湊小朋友真係唔容易,
陀佢時擔心佢身體健康, N 咁多 test 佢結構完備, 手腳內臟齊全, 智力正常
初生時照顧佢食得飽, 瞓得好, 着得暖
最近, 要照顧佢嘅情緒, 因為大小姐 d 脾氣愈來愈大, 一唔合心意就喊, 更甚者至發難 "賴地"
今日我嘅 EQ 訓練至極點, 差 d 頂佢唔住
凌晨 3 點, 又喊醒, 唔知係咪日頭玩得太癲, 最近晚晚都喊一陣, 今次又係咁, 不過攪咗兩個鐘, 點抱點氹都發難, sigh...
下午 4 點, 最慘嘅餵奶時段, 花咗一個鐘先飲咗 2 oz 奶, even 用咗佢至愛 noddy vcd 吸引佢, 都冇乜效
晚上 7 點, 係 99 屋企食粥, 食不到半碗仔就 "獲利回吐", 攪到一身一凳都係, 最慘係冇帶 spare 衫, 夜麻麻走落街同佢 "撲" 件新衫返嚟, 攪到我冇晒胃口食飯
佢仲要愈來愈痴我, 我行開下都嘈嘈閉, 餵奶已經唔肯比 papa 餵, 扭眼瞓更加唔駛講, 一定要我攬住瞓, 扭計時絕對只肯跟我, 乖女, mama 假期湊你仲攰過返工, 比條生路嚟行下好喎 !!!
一向係惡人嘅我, 對住彤彤點都惡唔出樣, 大聲 d 鬧佢 or 怒 bear 佢, 佢就會好可憐咁喊同第手要我抱, 唉.... 我次次都會心軟抱佢氹返佢, 唉.... 真係一物治一物....
嘩！我個婷婷同你彤彤好似，所以我絕對係身同感受，佢呢排又係鍾意夜晚喊醒，一搞又係兩個鐘，昨晚我忍唔住仲罵了她幾句！我婷婷又係一喊就要我或婆婆抱，唔比爸爸抱，有時老公見我咁慘想幫我都幫唔到！
ReplyDelete[版主回覆02/02/2009 11:56:00]我唔敢鬧彤彤, 因為佢大喊會嘔, 果晚佢 papa 忍唔住喝咗佢一句, 佢嚇到成身震, 仲勁喊, 我心痛死, 仲忍唔住連我都喊埋
旨珺d脾氣又係愈來愈大,一唔鐘意就喊 "賴地",我地大聲 鬧佢,佢都唔驚,總之，佢想要ｄ野，一定要得到手為止，唉！！！！
ReplyDelete[版主回覆02/03/2009 21:48:00]似乎最近身邊個個 bb 都開始曳曳
我哋都要諗下辦法先...
嘩~攪成2個鐘呀? 有無俾水水佢飲呀? 或者有無D音樂佢聽左會平靜D呢? 宛庭就好中意connie talbot既over the rainbow! 我一放呢隻cd佢就好快會訓架喇!! 另外食奶果度, 上次俾你d奶粉得唔得? 食2安真係太少喇!!
ReplyDelete[版主回覆02/03/2009 21:51:00]佢仲係成個假期隔晚扭計喊, 唉...
多謝你上次俾我 d 奶粉 sample, 不過佢大小姐今次又唔鍾意, 玩死我, 好彩冇去 supermarket 買一罐 ja