印印姐姐嚟咗兩日, 一切都算順利, 斯斯文文, 醒醒目目 
廣東話同英文都識講, 睇英文更加冇問題, 彤彤 d 圖書好深嘅英文動物名我唔曉佢都識, 勁 !!! 皆因佢係 Singapore 做了 6 年, 係 HK 又做了 4 年, 兩個雇主都有 newborn 同年幼兒童要照顧, 佢仲會打 long distance call 比 Singapore 個 5 歲小朋友講 happy birthday, 應該對小朋友好有愛心 
做人都係要有 d 保留, 當然唔敢太過樂觀, 要觀察多一段時間, God bless... 
殊不知我家大小姐近日玩野, 係公公婆婆屋企愈來愈 naughty, 係唔瞓又唔比人瞓果隻, 晚晚攪到兩老要 2 am 先有覺好瞓, 你想玩死人咩 !? 又嘈住 EE & 妹妹 bb 瞓覺, 罪大惡極 !!! 
食粥又大倒退, 以前 15 min 嘅 feeding 變成 45 min, 死未 !!! 
琴晚 (Sun) 湊佢返公公婆婆屋企, after 我同 papa 離開, 佢喪喊+扭計至 12 am, 然後都係 攪到 2am 先瞓 
今晚 (Mon) 係公公婆婆屋企叫姐姐同佢 bathing, 又係喪喊+扭計+拗腰, 好似要劏佢咁, 攪到我肉赤到喊, 女呀女... 你想點呀 ? 
唔通你真係咁快想跟返我住, 但係試問一個 ah ma 又點放心比個心肝寶貝比一個初相識嘅人照顧呢 ?
公公婆婆不停遊說我下個星期開始帶彤彤走, 得一個星期嘅相處, 就要工人姐姐同彤彤 "困獸鬥", 我實擔心死, 又點可以安安樂樂返工, 唉...
但係個衰妹跟我住又真係可以 12am 瞓, 唔會玩野
係咪我真係要搏一鋪呢 ??
十萬個擔心....
我睇過啲書話小朋友係婆婆屋企會表現得好扭計同唔合作,係因為佢哋覺得咁樣爸爸媽媽就會同佢一齊返屋企,佢係屋企同你哋一齊又會乖啲聽話啲,咁樣係佢想 please 你哋, 一於考慮下早啲湊彤彤返嚟同住啦.... 婆婆同公公都好需要休息 le
ReplyDelete一定要搏呢鋪，無得揀。 good luck..
ReplyDelete考慮下裝返個webcam啦, 好好多!!!
ReplyDelete如果真係要摶呢鋪就一定要裝個CAM先得...
ReplyDelete遲早都要啦! 不過你要留意多D彤彤有無別樣囉!
ReplyDelete今期到彤彤行為倒退~ 可能妹妹刺激咗佢既反應jei~ dont worry~ 如果, 返到自己屋企無妹妹, 可能會正常返~ 仲好呢! 裝 webcam啦! 咁你都放心好多~ at least 姐姐會打返俾前僱主baby say happy birthday, 都係一個細心既人~ 唔好太担心嘞! 己成定局了! 再唔係你同r6輪流請兩日假, 留喺屋企, at least 你哋有人喺屋企睇住姐姐點湊一個星期~ 都會放心好多ga~ (一日都好啦!)
ReplyDelete我覺得與其勉強留係公公婆婆到, 搞到彤彤咁扭計都唔係一個解決方法喎, 而且佢地要take care兩個孫(即使有姐姐)都好辛苦.....比我會博呀, 因為只係sooner or later嘅問題, 用webcam再加多d check住啦!
ReplyDelete