問題少女

曾經有一段時間，彤彤唔係好識分 d 因果關係, 問親佢 “點解今日放學喊呀？” 佢只會答 “係呀，係呀” 可能我同 papa 係屋企好少講 “點解“ 同 “因為”，佢以為我哋問佢係咪放學喊， 所以佢只會答係...

正當我同 papa 擔心不已的時候, 佢好似有一日突然 ”開竅” 咁，成日問我哋 “點解”，變咗 “問題少女”

事例(一)

彤 : (指住一個音樂玩具）點解呢兩個制唔得嘅？

mama ：因為佢壞咗

彤 : 點解佢會壞咗?

mama : 因為佢玩得耐，玩得太多就壞

彤 : 點解玩得耐會壞？

mama : .........

事例(二)

彤 : (指住 mama 新眼鏡）點解你個新眼鏡會閃嘅？

mama : 因為佢有金色 lor

彤 : 點解你要有金色呀 ？

mama : 因為 mama 貪靚 lor

彤 : 點解你要貪靚呀 ？

mama : 因為 mama 知道彤彤鍾意靚 lor

彤 : 點解彤彤鍾意靚呀 ?

mama : (心諗，玩野咩！點解你唔問下自己，反過嚟問我！）因為彤彤靚 lor

彤 : 點解彤彤靚呀 ?

mama : (激 c...) 因為 mama 靚 lor

彤 : 點解 mama 靚呀 ?

mama : 因為婆婆靚 lor

彤彤似乎好滿意呢個答案，冇再追問落去, 仲報以一個 "滿意” 嘅笑容

如果再咁問，mama 一定整蠱你,  loop 番轉頭話因為彤彤鍾意靚,  wakakaka...