迪士尼 buffet 慶祝生日

寶貝女生日, mama papa 一早 book 咗迪士尼酒店食 buffet, 雖然有大公仔影相嘅 Disneyland hotel full 咗, Hollywood hotel 都好 la, 點知大小姐放咗學沖完涼, 唔肯出街, 死都要瞓晏覺, 就係咁... 瞓醒咗入到去都成 18:00, 太陽伯伯都走咗去覺覺豬 lor Zzz...

一入 hotel 巧遇 Goofy, 即刻影返張相先...

大小姐成晚鬧脾氣, 冇乜胃口

工作人員出來同彤彤唱 Happy Birthday song 先令佢心情靚返小小...

半磅蛋糕都唔失禮, 不過 papa mama 太飽, 原封不動連盒帶返屋企

彤彤由細到大至 like 波波, Kitty EE 其實最想買個大波波比佢, 但比 mama 一口拒絕咗

禮物包內仲有生日帽, card, badge, etc

離開餐廳又遇到 Goofy, 今次單人匹馬影相去, 仲有 pose 嫁, haha...

回程走咗去睇一陣音樂噴泉

就係咁, 未歸家已經瞓著咗

papa mama 行咗成個鐘頭之後, 先揀到呢份禮物比彤彤, 因為大小姐咩都 No No No !!!　比佢激死!!!

呢份 Playhouse Disney UNO 係上次係 Toysrus 買生日禮物比彤彤時係 cashier 加 $20 買嘅, 佢竟然超超超鍾意, 要揸住瞓覺, 早知買呢份咪慳返好多 lor~~~

呢份係 Tissue EE 親手整嘅, 仲要大清早攞過嚟, 真係十萬個多謝, mama 好鍾意呢件衫, 雖然洗完角落頭有小小爛, 不過都無損那份心意...

後記 :
今次 d 食物比咗小小驚喜比 papa mama, 做緊優惠 $198 都有長腳蟹, 魚生, 算唔錯 la...
壽星女可能冷親, 半夜一點喊醒, 成身火燙, 發燒呀 !!! 仲要 39.5C, 嚇死 papa mama 啦 !!! 好彩屋企有 d 戚醫生藥看門口, 即刻餵佢食藥, 宜家 mama 待在家中照顧佢, 同埋向學校請了假, 希望佢快 d 好返 la, 星期日仲要去聰聰生日 party 嫁...

第三天返學

琴日彤彤第三日返學, 好叻, 點解 ? 因為再唔可以比家長陪伴左右, mama 帶了彤彤去洗手後, 乖女便排隊入課室, 跟住課室門被關上, 有個小妹妹未入去已放聲大哭, 要 Miss Li (李主任) 抱入課室, mama 透過門上玻璃小窗, 望見我乖女沒有被感染而喊, 又乖乖跟老師擺書包, 我同 Narti 姐姐都鬆一口氣, 然後走去 New Century Plaza 惠康 shopping.

一個鐘頭後, 返去接返愛女, 小貓組三個小朋友都好叻叻, 沒有喊, 連嬸嬸都讚彤彤乖, 相反小羊組三個小朋友喊都似豬頭, 好可憐...

一入校園當然又要去搵架車車嚟揸下

然後就走去玩 slide, 彤彤 d 大肌肉麻麻, 好怕佢會 PK, kaka...

生日禮物

現今 d 小朋在友真係好幸福, 平日已經衣食無憂, 玩具多蘿蘿, 生日到未到, 已經收到一份二份 birthday gifts

1. Oregon Laptop - from Kitty EE, 雖然 EE 都唔係好想揀老小姐 Barbie, 但部 laptop 勝在小巧多功能, 可以隨身携帶

2. Vtech Laptop - from Connie EE, 正常大部多 function, 彤彤仲勁過 papa mama, 兩歲人仔已經擁有兩部電腦

3. Crayola 座地大畫板 - from papa mama, 一邊 blackboard, 另一邊 white board, 當然唔包 marker 同 chalk, 要另外潻置

彤彤玩磁石 ABC 玩到唔肯瞓

4. Hello Kitty 豹紋 blanket - from Narti 姐姐, 一拆包裝時都嚇了 mama 一跳, 不過彤彤小姐又似乎好受落, 莫非有 mama 遺傳 !?

第二天返學

今日彤彤第二天返學, 比昨日好好多, 因為已對間學校有感覺, 大約知道返學又要去果道同一班小朋友一齊玩, 對 Miss Mak 同 Miss Wong 冇咁陌生, 肯打招呼, okay la...

