又 shop

上次係花園街買咗一件 pink, 彤彤著得好斯文, mami 今日食晏又去入多一件 white $39

上星期六陪彤彤去 Shelly de Mozz 試堂, 佢 super like, 之後 join 咗三個月 ballet course, tutu (芭蕾舞裙) 要著校服, no choice, 鞋就可以出去買, kaka~~~ $38

跳舞著嘅白色絲襪, $29

因為彤彤頭髮太長, 過肩, 要紮髻, $4

係洗衣街經過一間 craft supplies store 叫 "手創拾派", 有好多正野, 最後買了泥膠, 有教協証仲有 15% off, $3.8

放心

作為一個要上班的 mama, 除咗返工要全程搏殺之外, 最唔放心係要放低兩個心肝寶貝比工人姐姐, 一個外人, 同你非親非故, 同你打份工, 一星期返足六天, 朝七晚十, 煮飯洗衫打掃湊 bb, 照顧到佢兩姊妹肥肥白白, 仲要錫到燶 !?

似乎真係幾難...不過, 當你睇到平日工人姐姐影低佢兩姊妹的開開心心笑 ka ka 的生活照, 就會相信這個事實, 好放心交比佢, 真係仲好過自己湊, kaka

Shopping

因為姐姐琴日打爛咗彤彤隻杯, mama 一心趁 lunch time 去買番隻新杯比乖女, 點知...

一個人去花園街梗係失控收場, wakakaka....

(左) $39, 有蓋可以 replace 返學個隻 precious moment (右) $39, 冇蓋可以係屋企用

桃紅色 cardigan, $69

粉紅色 lace top $39

閃閃珠片婆仔鞋 $79, 個店員話 d size 去到 36, mami 有時間會再去買返對同乖女嚟個 "親子裝"

假傳聖旨

一個普普通通的下午, papa mama 都返晒工, 彤彤瞓醒晏覺, 一個人在客廳玩...

姐姐聽到佢又自言自語, 查實都幾常見~~

今次佢正在握住 "TV 個 remote control" 扮講電話, 內容大致係...

彤彤 : 我係彤彤呀 mami...  唔...  唔...  知道啦...  知道啦...

然後收線

姐姐跟住問佢 : 你同邊個講電話?

彤彤答 : mami 囉

姐姐問 : 你同 mami 講咩 ?

彤彤答 : mami 話比我食雪糕 wor~~~

姐姐 : ....... (暈～～～)

呢個衰妹真係識得 "假傳聖旨" ！！！

問題少女

曾經有一段時間，彤彤唔係好識分 d 因果關係, 問親佢 “點解今日放學喊呀？” 佢只會答 “係呀，係呀” 可能我同 papa 係屋企好少講 “點解“ 同 “因為”，佢以為我哋問佢係咪放學喊， 所以佢只會答係...

正當我同 papa 擔心不已的時候, 佢好似有一日突然 ”開竅” 咁，成日問我哋 “點解”，變咗 “問題少女”

事例(一)

彤 : (指住一個音樂玩具）點解呢兩個制唔得嘅？

mama ：因為佢壞咗

彤 : 點解佢會壞咗?

mama : 因為佢玩得耐，玩得太多就壞

彤 : 點解玩得耐會壞？

mama : .........

事例(二)

彤 : (指住 mama 新眼鏡）點解你個新眼鏡會閃嘅？

mama : 因為佢有金色 lor

彤 : 點解你要有金色呀 ？

mama : 因為 mama 貪靚 lor

彤 : 點解你要貪靚呀 ？

mama : 因為 mama 知道彤彤鍾意靚 lor

彤 : 點解彤彤鍾意靚呀 ?

mama : (心諗，玩野咩！點解你唔問下自己，反過嚟問我！）因為彤彤靚 lor

彤 : 點解彤彤靚呀 ?

mama : (激 c...) 因為 mama 靚 lor

彤 : 點解 mama 靚呀 ?

mama : 因為婆婆靚 lor

彤彤似乎好滿意呢個答案，冇再追問落去, 仲報以一個 "滿意” 嘅笑容

如果再咁問，mama 一定整蠱你,  loop 番轉頭話因為彤彤鍾意靚,  wakakaka...

I am a fairy

因為 Halloween, mama 係教協買咗 d party props 比彤彤, 係皇冠+神仙棒, Nicole 攞上手就念念有詞: 咕嚦咕嚦東東,咕嚦咕嚦東東,變呀!! <-- wakakaka~~~ 

Nat-nat 喊聲制服家姐...

事緣某個星期六的晚上...

Nicole 食飯扭計唔肯自己 "畢” 飯, mama papa 正想發嬲之際, Nicole 先發制人大喊, 因為係爺爺嫲嫲屋企，以為會有人幫佢,  最後竟然嚇親妹妹...

