熊伯伯...不解の謎...我的水禾田家姐仔與小妹妹: July 2009

Friday, July 31, 2009

大肚 dum

彤彤近日好似 "生積" 咁, 食唔停口, 好似金魚唔識飽, 大家睇下佢個大肚腩就知 la~~

嚇 c 人 la~~

又係 MTR 到同 mama 玩到癲 ^8^

呢架 Combi 車似乎係時候退役 la, 因為大小姐愈來愈高, 愈來愈肥, haha~~

Thursday, July 30, 2009

洗澡海綿

話說上個星期五返 Cannan Playgroup 補堂 (因為"豬流感"停課), 有一個遊戲係比小朋友體驗咩係 "水水", 咁每人派一塊海綿, 一個膠碗, 係大水池到用海綿吸水, 然後用小手 squeeze d 水出來, 用膠碗裝住, 然後運過去一個 "吉" 嘅小水池到

原本都相安無事, 但有一個 very naughty boy, 將佢手上濕咗水嘅海錦亂掉, 仲打中彤彤塊面, 仲唔止一次, 彤彤即時 cry 同唔肯再玩塊海綿, 連第二日 sat 返正常 playgroup 時做同一個 game 都對塊海綿好抗拒, 一見姐姐派海綿, 就拉住 mama 隻手喊住走, 應該係有 "陰影"

為了幫愛女抹去呢個 "童年陰影", mama 四出找尋可愛嘅洗澡海綿, 等彤彤唔再怕呢樣野, 結果比我係卓悅搵到呢個 "麪飽超人", ahha~~~ 彤彤琴晚仲玩得好開心 tim~~

Yeah~~~

多謝 Vv EE 教路, 當然仲有印印姐姐七情上面嘅陪玩效果 la

不得不讚呢位姐姐幫了 mama 好多, 宜家彤彤連 tunnel 都唔怕 la, 因為每天彤彤係嫲嫲到瞓晏覺, 姐姐都會用 blanket 同 baby 玩一陣, 所以 baby 又克服咗被 blanket 蓋住嘅 fear 同捐山窿, 宜家晚晚都會用地墊變成 tunnel 比大小姐玩幾轉, 先肯乖乖地去食 night milk milk, 有時仲發脾氣唔比我哋收 tunnel, 唉...

Sunday, July 26, 2009

幼潛第七堂

不經不覺已經去到第七堂, 彤彤同其他七位小朋友 friend 咗, 有 d 仲記得邊個同邊個, 例如, 慧慧, 翹翹, 冠言, etc. 有一半同學仔會繼續上下一期幼潛, mama 決定比彤彤休息一下, 最後 withdraw 咗抽中咗嘅位, free 返比其他有需要嘅小朋友

最近呢幾堂眼見有 d 爸爸都參與, 但每次 mama 邀請 papa 都被拒, 好彩下次郭 EE 話比影相, 可以比爸爸們係攝影區影相, 其實 mama 最想比 papa 了解下彤彤上堂嘅情況

今日嘅新學嘅三個遊戲如下...

第一個遊戲係手拖手唱歌, 首先係 mama 同自己嘅小朋友手拉手唱歌, 然後發展至一大一小圍圈唱歌 (即係一個大人左右各拖住一位小朋友, 而每一位小朋友左右都有一個大人拖住), 目的係建立佢哋安全感, 再進一步係小朋友圍圈拉住呼拉圈唱歌, 最後當然係只剩八位小朋友自己手拖手唱歌... 呢個遊戲係建立社交能力, 彤彤呢方面一向比較成熟, 大人小朋友都 "微溫涕" <-- 冇問題 hahaha...

第二個遊戲係分辨顏色, 郭 EE 首先攞咗好多 "紅色" 嘅東西, e.g. 毛巾, 未吹嘅汽球, 毛圈圈, 吹脹了嘅汽球, 目的係加強小朋友記憶, 當然仲要求小朋友用手去體驗唔同質感嘅物件, 然後每人派一張紅色 A4 咭紙, 上面有 6 塊紅色正方形絨布同一塊黑色絨布, 然後續一攞起一塊紅一塊黑布問小朋友, 哪塊布是紅色, 反覆掉轉左右不停問, 以加強小朋友認知, 黑色只係用作強烈對比, 遊戲目的係要小朋友認知顏色, 可以由紅色開始, 然後係黃 -> 藍 -> 綠, 每 introduce 一隻新顏色之前, 必須要清楚小朋友已經認識之前嘅顏色, 要循序漸進, 以免混亂, 圖形也可以用 similar 方法教小朋友, 首先由圓形開始, 然後係三角形 -> 正方形 -> 多邊形

** 郭 EE 攞紅色汽球比彤彤時, 提議 mama 可以把東西係彤彤高度以上引佢用腳尖, 她引述小朋友雙手 "第" 高, 腳尖站立, 頭向上仰望姿態逞 V-shape, 眼所望之事物最大, 記憶亦最深刻, 即最易吸收 ( believe it or not !?) 咁即係仰望讀書咪攞硬 A ???

第三個遊戲係學除襪, 要交叉方向除襪, 即右手除左腳, 左手除右腳, 用大拇指 "zip" 入襪圈, 再縮埋小腿, 襪子就會好容易除下, 原來彤彤已經學識呢個本領, mama 仲記得以前佢係硬扯襪頭去除襪, 好搞笑... 除完襪先係戲肉, 係行 "筲箕" 同唔同質感嘅地墊, "筲箕"係訓練小朋友提高小腿幫助行樓梯, 唔同質感嘅地墊係訓練小朋友感觀, 彤彤最怕石春 feel 同膠草地 feel, 每次都想 bypass 佢哋, 激 c

可能係因為太假, 我記得上次去 New Century Plaza 嘅 outdoor park 都有行石春路, 彤彤都冇有怕, 只係佢 mama 行到 "R" R 聲之嘛... 都係帶佢哋接觸真實嘅野好 d ...

Janie 雙滿月之宴

星期六晚彤彤盛裝赴會, 因為係 Janie 妹妹雙滿月, 地點係逸東酒店 Jordan 廳

作為主人家, 彤彤一早 18:15 到場, 人少少, baby 零舍 high, 又唱歌又 jump (係雙手 up, and 單腳離地果種所謂 "jump", haha...), 好 happy

又跑又跳

玩到攰飲一飲 orange juice, 結果係敏感起紅點, 睇嚟彤彤要兩歲先可以再試 orange

去咗爺爺屋企一個多星期, 同爺爺 friend 晒

仲錫錫爺爺添

當然唔少得公公婆婆, 成一個星期冇見, 彤彤好 miss 公公, 仲中場要搵公公一齊坐

爺爺嫲嫲同 Janie 妹妹

呢兩位好少見, 但又好熟o架, 因為係舅母嘅爸爸 & 媽媽, 佢哋宜家係加拿大同舅父同住, 幫舅母照顧表哥 Colton & 表姐 Chole

以下呢張係彤彤嘅雙滿月玉照, haha...

Snoopyland 之旅 (二)

星期五因為要補堂返 Cannan Playgroup 嘅關係, mama 請了假, 連 papa 最後也請了半天假陪寶貝女, 下午去了沙田 Snoopyland 一趟, 是今年第二次, 上次彤彤見一位姐姐玩 bubble, 好興奮 , 今次便有備而戰, 帶了 bubble gun 去玩, 最後竟然係... 唔準玩 !!! 因為係私人地方, 激 c , papa mama 只好偷偷摸摸比彤彤玩了一陣