仔仔彤彤

彤彤呢排除咗極度痴身外, 仲好 boyish, 我好似生咗個仔咁...

係咪成個仔仔呢 ?

企得好穩

會玩化妝袋, 成日將 d 野攞出攞入

baby, 你玩野咩體操項目 ar?

好鍾意 "蚊" 窗簾

仲會去攪包被

性感小姐

唔知幾時開始彤彤着衫成日跌膊, 好性感, 但佢 papa 好驚 baby 日後都係咁, wahahaha...

不羈彤彤

彤彤腳仔 un 下 un 下學人跳舞, 好不羈...

奶奶, 唔好認輸呀~~

大清早七時收到姑奶嘅電話, 心知不妙, 最近每個電話都牽動我哋嘅神經...

老公說醫院叫 d 仔女過去, 我心裡涼了一涼, 沉了一沉 ...

奶奶, 你要頂住, 唔好認輸呀~~

你仲要睇住第二個孫兒出世, 彤彤好耐冇比嫲嫲抱過啦 !!!

頂住~~ 頂住~~ 頂住~~ 頂住~~

因為彤彤係屋企, 我唔可以帶佢去醫院, 所以只有老公出咗去

我一直在家裡等消息... 時間過得特別慢...

接近中午奶奶突然好危險, 經過搶救後, 安定了下來, Thanks God

最後要插喉, 轉送去深切治療部

ICU 醫生同腫瘤科醫生曾經一度開會一個小時去決定下一步治療

好彩腦部掃描結果沒有腦中風或積水, 不幸中之大幸

我還好有個體貼嘅爸媽, 雖然成日哎交, 佢哋主動提出接走彤彤, 好等我可以去醫院陪老公同探望奶奶

(爸媽, 多謝你, 最多我以後少 d 頂咀 )

傍晚, 走了醫院一轉, 看見病床上那個插滿喉管嘅老人, 我個心好酸, 好痛... 眼淚忍唔住係咁流...

我早兩日仲可以同佢傾計, 兩日不見, 佢現在只可以合上眼, 用細微嘅眼眉郁動去同我哋溝通

奶奶, 我知道你係好叻叻, 好勇敢嘅人, 千萬唔好認輸

有我哋支持你, 你唔係一個人o架 

你今朝已經贏咗一仗, 要堅持落去, 我哋一班仔女會陪你打呢次仗

等你出院教彤彤乖孫打麻雀, ok!?

 

彤彤農曆一歲生日

琴日係彤彤農曆一歲生日, papa 好細心, 買咗壽飽仔比壽星女, 不過仲未食得, 還有 Disney 大利是兩封 !!

baby, 您大個女啦~~ 唔好再扭計 la, 要聽教聽話, 健健康康, 開開心心, 做個笑口常開嘅 "西瓜彤" !!

papa mama 同 baby 唱生日歌 ^ ^

您永遠都係 papa mama 嘅心肝定

baby, smooooooooooooooooch~~~

老公生日

今年老公嘅農曆同西曆生日很接近, 不過 99 有事, 什麼也沒有慶祝, 老公仲要屋企同醫院四圍頻撲, ai...

彤彤又啱啱病好, 脾氣壞, 勁痴我, 又成日激 papa, ai...

最後只係搵咗間西餐廳食咗餐 dinner 就算

希望下一年大家可以開開心心地過

99 你要加油呀~~~ 我哋成家人都好支持你, 等緊你出院返屋企, 你要積極勇敢對抗病魔, 你嘅乖孫彤彤好掛住嫲嫲 ga...

 

playgroup

多謝 Winki 幫忙及借出地方, 我哋一班 bb 係上星期六開始咗一連十個星期嘅 playgroup,

仲搵咗幼潛嘅導師 Queenie EE 加添~~

堂上有唱歌仔 (opening 有歡迎歌, 中間有搖小船歌, ending 有再見歌), 教大家守規舉嘅坐位位, 舉手, give & take, 排隊玩遊戲, 聽覺, 平衡, 手指, 腳步肌肉嘅練習, etc.

彤彤玩得好開心

同學仔有楠楠, caga

子昊, 晴晴

聰聰

中間還有茶點時間, 彤彤就係太心急哽到, 最後仲嘔到一身都係, 攪到要 Queenie EE 同 Tissue EE 幫 mama 同你換衫洗衫, 真係尷尬

baby, 請你改下你 d 心急習慣, 你已經唔係第一次食野哽到

心痛死 mama 啦 ~~~

New toy

老公聽 seminar 抽獎, 中咗部 Canon 數碼相機

Digital IXUS 80 IS

備有5色亮麗機身選擇的Digital IXUS 80 IS集多項智慧功能於一身，包括800萬像素CCD、內置DIGIC III數碼影像處理器、光學影像穩定器、強化Face Detection臉孔智能對焦功能、全新動態偵測技術及新一代高解像PureColor II顯示屏等，配合其秀麗外型，保證能為用家帶來嶄新的數碼攝影體驗及完美的影像效果。

透過極致影像、智慧功能與迷人外形的完美結合，充分呈現佳能Digital IXUS系列輕巧數碼相機一貫的「Smart Beauty」意念，為追求優質影像與時尚設計人士的必然之選。

彤彤病好了 *{^8^}*

彤彤好番啦 多謝各位關心, 彤彤 d "風癱" 退得七七八八, 只有零星點點紅在面面, 幾可愛

見到 mama 份外痴身, 好窩心呢~~~

mama 同 papa 唔會再咁大意冷親我寶貝女, 再次多謝戚醫生細心嘅治療同不厭其煩咁回答我哋好多次電話嘅提問

彤彤同 mama 玩 "嬲你, 嬲你" game 時仲大叫大笑 tim~~ 係乖女病完第一次笑啊 ^0^

彤彤病了

彤彤病了...

