彤彤係四月四日兒童節開始咗佢人生第一個 playgroup, 係 Cannan Kindergarten 攪嘅 "綠苗工作坊", 以後逢星期六上午 11:00 - 12:15 唔駛約彤彤去玩 la, 佢要返 playgroup nei~~
好彩地點近屋企, 可以打的, 已經攪亂彤彤, papa & mama 嘅起床時間, 因為三隻大懶豬平日瞓到黃朝百晏, 成 12 pm 先起身, 宜家 9:30 就要彈起身, 為咗愛女, 辛苦 d 都要 la, 周公伯伯, i miss u nei...
去到九龍塘金巴倫道嘅 Cannan Kindergarten, 踏入校門是一個 playground, 好多大型遊樂設置, 彤彤好興奮, 玩了一陣 "轉轉杯", 仲認識咗一個同班同學 "正彤", 不過佢細 baby 一個月, 啱啱合資格上 playgroup
Playgroup 只可以由一個家長陪伴, papa 唯有係外面等, 不過因為私隱問題唔可以拍攝, papa 只可以偷雞影幾張相片
玻璃門後已經係上 Playgroup 嘅地方, 裡面有兩個課室, 一個做運動, 一個唱唱歌, 仲有做手工同食茶點嘅大枱各一張, 因為衛生問題, 入去要除鞋, 大人小朋友都唔例外, 老師遞上彤彤嘅名牌, 然後要去洗洗手, 上堂時間一到老師會用搖鈴提醒小朋友入課室, 未上堂時可以在課室外玩玩具, 每組有大約 12 個小朋友, 各由 15個月至 2 歲不等, 同班只有三個新生, 其他老師都可以唔睇名牌直接叫到小朋友名字
彤彤今日上 playgroup 嘅 activity 如下
1. 到第一個課室, 做運動, 大肌肉訓練, 因為 d 老師姐姐動作好大, 彤彤笑到 ka ka 聲
2. 做手工 : 復活蛋 (mama 從中學到一 d 同 baby 一起合作嘅技巧)
3. 茶點時間 (自備茶點) 彤彤初賞粒粒南瓜餅, 食到好滋味, 兩隻手一齊嚟...濕晒...)
4. 玩顏色形狀配對遊戲, 打開復活蛋有唔同顏色形狀, 每人派兩隻, 係小肌肉訓練
5. 玩運蛋遊戲, 訓練小朋友行直線
6. 到另一個課室, 老師彈琴, 同學拍拍手, 唱唱歌
老師讚彤彤乖, 唔怕生保 (因為老師主動拖佢入課室都肯接受), 叻叻, 呢個係彤彤嘅性格... 比較冷靜, 眼見有 d 新生全程痴住 mama, 有 d 舊生全程發難玩蜈蚣彈, 有 d 過度活躍周圍跑, 彤彤一於好少理, 照玩, 照上堂, 勁 !!!
彤彤第一份手工, 雖然 mama 有幫手, 但每個步驟都經彤彤對小手做出來o架
幾得戚 !!
落堂後當然唔少得去 playground 玩番夠本, 彤彤第一次玩 "捐" 山洞, 佢一 d 都唔驚, 叻叻 !!
仲有 slide 玩 tim
除咗製成品復活蛋一隻, 老師仲派了一個小布袋同學生手冊一大本
因為係兒童節, 又收到 Kitty EE 嘅禮物, thank you ~~
16個月大嘅彤彤依然古靈精怪, 垃圾都可以玩一餐 !!!
同 mama 玩到手舞足蹈, 儀態盡失
仲忽然 they they they 講英文 !? 你掛住 d friends ar !? 下個星期五咪會見面 lor !!!
mama 同 papa 祝愛女身體健康, 聰明伶俐, 精靈活潑
最好當然可以飲多 d 奶, 同埋早 d 瞓就 very good la ~~
彤彤 d 玩具愈來愈多, 攪到通屋都係佢嘅地頭 
登...登...凳...凳...
haha~~ 就係凳 la !!!
尺寸：約 66 x 39.5 x 62.5cm
一個普通嘅玩具箱, 放下面板, 可坐, 作椅子使用
除咗係收藏玩具嘅好幫手, 可愛嘅圖案會好吸引彤彤豬走埋去搵野
又可以培養 baby 收拾玩具嘅好習慣, 真係一舉 N 得
Super GOOD nei~~ 多謝 Ivy EE
而且因為係會員, 仲平了 $200 大元, 即買 !!! 期望下個星期可以送貨啦
就快又係換季嘅時候, 好彩 mama 識到一班 baby kingdom mama friends, 可以係佢哋嘅網上商店購物, 快夾妥, 唔駛左藤右藤
mama 暫時嘅戰利品有...
1. POLO粉紅格子裙
2. 粉紅淑女BB三件套
4. 千趣會日式五分褲
5. Combi 靚靚夾衣
彤彤今個夏天有好多靚衫着 la~~
