幼潛第二堂

今日上幼潛第二堂, 天氣好得不得了, 所有八位小朋友返齊

形式同上次差不多, 都會有點名時間, 郭 ee 會叫名, 小朋友會上前攞名字 label 貼上身, 郭 ee 會提示家長引導小朋友自己貼, 只要將佢手腕拉埋身, 便好容易做到, 切勿幫佢哋做, 唔係佢哋永遠都唔會學曉, yes madam!!!

第一個遊戲係 "辨認自己嘅物品", 各位家長係活動開始前已經比一份屬於小朋友自己嘅物品, 例如水杯, 毛巾, 食物盒, etc, 然後  郭 ee 會攞出兩樣, 再叫兩位小朋友名字, 睇下佢哋識唔識分辨自己嘅物品, 當中有些比較吸引其他小朋友去認係自己嘅野係一架車車, 同 Hello Kitty 公仔 (當然屬於我彤彤豬 la) 這個遊戲係讓小朋友一個自我認知嘅機會, e.g. 身體各部位 (內在), 自己嘅物品 (外在), 郭 ee 又提議家長係屋企多加練習, 例如分辨 papa 同小朋友嘅物品

第二個遊戲摸 cream cream, 透過用手觸摸去發展探索 (1) texture (smooth / coarse) (2) temperature (3) 大小, etc...

第三個跨欄, 有三個唔同高度嘅欄, 讓小朋友去嘗試, 去平衡腰脊, 提升機警性, 例如跌倒時識得平衡保護自己, 彤彤好有冒險精神, 由一開始要 mama 雙手扶實, 到最後進步到單手輕扶, 好叻叻 ar...