孖辮妹

彤彤 d 頭髮終於可以夠長紮辮辮, 所以近日 mama 幫佢打扮成 "孖辮妹"

幼潛第二堂

今日上幼潛第二堂, 天氣好得不得了, 所有八位小朋友返齊

形式同上次差不多, 都會有點名時間, 郭 ee 會叫名, 小朋友會上前攞名字 label 貼上身, 郭 ee 會提示家長引導小朋友自己貼, 只要將佢手腕拉埋身, 便好容易做到, 切勿幫佢哋做, 唔係佢哋永遠都唔會學曉, yes madam!!!

第一個遊戲係 "辨認自己嘅物品", 各位家長係活動開始前已經比一份屬於小朋友自己嘅物品, 例如水杯, 毛巾, 食物盒, etc, 然後  郭 ee 會攞出兩樣, 再叫兩位小朋友名字, 睇下佢哋識唔識分辨自己嘅物品, 當中有些比較吸引其他小朋友去認係自己嘅野係一架車車, 同 Hello Kitty 公仔 (當然屬於我彤彤豬 la) 這個遊戲係讓小朋友一個自我認知嘅機會, e.g. 身體各部位 (內在), 自己嘅物品 (外在), 郭 ee 又提議家長係屋企多加練習, 例如分辨 papa 同小朋友嘅物品

第二個遊戲摸 cream cream, 透過用手觸摸去發展探索 (1) texture (smooth / coarse) (2) temperature (3) 大小, etc...

第三個跨欄, 有三個唔同高度嘅欄, 讓小朋友去嘗試, 去平衡腰脊, 提升機警性, 例如跌倒時識得平衡保護自己, 彤彤好有冒險精神, 由一開始要 mama 雙手扶實, 到最後進步到單手輕扶, 好叻叻 ar...

喪玩

上咗兩個月 Cannan playgroup, 彤彤學咗新舞步, 首歌大約如下...

我有腰可以扭扭扭
我有腰可以扭扭扭
我有腰可以扭扭扭
扭扭扭...扭扭...

又係 d 極唔啱音嘅自編兒歌, 但係彤彤好 enjoy 咁表演 & 喪玩全晚

但最後比咗份大禮比 mama 同 papa, 就係狂熱後唔肯瞓, 喪喊至嘔到 mama 一身一床都係...

 

 

 

 

 

打劫妹妹 !?

彤彤唔知點解好 like 揸住把 cut cut food 刀周圍走, 你想打劫 who !?

今日返 Cannan Playgroup 遇上 Angela EE & Caga, 嚟張合照先, 不過 Caga 好 shy...

上完 Playgroup 去咗新世紀 lunch, 彤彤好蠱惑呢 !!!

新世紀有個 outdoor playground, 彤彤竟然行石春路都如理平地, 傻o架 !? 難為 mama 陪佢玩, 一路行, 一路 "嘩嘩" 聲慘叫...

最近 Cannan Playgroup 嘅小手工如下...

公雞

小豬

牛牛帽

大公雞

今次 "齊來做手工" 環節做 "大公雞", 姐姐教 mama 用紙碟摺半圓, 然後貼上冠、咀、羽毛便成, 隻"大公雞" 仲可以搖 ga

坐 ferry

今日陪爺爺嫲嫲過海辦事, 回程讓彤彤撘 ferry, 第一次坐船嘅佢冇暈船浪, 仲對大海好有興趣

呢位小朋友遺傳咗 mama 貪靚嘅性格, 仲 like 成日照鏡, 佢個 "肉緊" 樣非常搞笑

呢張相係彤彤係 papa 幫助下影嘅第一張相, ok la, 不過 mama 笑咗好耐, 個咀都梗晒, haha...

玩到好夜, 一上車便倒頭大睡 Zzz... Zzz...

