成長進度

小小 B 出世已經 18 日, 係時候來個 "成長進度" 記錄...

6 月 5 日 Sat
小小 B 唔理 papa mama 反對, 趕住出世, 痛到佢 mama 死~~~ 好彩有驚無險, 母女平安, 仲喊得好大聲 (即係肺功能好掂啦 !) 戚醫生仲話佢實在喊得太大聲, 只好比 15ml 葡萄糖水佢 (因為平常不建議咁快比 new born 食野), 點知小小 B 只用了 10 min 就 KO 哂 d 葡萄糖水, 睇嚟佢真係好肚餓
35w4d 嘅佢出世體重 2.5kg = 5.5 lb (同 Dr Chan 部 u/s 一樣, 好準確 !! ), 長 48cm, 手指腳趾齊全, 雙眼皮, 一切正常, thx god !!!

6 月 6 日
戚醫生建議比小小 B 瞓多日暖箱 (平常 new born 只係瞓一日), 因為佢係早產 baby, 安全計瞓多日~~ 就係咁, mama 晚上 8pm 落得床 (手術後 24 小時方可落床), 就係 papa 參扶下去睇暖箱中的寶貝, 見佢腳 young young, 一 d 都唔似 "早產 B"

醒目 papa 仲帶咗 camera & video camera 影佢嘅腳法 ~~

是日多得 papa 帶來嘅 MacBook, 仲有 Baptist Hospital 嘅免費上網, 才可幫我解解悶...

6 月 7 日
第一次與小小 B 親密接觸, 餵奶時間, 作為第二任 mama, 雖然我深知未咁快上奶, 但黐下個寶貝女都好呀! 不過佢真係好奀~~ 不過以未足月有 5.5 lb 嘅成績, 身邊嘅親友都安慰我話好叻叻 la~~ 希望佢之後努力增磅 la

6 月 8 日
同 papa 商量過, 都係住多日醫院,  雖然我心裡好掛住家中的彤彤, 但 Dr Chik  建議安全計, 觀察小小 B 多一日黃疸指數會好 d, 而我係醫院會休息多 d tim~~
第三日嘅小小 B收咗水, 體重 2.4kg

6 月 9 日
婆婆冒住大雨都過嚟陪我出院, 都話"世上只有媽媽好"...
Dr Chan 一早過嚟幫我換膠布, 傷口冇上胎咁痛,幾日來只係食口服止痛藥, 冇用塞肛止痛藥, 生產完翌日落床都冇上次咁痛
Dr Chik 話小小 B 身體一切健康, 冇乜黃, 可以順利出院 (以早產 bb 嚟講, 唔駛係醫院 stay 到足月, 又唔駛食早產 bb 奶粉, 真係好幸運) 雖然 papa 預咗比你斬到一頸血, kaka~~ 是次埋單承為五萬大元 !!! 比起兩年前彤彤家姐係 St Teresa 只洗了 三萬多 ja)

不過安全計 papa 已 book 了母嬰健康院 appt, 同 Immigration Dept 攞出世紙 appt, 做第二任 papa 嘅佢零舎醒目, 抵讚 !!!
第四日嘅小小 B, 體重 2.35kg (輕咗150g)

返到屋企, 彤彤在午睡中, 我忍不住抱佢入懷, 整醒咗佢, 彤彤見到 mama 便喊 (其實呢幾日佢見我唔到, 好乖, 早睡早起), 我因為掛住愛女又喊了...

Nicole 一 d 都冇阻住 mama 餵妹妹, 有時仲走埋入房趁虛, 又冇咩 jealous
行為, 因為 mama 入院果幾曰, 佢已經 transit 佢嘅至愛係 papa <-- mama 嫉妒中... 以前 Nicole
太黐我, 覺得冇自由, 宜家見佢黐 papa, 有 d 失落 >6<

Nat-Nat 比 Nicole 細個時嘅適應力強好多, 同我 attachment 幾好, 又冇 nipple confusion, BF 又得, bottle 又得 !!! 最擔心係第一晚, 驚佢爛喊, 會攪到我同 papa 都冇得瞓, 醫院餵奶房 d 姑娘教路未滿月
baby 要用包被 wrap 成 mummy 狀, 會有安全感, 成晚好安靜 ( 只係飲完奶掃風時 or 洗 pat pat 時有不滿)

6 月 12 日 Sat <-- 出世後第 7 日
第一次同小小 B 去母嬰健康院, Wing Wing EE 建議去新葡崗柏立基母嬰健康院, 真係好少人, 又近屋企, taxi 去程 $40 !!!

小小 B 體重 2.4 kg, d 姑娘竟然寫佢係 36w4d 大, 並重唔係 7 日大, 分明歧視早產 bb, 激死人 !!!

醫生問 mama 餵奶情況, 宜家 feed every 3 hr : BF 20 min (10 min each side) + formula 30ml, 但醫生話後奶 (有脂肪) 係 10-15min 後, 建議比小小 B 啜耐 d (我唔想咩 !!! 佢用舌頭頂返我 nipple 出來, 吹脹 !!! ) or 全人奶 (我又怕佢唔飽, 因為唔知佢食咗幾多), 所以最後維持原來 pattern, 五日後再覆診...

6 月 17 日 Thur
第二次同小小 B 去母嬰健康院覆診, 小小 B 體重 2.49 kg, 五日 gain 0.09 kg, 都話未達標 (個 e 生話每日要 gain 0.02kg),
都係差 d d 啫, 又叫我餵密 d, 宜家已經 3 個鐘餵一次, 每次又要成粒鐘 (BF 20min + 30ml formula +
wash boo boo pat pat) 再密 d 咪唔駛瞓 !?
五日後再覆診...

6 月 18 日 Fri
去 Dr Chan 到覆診, 拆膠布, 個傷口條疤痕同上次係同一個位置,
睇唔出係開過兩次刀, 傷口埋得好好, Dr Chan 好好手勢, Thank You !!! 照 ultra sound 見到子宮都收得好好, 宜家只有
9cm, (e 生話細過一個 mango), 但之前可以大到容納 48cm 嘅 bb, 超神奇 !!!

值得高興嘅係工人姐姐可以係屋企湊
兩個, 仲可以揹住 Natalie 去接 Nicole 放學, 勁 !!!

讓我可以同 papa shopping 一陣, 今日買咗兩對
wedge shoes, yeah!!! 終於可以着番高跟鞋 lor~~

6 月 19 日 Sat
好多 friends 係 fb 比意見我, 教路點可以 bf 好 d...
琴晚半夜餵夜奶時實在太眼瞓, 便試下瞓係到 bf, Natalie 又 ok wor~~
真係舒服好多~~

6 月 22 日 Tue
第三次同小小 B 去母嬰健康院覆診, 小小 B 體重 2.73 kg = 有 6 lb la !!! , 勁 !!!!
120 度, 無哂黃 la, 五日 gain 咗 0.24kg, 即每日 gain 0.048kg (比起標準 0.02kg /
day), Nat-Nat 終於達標 la !!! Oh Yeah !!!

我主觀覺得佢有雙下巴, kaka~~ Nat Nat, mama 同你一齊加油 !!!