幼潛第四堂

( 2009 年 7 月 5 日)

今日上幼潛第四堂, 係 Swine Flu 豬流感下停課三個星期之後嘅第一堂 

停課了一排, 一班小朋友都非常雀躍, 可能困咗係屋企好耐 la 

大家一早到了, 但是上課時間比平時遲半個小時, 因為中心方面需要多些時間做清潔消毒, 以防細菌感染

所有家長與導師都要帶 mask 上堂, 好彩 d 小朋友都唔怕呢班 "矇面超人", 個個小朋友都認得郭 ee 同 Carol 姐姐, 當然自己 mama 更加冇問題 

三個星期唔見, 大家高咗又叻咗, 冇咁怕羞, 郭 ee 仲問我們一班家長是否在假期中約出來見面, 因為大家好像好熟絡似的, haha~~~

好啦, 講咗咁耐, 要入正題... 

第一個遊戲係跳絲帶舞, 小手拿著絲帶棒棒 up and down, 要舉到 hand up 咁高, 低到toe 咁 down, 主要訓練上肢肌肉, 個個小朋友有自己舞步, 各自各走, 大人就四圍追仔女, 好似捉雞仔, haha~~ 

第二個遊戲係用小杯飲水水, 因為好多小朋友係第一次用杯, 重點係要用小杯 (大約奶樽蓋大小), 以免杯會蓋著鼻子, 水嘅份量要一啖可以飲晒, 以免哽咽, 因為小朋友仲未熟習控制呼吸

第三個遊戲係上樓梯同 "行坑溝", 導師用地墊製造唔同高度嘅梯級, 讓家長輕扶小朋友練習上落樓梯, 重點係上嘅梯級高度同落嘅梯級高度不一樣, 如果上是四吋, 落要二吋, 因為提腿同落級用唔同力, 落要細步好多, 玩梯級彤彤都可以應付到, 當然仲未夠膽放手唔駛 mama 扶, 但 "行坑溝" 就好 "掉架"...

所謂 "坑溝" 係用軟嘅大積木排出來, 大積木有一張凳仔咁大, 每塊積木中間有 "坑溝", 要小朋友用腳腳踏大步 "lamb" 過去, 細膽非常嘅彤彤由對腳上咗塊積木上就似生咗根, 唔肯行, 係咁叫 mama  女呀, 你已經捉得我對手好緊, mama 對手就嚟斷 la, 好彩 Carol 姐姐在旁不斷鼓勵, 同幫彤彤 "第" 高隻 "生咗根" 嘅腳向前行, 唔係後面條人龍都唔會放過你 

家長要注意雙手捉住小朋友對手時高度唔可以高過 shoulder, 唔係好容易整親佢哋

好不容易又上完一堂, 學到好多野 (係 mama), 不過我觀察到彤彤比較被動, 觀察時間多過 follow 導師 d 動作 or command, 極度細膽 (或者係過份謹慎), 不過社交能力尚算 ok, 對陌生人都會 wave hands 打招呼, 希望 mama 帶彤彤 join 呢 d playgroup 可以改善佢被動嘅性格