O 嘴

彤彤最殺死人嘅招數 .... O 形嘴 !!!

就算佢幾扭計, 幾難攪, 我哋都會被佢咁可愛得意嘅樣子所感動

咪睇佢嘴細細, 好似好淑女, 但係當佢撐大喉嚨大喊嘅時候, 就一 d 儀態都冇啦

我愛"扭紋柴"

我嘅心肝定 "彤彤" 係一個不折不扣的"扭紋柴"

雖然還未滿月, 但已經叫婆婆公公同我都好攰, nearly collapse !!!

三個大人比佢玩殘~~~

鬼叫佢咁扭計, 但又鬼咁得人鍾意

曳曳豬嘅頑皮嘢包括...

1. 食奶時瞓覺 -> 攪到食得好少, 仲好輕磅吓...

2. 夜晚唔願瞓覺 -> 成晚喊扭抱 -> 攪到成家人醒晒陪佢...

3. 一係食奶時扭計喊, 唉...

BB 出世了

因為係娘家坐月子嘅關係,已經一陣子沒有上網了,自從彤彤出世以來,這段日子可以說是驚喜交集…

(爸爸按: 此段文章是由爸爸待媽媽上載。如無意外,她會於星期六重新返回網絡大家庭)

12月2曰

剖腹生B前一日,十分緊張,反覆檢查「走佬袋」的物品,宮縮依然頻密,但出奇地好瞓 (爸爸按: 我都如舊好好瞓）

12月3日

早上八時入院登記,希望一切順順利利…

好彩有三人房A床(即窗口位),又唔駛同國內同胞一間房

12時被推入手術室,個靚女麻醉師嘅手勢認真麻麻,痛到我"鬼殺咁嘈",仲喊咗出嚟  點解老公咁耐仲未入嚟手術室陪我嫁?

時間一分一秒地過去,醫生仲未到,我不厭其煩地問麻醉師時間, 12:15, 12:30… 醫生似乎塞車, ah B要係 1pm 前出世嫁!醫生,你要趕得切…

(爸爸按:我都非常擔心,等了那麼久(45分鐘)...唔通真係天意?趕不及一時前?雖然醫生之前都話5分鐘就可以見到BB,但不用那麼〝敏〞嘛?! ... 之後再等多5分鐘,有個護士忽忙的叫我入手術室...）

醫生終於係 12:45 趕到,跟住老公都入埋嚟，坐係我身邊捉住我隻手，比支持我，我先冇咁驚。醫生做好準備只用了5分鐘就叫麻醉師幫手推, ah B就呱呱叫出世，好鬼大聲。醫生仲讚佢得意得臉仔脹卜卜。有點意想不到係老公竟然大膽地企係身目擊整個過程，好勇敢。佢事後講述發生經過經好攪笑，佢話醫生落刀後，我d羊胎水好似噴泉咁噴出嚟，仲有成呎高。 ah B 被拉出一刻，好似一隻乳豬仔咁,哈!哈!佢仲話見到我被切開的肚皮,好似一塊肥豬肉咁

(爸爸按:我也估不到我會完全沒有驚的感覺。返過來說,我真的很希望見到她出世的一刻。)

Ah B 清潔干淨後,便抱過來比我同老公見吓，嘩！乜佢咁似一個壽包!佢係肥B有 7lb9oz重, 48cm長

我被推返入病房,爸媽同老公已經係到等我,仲讚我叻生咗個肥B，因為手術關係，要等24小時先可以落床……當晚老爺奶奶, Fennie,姨媽, Connie, Calson & Derek都有探我同彤彤

12月4日

食晏時候, Mandy & Connie 同 Team 一班同事都好有心嚟探我同 ah B, 24小時過後,我急不及待要落床睇 ah B, 就算有老公扶我,傷口那入心入肺的痛楚使我舉步為艱,我的步伐好似六叔咁 透過玻璃見到 ah B 的一刻,我感動得落淚…

