第一幅畫

星期日見彤彤被醫生打咗肥肶一針咁慘, papa mama 就買樣野補償, 氹番下大小姐 la~

Dan dAn daN dannnnn.... 神奇畫板是也 !!

你睇佢幾得戚

用心畫畫畫, papa, 唔好騷擾我噢~~

第一幅作品面世, 要影低留念先, 唔知他日彤彤大個咗睇番呢幅畫會有咩反應呢 !?

另一新 game, 坐係 "碌碌椅" 上被人通屋推, 好好玩 ga~~ 呵呵呵

點解彤彤豬咁痴 mama, 因為 mama 成日同佢喪玩傻 game, 佢人又傻, 表情又傻, 氹得大小姐好 happy, 對住塊鏡都玩得一大餐...

Happy Valentine

情人節同我兩個至愛 彤彤豬 & papa 豬 一齊, 雖然冇咩特別嘅慶祝, 但只要往後每個節日都有佢哋兩個雙伴左右, 夫復何求 !?

潘忻彤, 到 !!!  Nicole Pun, 到 !!!

宜家無論佢做緊咩, 只要聽到自己個名, 都會舉手報到, 好搞笑

好鍾意痴住 mama 玩~~~

又好奇咁圍住部抽濕機爬爬, 好似發現有新遊戲

仲係停留四隻牙仔, 笑時個口都好似西瓜咁大

仲係好鍾意衝埋部相機 or 攝錄機到, papa 成日要跑得比佢快

最近係 baby fair 買咗條 baby sling, 咁樣可以比大小姐成日痴住 mama

彤彤第一次去尖沙咀, 所以 mama 雖然大頭蝦忘記帶相機, papa 係大霧下都要用 iPhone 留倩影

 

拆利事

彤彤豬今年了好多利是, 當然 papa mama 公公婆婆爺爺嫲嫲為咗你派出去都唔少 la~~

睇下彤彤豬係星期六晚瞓咗一個鐘, 凌晨十二點起身唔肯瞓個傻樣

好啦, 比 d 野你做, 就係.... 拆利是 !!!

papa 話佢 "視錢財如糞土", 因為見到 $$ 都唔識笑

最新發現彤彤最 like 嘅 cartoon 係.... Winnie the Pooh !!! 因為佢揸住 Mandy EE 封利是唔肯放手, 更要揸住嚟瞓, 各位 Uncle Auntie 哥哥姐姐, 第日送禮物比 Nicole 就唔好記錯 cartoon la

痴身膏藥

彤彤豬愈大愈痴身, 今日同佢去戚醫生診所打水痘針, 未開始已經成隻樹熊咁攬住我, 表情嚴肅, 係咁 bear 住醫生, 到真係要打, 枝針未到已經放盡喉嚨喊, 收尾連護士姐姐都要出動唱歌氹大小姐收聲, 唉.....

我哋順便 consult 醫生彤彤一 d 近來嘅情況, 例如年初三發燒兩日, 之後三日都有一餐粥嘔出來, 係太 "濟", 定係病後心理作用, 醫生認為係 "感冒菌入腸", 哦..... 好彩冇痾

佢痴身嘅程度愈來愈嚴重, 上次係婆婆屋企食完飯抱住佢 "暗" 瞓, 之後咪放返佢係床仔, 點之佢一個鐘頭後瞓醒咗搵唔到我 (因為太夜已經離開, 第日仲要返工嘛~~~), 佢又喊又扭計, 攪到公公婆婆冇覺好瞓

醫生話呢個時期係咁, 好正常, 佢要建立自信心, 要順佢心意, 遲多幾個月佢會痴 papa, 會維持幾年, 佢呢幾年身心嘅發展好影響佢日後青春期嘅成長, 係真唔係呀 !? 真係咁 "堅" !? 咁樣順佢意, 會唔會變 "裙腳妹" ga !? 成日咁痴, 真係好唔得閒...

今日婆婆又匯報彤彤豬昨夜見住我同 papa 入 lift 離開佢返屋企, 喊到似 "湯" 豬  又扭計唔食奶, 勉強氹咗佢瞓, 半點鐘後卻大喊醒咗, 今次仲係竭斯底理, 喊到變聲, 喊到嘔晒 d 粥出嚟, 肉赤死公公婆婆 la ~~~

BeBe, 你乖豬 la~~ 咪要 mama 擔心 la~~ 咪講好咗 mama 平日要返工賺錢買奶粉比你 lor~

你大個女 la, Kitty EE 都就嚟生個妹妹, 你做家姐仔, 要做個好榜樣, 唔要曳曳 !!!

彤彤係診所內玩緊玩具, 仲未知要打針嘅惡耗...

但 papa 一抱去上磅, 就知道 "領野", 大喊搵 mama ~~~

Combi 鞋

彤彤又有新鞋 la~~ 今次係一對 Combi 鞋仔~~

皆因佢開始左搖右擺咁四圍行, 宜家個兩對軟牛皮鞋仔係商場行下就 ok

但係公園 or 硬石屎地行就好容易受傷...

最衰之前買果兩對 Adidas 又大得濟, 有成 14.5cm, kaka~~

而且 Tissue EE & VV EE 又對 Combi shoes 讚不絕口, 好啦~~ mama 同 papa 送你一對 la

小朋友係唔同 stage 真係有唔同嘅需要

Stage 1

"牛皮軟底鞋" - for 嬰兒學步

Stage 2

Stage 3

彤彤用學習柸實錄

果然係 "新屎坑", 彤彤攞住柸柸又啜又咬, 把佢當玩具, 又唔肯放手比番人, 唔知可以維持幾耐呢 ?

學習柸

彤彤終於識用學習柸 la, mama 好開心呢~~

因為最近彤彤豬開始肯嘗試用手手揸奶樽飲果汁, 但只限有公仔嘅 NUK 4oz 小樽

所以 mama 忽發奇想, 希望彤彤豬試下吮吮飲管, 因為其他小朋友都識用 la~~

mama 今日下午叫婆婆比 baby 試, 雖然婆婆都話超懶 baby 通常都唔肯, 不過 mama 堅持, 試下冇壞 je, 今次唔成功咪兩個星期再試 lor

所以婆婆比 mama 打動, 攞學習柸比彤彤試用, 仲用彤彤最 like 嘅新鮮愛心雪梨汁, 起初彤彤對住飲管咬咬咬, 跟住婆婆,不厭其煩對彤彤說 "no no 咬咬, 要吮吮", 如是者, 彤彤係咬同吮之間就完成咗安半雪梨汁, yeah!!!  及後婆婆更打蛇隨桾上, 再加碼, 注入 baby 最唔 like 嘅白開水, 平時 baby 睬你都傻, 今次竟然被騙飲咗成安半水, hurray!!!

mama 唔再擔心彤彤唔飲水 lu~~

彤彤豬咁抵錫, 抵 mama 至愛你 ~~~ smoooooooooooooch~~~~~~~~~~~~~~~~~