新形象

老公終於肯換他那個隨時會罷工的眼鏡, 事緣昨夜晚飯前去了人多車多的旺角逛街, 我借意睇太陽眼鏡, 又強行拉了老公入去一間眼鏡鋪頭, 最後當然沒有買到太陽眼鏡, 而是花了個多小時, 同埋費了不少唇舌, 才令他肯換個新眼鏡, 雖然沒有以前 Silhouette 般斯文, 但這個 D&G 款式也是個不錯的選擇, 連 sales 姐姐也稱讚這個 style 夠時尚

, haha...

這個黑炭頭是老公的

這個火辣辣是我的

點解我又一齊換眼鏡??  我祗是唔執輸罷

改頭換面??

今日去了改名為 APITA  (前 UNY) Soft Opening Sales  (Grand Opening 會係 5月2日), 滿以為升格了的 APITA UNY 會大肆改革, 期待會叫人耳目一新的感覺, 點知好失望, 不見得引入了新的日本人氣品牌, 連間格也跟以前差不多, 祗是鋪頭位置改變了吧!  咁....做咩要裝修咁耐呀~~~~~~~~

不過, 我還是不改我 shopping monster 本息, 都比下面幫襯下

這是我的戰利品

心跳的感覺

自從有咗 ah B 之後, 時常不經意咁摸自己的肚子, 好好笑

今日無意中感覺到 ah B 的心跳, 好奇妙, 好想佢快 d 長大, 可以大家見面

唔知佢係男仔定女仔??

唔知佢似 mama 定 papa ?

以下係 mama 和 papa 兒時的相片, mama 一向男仔頭, 又頑皮, 如果係女仔的話, 千期要似 auntie Kitty 咁溫文儒雅如果係男仔的話, 最好似 papa 咁淡定 (有錢剩) 

God Bless ...

昨日大清早肚痛, 加上之前流血, 好驚!! 打了電話比妹妹做醫生的朋友, 佢即時安排我入院做 ultrasound scan.  好彩 ah B 冇事, 仲有心跳

Thanks God, 多謝醫生, 我昨日早上嚇得大哭了一場 , 以為會就咁冇咗 ah B, 嚇死我...

 

因為作小產, 宜家要 home leave 一段時間休息下, 一切會安好的.

抱歉叫大家擔心 sorry...

作小產??

突然發現條 "底底" 有血跡, 好驚!!! 唔知點算好, 希望唔係 "作小產" , 同老公講, 佢叫我冷靜d, 等明天問有經驗的朋友/同事, 我 ah B 得 7 weeks 咋, 佢係我的命根, 千期唔好有事, 最多 mama 日後錫晒您啦, 您乖啦

平底鞋!?

開始比同事懷疑我有咗bb, 因為佢哋發現我著平底鞋

平日的我祗會著2-3吋豆零高跟鞋, 因為身高的關係, 嗰d薯仔平底鞋絕對唔會吸引到我... 依家為咗bb, 做矮duck duck 媽咪又有咩所謂

今日最攪笑就係我發現咗一對被我遺忘了的漆皮1吋半平底鞋, 因為佢矮duck duck 的關係, 我買了2年, 祗係著過一次

宜家比我發現佢, 開心到飛起, 仲大叫tim, 可以有新鞋著, 好嘢

 

第一次見面

今日第一次做產檢, 好緊張, 原因有好多...

1. 約咗個好出名的醫生, 唔知要等幾多粒鐘....

2. 聽講個位女醫生好鬼cool, 有朋友話曾經有bad feeling...

3. 聽講d 護士姐姐好鬼忙, 又惡死

4. 第一次照超聲波睇ah B , 唔知係點嘅呢?

結果.....診所果然好多人, 超過10個, 我已經好醒目咁早到20分鐘...

1. 原本appointment 約了11:20am, 我11:30am已經可以入去見到醫生啦

2. 好出名的 Dr 陳帆 (女醫生) 一d 都唔cool, 仲好有笑容, 見到我哩嗰 "超級緊張高齡問題多多準媽媽" 都好有耐性咁答我d問題, 我準備了16 條問題tim

3. d 護士姐姐好好人, 又nice , 仲幫我book 埋醫院 (雖然老公覺得我太早, 有d傻傻地)

4. 最後同ah B 第一次見面...

嗰個水泡有 1.6cm, ah B 就係裡面成長, 醫生話佢宜家得一粒葡萄核籽咁大, haha...

小魚兒

我學人哋係公司養魚, 一養仲要六條咁多tim, 雖然佢哋全部都是由bb魚毛大的時候比我接番嚟住, 但係魚同人一樣, 發展各異...

其中一條零舍唔同, 大隻過人成倍, 我幫佢改咗個好勁的名, 叫 "大亞哥", 你睇佢真係大隻過人嫁

原本打算係新居養魚, 但有咗ah B 之後, 其他嘢都要行開, 哈哈