H&M 戰利品 : Hello Kitty 飯衣 & 帽帽

海港城 baby fair 戰利品 : 頭 cool & 一大堆髮夾, crazy mama~~

重拾舊玩具

小朋友貪新忘舊嘅性格叫人頭痛, mama 唯有收埋一 d 已被玩厭嘅玩具, 點知近日彤彤又攞返 bb 時代嘅玩具當係寶, 仲玩到眼都唔眨, haha...

農曆生日

公公婆婆今晚比咗個小小驚喜 mama, 就係飯後嘅 birthday cake, mama 仲許咗一個好長嘅生日願望, 大部份都係關於彤彤, 好貪心

彤彤攞住 Kitty EE 個盒扮 suitcase, 你撘邊班 flight ar !?

好似好大個女咁... 如果有一日, 彤彤真係要離開我去外國讀書, 唔知我捨唔捨得呢 ?

My sunny happy baby ^8^

幼潛第一堂

今日在黃雨下上幼潛第一堂, 原本全班應該有八位小朋友參加, 但可能天雨關係, 只得六位小朋友上課, 彤彤仲第一次見 "豬式会社" 嘅另一位小會員 "朱倩慧", 慧慧係一位好主動嘅小朋友, 雖然慧慧 mama 話佢難 control, 但 mama 眼見慧慧都好肯聽 郭 ee 嘅指令, 挺不錯呢 !!

因為係第一堂, 家長可以同小朋友影相留念, 但太多玩具吸引大家, 都比較困難影到一張同慧慧嘅合照, haha...

又因為 H1N1 流感肆虐, 只可以一位家長陪彤彤上堂, papa 唯有落街逛逛...

有些家長都覺得天雨下嘅上堂安排有點混亂, 但 郭 ee 解釋因為太多小朋友參加, 不能同時致電通知所有家長, 所有唯有用 12:00 正嘅天文台天氣狀況作準, 所有黃紅黑雨, 或三號以上風球下嘅活動取消, 補課另行安排

講咗咁多題外話, 究竟彤彤係第一堂學咗咩呢 ?

首先 5 分鐘所有小朋友各自玩玩具, 當然有爭玩玩具嘅場面, 師空見慣

然後 郭 ee 同 Carol 姐姐搖鈴提點小朋友玩玩具時間到, 叫大家收拾玩具, 再數十聲結束, 似乎各小朋友係屋企都有收拾玩具嘅習慣, 都好願意同玩具講 bye bye

跟着唱一 d 極唔啱音嘅 "坐好歌" 同 "歡迎歌", 如果 papa 係道一定 "頂" 唔住笑死...

第一個遊戲係 "開衣夾", 郭 ee 把"衣夾" 夾在毛毛公仔身上, 讓小朋友用手指 (食指同大拇指) 用力打開衣夾, 從而訓練手指嘅操縱能力, 尤其係手指頭"上下按"嘅運用, 家長可以用 "彈手指頭" 去幫助小朋友用力, 但當然會有點痛, 要狠下心腸

第二個活動係運用食具, 透過茶點時間, 讓小朋友揸麵包, 彤彤最憎食野, 當然兩塊麵包都係 "原封不動", 一塊係用膠刀揸煉奶, 一塊係夾 cheese, 雖然 郭 ee 三番四次叫家長幫手食, 但揀食嘅 mama 當然又係 "乜" 都冇做 la...

第三個活動係社交, 郭 ee 同 Carol 姐姐用兩條大毛巾同所有小朋友玩 "有隻雀仔跌落水", 每個小朋友都有家長拖着而減少懼怕, 但彤彤經過茶點時間 mama 迫食包包之後, 脾氣不大好, 玩社交遊戲活動下表現差, 尾聲更扭計要抱, 失禮人...

最後 15 分鐘 郭 ee 同家長講解各活動嘅用意, 而小朋友就有自己嘅玩玩具時間

正如之前家長會嘅認知, 幼潛同一般 playgroup 好唔同, 係教家長怎麼引導小朋友嘅學習潛能, 所以彤彤唔似返 Cannan playgroup 咁 enjoy, 睇嚟都要觀察幾堂, 睇下應唔應該報下一期課程...