熊伯伯...不解の謎...我的水禾田家姐仔與小妹妹: April 2009

Monday, April 27, 2009

mama 抱病嘅 week

mama 自上星期五患上重感冒, 彤彤同 mama 係今個 week 嘅交流少了, 好彩佢愈大愈生性, 肯痴爹爹, 所以可以 offload mama 好多重擔, 多謝你 ar 乖女... (如果 papa 可以照顧埋彤彤 bathing & feeding 就更好了...)

彤彤, 到 !!!

Saturday, April 25, 2009

第一個是 09:15 在 Funful Kindergarden, 地點係九龍塘對衡道, 橫風橫雨下乘的士到達現場, 確實有些殘舊, 可能是後補面試的關係, 只係在室內 playground 隔離臨時放置兩張枱, 幾張凳便是了, 又可能是太早的關係, 校方人手安排有點混亂, 最後在 "好求其" 下問了彤彤幾個問題, 便安排參觀校舍, 參觀完畢我讓彤彤在 playground 玩了一陣子, 再觀察其他小朋友 interview 情況, 果然後來嘅 interview, 各有一位外籍老師, 一位本地老師參與, 發問內容都比較多同長, 唔知彤彤咁 "求其" 嘅 interview 是幸運定不幸運, 點都好, 要等一個月才會收到 interview 結果, 通知下一步, 不過, 呢間學校雖然標榜 IB (課程與國際教育接軌，採用 IBO 國際文憑組織的IB 國際文憑課程。引進先進的教育理念體系，突破傳統的填鴨式教學模式，以啟法式?磚引玉的教學方法培養學生學習興趣及創造性思維。IB教育是學什麼用什麼，而非傳統應試教育的考什麼學什麼) 但我對佢哋嘅信心不大, 好似好 "兒戲"

在下一個 interview 之前, 抱病嘅 mama & 彤彤往城大醫務所走了一轉, 因為 mama 患上重感冒 (不是豬流感, 不用驚 !!!), 彤彤仲有小小 running nose, 睇完醫生, 食咗藥小休一陣子再戰下場...

第二個是 11:50 在 Think Kindergarden, 地點係界限街, 正值黃雨, 但校方仍然繼續安排interview , 一入校門, 有兩位老師笑咪咪用普通話歡迎我們, 好彩 mama papa d "煲冬瓜" 還可以, 接着見到一個 "報到處", 點名下先知道 mama 漏了交針咭影印本, hee...hee... 跟着被安排到 "等候室", 有數個家庭在等候接見, 有好多玩具比小朋友玩, relax 下, warm up 下情緒, 玩到咁上下, 有位老師叫彤彤嘅名字, 我們便進入 "會面室", 裡面分了四張枱, 分別有四位老師在進行面試, 接見我們個位老師頭髮長長, 眼仔大大, 好靚女 ar... 她在枱面上放了一張 form 寫着 (16-18 months), 後來 papa 注意到唔同年齡嘅小朋友用唔同 form, 當然都採取唔同嘅面試題目, 彤彤所應付嘅題目如下 :

1. 老師叫佢名字, 同老師打招呼 (彤彤揮手同老師打招呼, 還遞手同老師 shake hand)

2. 老師問佢我哋是誰, 佢轉向我答 mama, 轉向老公果邊答 "爹爹"

3. 老師攞出三個水果, 分別係 apple, grape & orange, 叫彤彤比唔同水果比老師, 首先係橙 (結果彤彤一手搶去 orange, 唔肯比番老師, 因為似 ball ball, 係佢近排至愛) ,老師再問蘋果 (彤彤竟然可以辨認到果個極唔似 apple 嘅物體, haha~~~ papa 笑說因為彤彤已手持 orange, 只有 1/2 機會, 睇嚟佢係 "撞彩" ) 跟住老師再問提子 (彤彤又再一次比啱, kaka~~) 最後老師叫彤彤比橙橙, 佢當然唔肯, 跟住 mama 話有其他玩具交換, 同橙橙講 bye bye, 佢就好願意放手, 仲用 bye bye 手同 orange say goodbye, 老師都讚佢乖, haha