當
Nat-Nat 一哭, Nicole 神奇地停止發難，反而伸手安撫妹妹 "你唔好敢 la~~"

Nat-Nat 又竟然好聽話即時收聲...


同枱各人都驚訝此情景，我同老公心中大感快慰，Nicole 不單表現出好疼錫 Nat-Nat, 原來佢哋咁細個已經建立如此好感情...

再次肯定當日生兩個小朋友的決定係正確的 !!!

你諗下

琴日朝早有人食早餐食到成件校服都係...

工人姐姐 : 彤彤, 你睇下... d 餅餅食到成身都係 la

彤 : (扮晒野, 唔應人) ...

工人姐姐 (再出招) : 邊個食到咁污 cho ar ?

彤 : 你諗下係邊個囉...

工人姐姐 ( O 咀中...)

我冇曳

平日我同 papa 放工返屋企, 通常都會問彤彤 "今日乖唔乖 ar?"

大小姐十次有九次話自己乖, 雖然有時與事實不符

但有次除咗讚自己外, 仲學人講是非...

mama : 你今日乖唔乖 ar

彤 : 我今日好乖 ar, 食晒 d 飯飯

mama : 係咪自己 "畢" 嫁 ?

彤 : 係呀...

mama : 嘩 !! 好叻叻呀

彤 : 妹妹唔乖呀

mama : 點解呀

彤 : 佢 "蝦" 姐姐呀 ~~ 佢唔食奶呀~~ 係咁喊呀~~

mama : wakakaka, 姐姐, 有人同你出頭 la

口頭蟬

彤彤返學之後講野叻咗好多, 當然大部份係 copy cat d 大人係屋企嘅對答, 連 d tone 都超神似

口頭蟬有............

你唔駛驚嫁 <-- 根本就冇人驚, 懶勁 !!

嚇死人咩 ("咩"字超高音) <-- mami tone

跟住呢...跟住呢... <-- 下刪一百字, 佢可以成半個鐘 ee 暗暗, 自說自話, 長氣袋

唔該晒 ("晒"字超高音) <-- 工人姐姐 tone

唔該嘛..... ("嘛"字尾音拉到好長) <-- papa tone

佢好攪笑 ar, kaka <-- 仲用隻手掩住個咀, 查實你咪仲攪笑

北京小娃娃

呢排天氣十分乾燥, 皮膚幼嫰嘅 Nat-Nat 敵唔過北風, 最後臉仔爆擦, 滿面通紅, 成個 "北京小娃娃" 般, 好可愛~~~

Halloween Party

我好多鄰居係全職 mama, 成日攪 d 小朋友 gathering, 我都未有參加, 只係有次隔離 Camille EE (之問 mama) 打電話比我想帶 Nicole 去玩一陣, 見係過隔離屋半個鐘, 咪膽粗粗比彤彤去玩一次 lor, 點知 d EE 對彤彤有讚冇彈, 因為佢一向獨立又冷靜, 見人仲表現出奇地乖, 所以是次 Halloween Party 又被獲邀請, 今次咁啱 sunday, mama 便向公公婆婆攞一次假, 唔返外家食飯, 陪彤彤開 party 去

一同大小姐講有 party 開, 死都唔 nap, 死頂到 16:00

16:00 隔離 Camille EE (之問 mama)便按鐘摧我哋出門口, 彤彤見南瓜做型嘅之問 & Camille EE, 有點驚, 個樣開始生硬

跟住搭 lift 落樓下 6/F Grace EE 屋企, 見到閘口有 disney witch 頭 + 黑色長袍 (用垃圾袋) + 黑臭襪 + 好多 "假" 蜘蛛 & web, 佢已經怕怕, 隻手拖得我好緊

跟住見到隔壁 Lidia EE 戴咗一頭金色長髮 + 巫婆帽, Ian 同 Kenneth 哥哥又 devil 打扮, Nicole 已經細細聲同我講想返屋企, 佢真係好鬼細膽

好彩之後大家 warm up 下, 又有 snack 仔吸引佢, 又影下相, Nicole 先冇咁驚

Nicole 話我係 fairy

小南瓜朗朗 Aaron

大南瓜之問, 佢好叻 ga~~ 識五種語言 "粵英普 + 日文 + 西班牙語"

之後仲各自返 home 等班小朋友拍門玩 Trick or Treat 派 snack

Nicole 不知幾開心, 仲同我講 "mami, 唔駛驚嫁", wakakaka.... 真係比佢激 c~~~


之後, 仲一行人走去 Toysrus 等 parade, 攞 gift, 真係開心到震, 好多謝呢班 mami 攪呢 d 活動, 等 Nicole 多 d social activity