又係沉迷玩車車...

學校外貌, 下年一二月會有新校舍比 N1 & K1

彤彤今日好堅持自己開水龍頭, 洗手, monk 紙巾, 同 throw to rubbish bin

自己擺書包係其中一種任務

跟住要搵返自己嘅座位

因為座位上有彤彤相片以作釋別

跟住到玩 toy 時間

彤彤呢方面超級乖, 唔會爭野玩, 又會坐定定, 唔會周圍走, 我相信好多老師會喜歡呢類小朋友

跟住到整食物時間, 第一樣係... 用模型 cut 包包, 彤彤揀咗 "花花" 模

仲肯夾住 cheese 片食得津津有味, 多得 Narti 姐姐 introduce cheese 片 to 彤彤

第二樣要整嘅食物係菠蘿腸仔, 彤彤整得有板有眼

最後唱 "太陽伯伯" 同 GoodBye song 結束一小時嘅上堂時間

老師仲揀咗彤彤為今堂最乖嘅小朋友可以第一個離間課室

希望彤彤以後都可以 keep 住做最乖嘅小朋友, 同老師同學仔熟絡 d, 每日都有進步, mama papa 就心滿意足了...

後記 :
臨完時候到唱歌部份, 有位小朋友誤會彤彤坐咗佢張凳, 用手推彤彤, 乖女竟然臨危不亂, 仍然成尊"佛"咁坐係到, 個小朋友 papa 同 Miss Mak 就即時去阻止，跟住個 naughty boy 就 "lur" 地, 好搞笑.... 希望我寶貝女識保護自己, 唔好比人蝦 la...

第一天返學

今日彤彤第一天返學, papa mama 同 Narti 姐姐都緊張萬分, 除咗一早準備定嘅校服、書包、白波鞋、白外套之外, 早兩天已執定行裝, 好像準備出嫁般大陣象, kaka...

今明兩天 mama 仲請咗假陪太子女讀書添, THINK 安排了頭兩個星期為適應期...

• 第一個星期返下午一個小時,
• 第二個星期返上午兩個小時,
• 第三個星期才回覆正常返上午三個小時

今日上堂時間應該係 13:30, 緊張大師 Narti 姐姐 12:30 已經幫彤彤著好全副武裝, 一切準備就緒, 連平日心急人 mama 都勸姐姐冷靜, 整個生果食下先出門口還未遲...

書包內有水杯，茶點碟，匙更，濕毛巾，小食餅，後備衫褲內外各一套，好重耶...

一入校園最吸引佢莫過於玩車車...

彤彤被編入小貓組

洗手間都幾乾淨

音樂室內暢遊時間, 又唱又 dance

因為新老師, 動作又冇係 dance 之前練習一下 (mama 覺得呢方面 Cannan PG 做得好好), 搞到彤彤成個呆瓜

玩 Music Chair 時, 到爭最後嘅一張凳, 彤彤竟然出手推開一個男孩子坐上去, mama 同姐姐都 O 晒咀...

課室每張枱上都貼上學生相片, 方便小朋友辨認自己座位

觀察了一個小時, 班主任 Miss Mak 比咗一個評語比彤彤....冷靜!!!
haha... 呢個咪係我寶貝女囉 !!!

今日 mama 嘅感覺麻麻...
一個小時裡只有唱歌, dance, 吹下 bubble (當然係老師吹, 小朋友用手拍拍), 玩下 Music  Chair, 然後劃下畫, 玩下玩具就放學
Miss 太 fresh, 派完通告叫家長返去睇下, 唔明先問, 連解釋都慳返, 反觀隔離組別 Miss Wong 似乎比較有 experienced, 起碼都做下樣同家長傾下 la...

反觀 Cannan PG
一個小時十五分鐘, 有唱歌, dance, story time, art time, tea time, game time, 行程緊湊好多, 而且唱歌跳舞都唔會一播音樂就老師自己跳, 一定會事先同小朋友講一次, 示範動作一次, 唔係個個小朋友都成個亞呆咁 !!!

可能乖女同 mama 感覺相似, 問佢聽日再返學好唔好, 佢搖頭 says NO NO NO, 但同佢講返屋企, 佢又手指指住 d 車車, 似乎佢醉翁之意不在酒, 跟住 mama 打蛇隨棍上, 問佢不如聽日再返學玩車車好唔好, 佢先講 Okay !!!

haha... 希望假以時日, 彤彤同老師熟絡咗, 會愛上返學就好 la...