ 一 d 悔意都冇 !!! ， 我真係唔識教佢 la !!!

佢 papa 仲細細聲同我講剪得幾好，又對稱，死未 !!!

我就最驚佢唔係諗住玩，係諗住好認真咁幫自己剪頭髮扮靚就幣 !!!

同埋又驚佢下次幫個細妹剪就死啦 !!!

佢間 school 成日灌輸 "我做得到" "you can do it" 的信息比佢, 佢樣樣都要自己做, 成日模仿大人既行為, 前幾日先用個膠籃同佢個公仔琪琪沖涼 !!!

宜家除咗收起晒 d 武器外, 仲要佢用較剪之前一定要問準姐姐, 佢似乎未知咩叫 "危險" !!!