4. 老師又攞出一隻匙更, 一隻柸, 一個 mini bottle, 彤彤第一時間攞匙更, 放入水柸內 "不不", 然後老師用 mini bottle 扮倒水, 叫彤彤飲水, 佢拿住隻柸係咁玩, 到 mama 叫佢 "hmm", 佢先放柸柸埋咀到, 老師又叫佢比 mama 飲, 佢又真係好乖咁比 mama, 到 papa, 始終都唔肯, 可能 papa 欠缺彤彤飲食方面嘅照顧, 所以彤彤都唔會同 papa 有交流

5. 老師攞出一張畫紙, 上面有一個大蘋果, 可惜沒有顏色, 然後再比彤彤一枝 crayon, 指示彤彤用蠟筆填色, 其實塗鴉係佢強項, 只係是否在老師指定嘅位置上填色罷了

整體嚟講彤彤嘅表現都唔錯, 因為面試時間比較晏, 大小姐已經回魂, 同早上未瞓醒豬下豬下嘅表現簡直判惹兩人, 只可惜 Think 嘅 interview 都係 waiting list, 點都好, 叫做試咗, 免得後悔, 面試結果要 5 月中通知, mama 對 Think 嘅感覺好 d, 因為比較 systematic 同 well organized, 會 base on 唔同年齡作出唔同對策, 雖然校方要付出更多時間去作出安排, 但這樣先睇出對教育嘅誠意, 唔係為收生而收生

Wednesday, April 22, 2009

幼兒潛能課程 (第一課) - 家長及導師會議

經過同事極力推薦&一班媽媽經驗分享下, mama 替彤彤報讀了 "香港基督教服務處" 下 "親職教育中心" 所舉辦的 "幼兒潛能訓練課程" 經過遞表和抽籤後, 我們幸運地抽中了

在正式讓我們的孩子上課前, 他們先讓家長上第一堂 - "家長及導師會議" 和 "如何培養幼兒的學習能力" 家長講座. 目的是讓家長與導師會面, 了解幼潛課程及分享有關孩子成長特性和輔助孩子投入活動的技巧

今堂主要比家長認識下：

1) 機構歷史

2) 家長對課程期望 -- "親職"

所謂 "親職" = 父母親職責教育中心, 其實中心嘅教育對象是父母, 不是孩子, 正如 "親職教育中心" 負責人廖太所講, 父母親才是孩子最親近嘅老師, 佢哋兩歲前係靠 "模仿" 來學習, 課程係教導父母怎麼誘發幼童學習, 了解佢學習能力, 因為能力係因人而異, 千萬別比較, 我們並不是發掘 "尖子"

最重要是對孩子: 觀察,留意和耐性. 我們家長要包容和建立孩子的信心, 適當的鼓勵和讚美可以誘發學習, 家長要 enjoy 同投入, 才可感染孩子

3) 上課注意事項

例如風暴及暴雨安排, 家長和孩子要着襪, 上課前家長和孩子都要作體溫量度記錄, 第一堂與最後一堂才可以拍攝留念, 點解? 因為在課堂進行中拍攝不但會影響孩子情緒, 仲會令佢哋分心. 如果家長都唔聽指引, 又點可以做榜樣希望孩子服從 ee 指令呢 ?

4) 教個位郭ee講下上堂流程

郭ee 係社會福利處社工, 有幼兒教育服務多年經驗, 仲係感觀治療師, 其間親述好多佢觀察下發現嘅有問題幼兒作出及早治療 (例如 : 自閉症, 讀寫障礙, etc)

有 9 堂課堂, 每堂有 3 個活動, 包括大小肌肉訓練, 手眼協調能力, 社交自理能力, 聽從指示, 情緒和語言方面的能力. 郭ee 建議, 每節課程可以早五分鐘前到達, 讓孩子熟習環境, 開始時有十分鐘時間玩玩具 warm up 下情緒, 然後唱歡迎歌才開始活動, 最後的十分鐘老師會解釋當日遊戲的目的和訓練技巧

其間老師會個別觀察孩子參與活動的情況, 再給家長適當的指引, 幫助孩子發展潛能

最後 1 堂作評估, 會運用之前其中3 個活動作評估, 最重要同家長互相溝通, 了解孩子進度, 評估報告會之後郵寄給家長

係郭ee 介紹下, mama 仲報了 "幼兒樂園", 係專為一歲九個月未上學幼童學習自理, 雖然係 waiting list, 不過仲有排先到 Sept, 希望可以繼續參與呢種課程

好期待...