從來, 我都冇為讀書而煩惱過...
細個, 有哥哥幫我揀理科, 由中學、預科學校、以至大學課程, 佢都一手包辦
到結咗婚, 有老公幫我揀碩士讀咩好, 雖然讀完都冇乜用
一切都有人幫我安排, 只要上下堂, 做下功課, 就有書讀, 又畢到業
到現在, 做咗 mama, 我開始為 baby 讀書而煩惱...
要睇下邊間幼稚園有 nursery, 全日定半日好, 撘校車定唔撘校車
係咪同區校網, 幼稚園升邊間小學機會高
又要做 research, 仲慘過做大學份 thesis...
不過老公一 d 都唔緊張, 覺得咩都冇所謂, 唉...
所以點解結咗婚八年先決定生 baby, 我同老公係 raising a kid 有幾大分歧
我覺得我會盡我能力比最好嘅野比 baby, 老公覺得咁係 spoil
佢認為一般嘅已經 ok, 例如 education, 佢見好多名校嘅 kids 好串, 冇禮貌, 冇品德
佢唔係要 baby 好叻, 只要佢好品德, 做個平凡小天使
但係... 我想我 baby 又叻, 又有禮貌, 又好品德, 係咪太過份呢 ?
唔過份.............!!!!!!!!!!!
ReplyDelete我老公都唔係太理.... research呢啲野都係我一手包辨... haha~
[版主回覆09/30/2008 02:18:00]有咩心水學校 ?
我唔係太想彤彤入國際, 怕 d 傳統小學唔 like
宛庭爸爸同彤彤爸爸諗既野完全一樣呀!!!!
ReplyDelete我都係自己一手包辨搵學校既野!!
[版主回覆10/01/2008 23:01:00]我唔反對佢話最緊要做個 "好品德嘅平凡小天使"
但都唔駛咁 "滋柔"...
T6係完全無理過，無問過，好似楠楠係唔需要讀書咁款
ReplyDelete[版主回覆10/01/2008 22:59:00]男人靠得住, 豬乸都會上樹!!!
"好品德, 做個平凡小天使", 我完全同意! 我都冇諗住要婷婷豬讀名校, 學呢樣學哥樣, 我只想佢有個快樂童年!
ReplyDelete[版主回覆10/01/2008 22:53:00]快樂童年 <-- 係每一個小朋友都應該有嘅野
但係如果周圍嘅小朋友都要學呢樣學哥樣, 我哋果 d 都難逃此命運, 唔係就會比下去
我哋做父母嘅唯有令到佢哋 "學呢樣學哥樣," 嘅時候 enjoy 同 開心
我又冇咁快諗讀書,因為而家見到d小朋友,成日學e樣，學個樣，好慘咁，我想旨珺可以玩耐ｄ先，同痳，我姐姐做幼稚園老師，我可以請教佢
ReplyDelete[版主回覆10/01/2008 22:49:00]因為彤彤宜家比公公婆婆湊, 所以跟公公婆婆住
我想快 d 比佢讀 N1, 可以跟返我住, 同埋唔會比老人家 spoil 佢咁多
我都煩緊呀! 唔知點選擇, 你D心水攞黎share 下啦!
ReplyDelete猩猩太BLOG已經update左入黎留言啦!
[版主回覆10/01/2008 22:47:00]我揀九龍塘, 近 d 嘛...
宜家報咗
1. 迦南 2. 啟思 3. YMCA 4. 九龍城靈量堂
盡量唔揀 "國際", 驚傳統小學唔 like
一樣呀一樣呀, 完全同tissue一樣感受, 我老公又係完全唔理架, 如果等佢理嘅話阿仔應該係要做野人, 連書都唔洗讀......我諗個個男人都一樣
ReplyDelete[版主回覆10/01/2008 22:45:00]唉...
九成男人都係唔會太緊張BB讀咩~將來做咩~ 最緊要係"好品德, 做個平凡小天使"！當然啦! 我哋媽咪都想咁~ 只不過, 我哋貪心少少....想佢仲可以又叻, 又有禮貌啫~ hahahaha 都係嗰句啦! 我會盡力為肥晴做到最好啦~ 最基本都係望佢健健康康快快樂樂~
ReplyDelete[版主回覆10/01/2008 22:44:00]完全同意 !!!
其實我同我老公都傾過呢個問題,佢話最緊要係睇亞b係咩才料先至決定點喎!真係比佢激死!咁講咪即偽等運到!!!我唔會理佢一於自己搵定幾間心水既學校.
ReplyDelete[版主回覆10/01/2008 23:15:00]係呀... d 男人都係靠唔住...
報 N1 要 1 年前就報定嫁啦...