都係 mama 大意, 星期日黃昏五點幾都帶你去鰂魚涌公園打鞦韆, 可能大風吹親彤彤

baby 連續兩晚都嘔, 琴晚仲成晚喊至天光六點

今朝公公婆婆擔心得不得了, 便帶你去睇戚醫生, 當我一收到電話知道寶貝女病咗之後

我即時放低晒手頭上嘅工作, 飛的士去診所接我愛女

彤彤一見 mama 就撲埋我道, 見到佢成身 "風癱" 一攤攤, 左眼又紅又腫, 我心痛死了...

我相信比彤彤折騰了一整晚嘅公公婆婆同我一樣好心痛

心肝呀~~ mama 看見你辛苦嘅樣子, 我零願代替你病好了...

擒 sofa

彤彤又要擒 sofa, 又要怕跌死

光碟學外語, 幼童言語障礙

11月3日經濟日報港聞版


光碟學外語，幼童言語障礙
長期獨看拒溝通，望子成龍愛變害

愈來愈多父母不惜一擲數萬元購買學外語光碟，讓孩煲碟學英文，但這反可能害苦子女。有言語治療機構過去兩年接獲不少幼童因看光碟教材，導致言語發展被嚴重拖慢個案，有小孩更拒絕與人交談，或一停止播放光碟便哭鬧不休。

「我覺得自己害苦了兒子，很內疚。」蔡太年前一擲數萬元買下一套卡通英語教材，讓兒子一歲開始每天看3、4小時，豈料令兒子著了魔，一關電視便發狂打她，又拒絕與人溝通，接近自閉。

結果，她花了逾二十萬元為兒子進行言語治療，但最心痛的，還是看見現時已四歲半的兒子，懂得說的話仍不足10句。

蔡太三年半前花4萬元，買了一套供0至7歲小孩用的英語教材光碟，她憶述：「當時推銷員說，只要讓孩子自己看光碟，他便會學好英語，家長不必理會他，每天看6、7小時也沒問題。

她抱著厚望讓兒子日睇夜睇，但兒子卻逐漸步入封閉的世界：「他看卡通時對外界完全沒反應，我不讓他看，他便不斷打人，甚至打得我眼鏡飛脫！」蔡太說，兒子至兩歲多時，仍只能講不足10個詞語，且經常不明白指令，但當時她卻因為太信賴教材而未有在意。

直至兒子報讀幼稚園，教師提醒蔡太正視問題，她才如夢初醒，急急求助。專家評估後，指兒子屬邊緣自閉個案，因長期獨個看光碟，沒與人溝通致情況惡化，需接受職業和言語治療，及停止看光碟和學習英語。

過去兩年，蔡太花逾20萬元讓兒子接受治療，但至今他的語言能力仍較其他小孩落後9個月，更被同學恥笑為傻仔。蔡太感慨道：「我現在惟有把握每分鐘逼他說話，原來教孩子真不能偷懶！」

shake shake shake

彤彤同 shake shake Kitty 玩得好開心, 一 d 都唔驚

打鞦韆

鰂魚涌公園有 BB 鞦韆, 彤彤琴晚玩得好開心, 唔記得打針針嘅慘痛經歷 lu~~

 

破壞王

彤彤玩 combi cup cup 最鍾意搞破壞

浴照

彤彤好少拍浴照, 因為 papa 唔想個心肝寶貝嘅三級玉照公開, 但宛庭係 studio 影相都露兩點 la, 小朋友唔怕 la~~

睇下 baby 同 mama 玩得幾開心, 係 mama 搵兩隻鴨仔飛埋去咬彤彤大肚 dum

wakakkaka...

佢又準備好比鴨鴨咬 la

望咩 ar !?

你比鴨鴨比 mama !?

星星, 又係黃色 ? 唔知幾時開始, baby 好鍾意黃色嘅野, 所有黃色嘅玩具都係佢 1st priority, kaka~~~

沖完涼, 着咗件 blue 衫又成個男仔咁樣, wahahahhaha...

baby 一時男仔樣, 一時女仔樣, 唔怪得之以前讀書時代學英文, BABY 一字嘅 pronoun 係 It, 而唔係 He or She 啦 !!! 因為 BABY 係中性 !? 

乖女, 諗緊咩呀 !? 你想 mama 生個 bb 陪你玩 !?

>>>>>>>>>>>>>>>>>>>>>>>>>>>>>>>>>>>>>>>

後記

因為最近屋企嘅老人家相繼生病出入醫院, 深感有兄弟姊妹嘅好處

所以都要好好諗下生多一個 baby

最起碼他日我同老公年老出入醫院, 彤彤都有個伴同佢分擔, 不用咁慘咁吃力

不過又怕下一個小寶寶會分薄我對彤彤嘅愛, 點好呢 !?

小 model

因為 Sandy & Ada EE 去完東京玩, 買咗頂靚靚帽送比彤彤, mama 就心血來潮搵 baby 做小 model 試新衫, haha~~~

戴上帽仔, 好 cute, 有點日本 feel ~~

Tissue EE 幫 mama 訂嘅 Combi-mini 披風, 係兩面o架, 好靚 ^8^

mama 係 SSP 嘅檔口仔買嘅外套仔, 仲有對兔仔耳幾可愛

背後都有小兔o架, hee...hee...

呢頂就係 Sandy & Ada EE 送嘅靚靚帽仔 la...

Thank you so much.

芷悠妹妹都有一頂o架, 幾時可以約埋一齊出嚟 show 下 la, 不過芷悠妹妹宜家只係得三個幾月, 等你大 d 先 la...