九個月

彤彤九個月大了... 宜家一日兩餐粥, 五餐奶 ( 包括一餐大仔奶粉), 一餐生果 (香蕉 or 蘋果), 和果汁... 好似好多野食, 但係佢都唔係好長肉, 只係得 8.1 kg !! 唔通似 mama 火茶人身形 !?

星期六第一次煮粥比 baby, 今次係紅蘿蔔粥, 好彩有偉大發明... 電飯煲, mama 先冇煲燶粥, kakaka

佢都算係比面, 肯食 mama 第一次煮嘅粥, 都幾大碗嫁, 不過 baby 下晝只係食咗半碗, 夜晚先有胃口清晒一大碗, 唔錯.. 唔錯..

佢仲識得玩 stacking rings, 左手放完, 右手又去攞返出嚟, 好似好忙咁, 好搞笑

呢排好鍾意 O 咀, 連埋對眼仔碌碌, 圓口圓面

自己企得好穩啦, 有時 papa 會用 music table 引下佢扶住行幾步, 都幾有效

唔知 baby 幾時識行呢!? 見到佢嘅成長, 好發現生命嘅奇妙...

側面睇 baby 都有 d 頭髮嫁, 唔知幾時 mama 可以幫你紮辮辮呢 ?

baby 由細比 camera 同 攝錄機 對住, 對鏡頭好敏感, 好有觸覺

宜家 d 小朋友真係好幸福, 父母都會為咗佢哋嘅成長片段留下最好嘅回憶

唔知 baby 第時睇返自己細個時嘅相, 會有咩反應比我同 papa 呢 ?

呢幾日進步了不少, 仲識得同我玩擲波波

小朋友嘅成長真係快, 慢一步都可能會錯過一 d 野, 最遺憾係唔可以做全職 mama 睇住你成長嘅所有片段...