晚上 7pm, 我報名餵奶,雖然最後都是餵奶樽,但可以值此親近我的小寶寶心肝定

當晚 Angie, Kitty & Jason 來了

12月5日

我仍然堅持一日四次去餵哺房餵彤彤,可惜仲未上奶…

食晏時候, KK 同 lok lok 一班男同事來了

當晚 Edgar, Jenny, Sandy, Ada, Elsie & 老公一班同事來了

12月6日

同 ah B 出院返屋企啦…

12月8日

同 ah B 去健康院, 第一次親自手抱 ah B 行咁遠, 有點驚…

好唔開心, ah B 竟然輕咗好多-> 3.26kg,有5.5% loss,被安排見醫生，我同老公好擔心

12月11日

Ah B 體重繼續下降-> 3.19kg, 有7.5% loss, 去到警戒線,點算好!?

我已經好努力餵人奶,每2個鐘頭一次,姿勢連姑娘都話冇問題,但 ah B 依然食得唔好,成日瞓覺… 我就晚晚以淚洗面,唔知係咪患咗產後抑鬱 

大家相量後,決定 pump 人奶餵 ah B, 似乎彤彤用奶樽冇咁吃力, 食得多d

12月13日

Ah B 體重回升 -> 3.3kg, 好開心

似乎那個方法湊效

12月17日

Ah B 體重去返出世的磅數 -> 3.43kg

超超超興奮

12月18日…

不停重複咁餵奶 -> 換尿布 -> pump 奶 -> 氹佢瞓

Ah B 有好多花名:

彤彤、小B、屎屎人、老虎狗(掃風時兩個臉豬dun dum 落嚟_似老虎狗）、臭豬B、蝦餃妹（下巴仔似蝦餃）

Ah B 有以下特點:

夜鬼,唔肯瞓覺，扭抱
單眼偷睇邊個抱
大聲喊直至有人抱
食奶前O嘴
食奶時放軟手腳瞓覺
食完奶好鬼精神
換尿片時腳震震

告別大肚子

聽日一大清早就要入院生 ah B 啦~~~

雖然咁耐都係等呢一日, 但要告別大肚子, 總有些唔捨得...

因為這 38 週 ah B 同我的關係好親密, 佢的一舉一動都同我一齊, 佢同我係一體嘅, 切切實實係我嘅骨肉, 到聽日 ah B 從我嘅身體出嚟, 就會有好多人爭住抱佢, 我就唔可以再霸住 ah B 啦...

唔知 ah B 似邊個呢

唔知 ah B 乖唔乖呢  會唔智扭抆呢  

唔知道坐月的日子會唔會真係好辛苦, 好似地獄的生活  

唔知道同老公分開兩個月我會唔會頂唔住

我會唔會同 daddy & mommy 因為 ah B 而爭吵

我會唔會因為 hormone 關係會有產後抑鬱

平安地渡過

琴晚平安地渡過... 可以大笑住睇完詹瑞文嘅萬千師奶賀台慶 

之前仲去咗剪頭髮, 驚係媽咪屋企坐月子會被禁止洗頭

怎料 Nancy 幫我剪完頭髮後冷不防自作主張咁幫我 set 咗個頭, 可能因為我問她 layer 咗嘅頭髮電出嚟會唔會唔好睇, 佢就幫我 set 咗個頭比我 imagine 下啦...

如果所料, papa 好唔鍾意, 劣評如潮

講真吖, 又真係幾 "師奶" feel  可能佢想我襯返 Jim Sir 個 show

Last day before 產假

今日係最後一日返工, 跟住就開始三個半月的悠長假期...

一諗起公司比 full pay 我放假就開心到由心裡笑出來

一大清早美琪約我食晏, 有點兒意外, 因為平日我有自己"飯腳", 很少同 team 食 lunch, 所以今日的邀約叫我既驚又喜

滿以為是約埋幾個傾得埋的 teammates 一齊, 怎料是兩圍枱廿幾人  連雲姐帶了 lunch box 返工都比面出席, 多謝晒

整日的工作都是出下 email, pack 箱 (因為放假中會搬 office), 交代一下...

臨放工同老闆 say goodbye 之後, 被美琪拉着影大肚相, haha...

跟着其他同事也出來趁熱鬧, 飛馬仲出動佢嘅新玩具 Canon EOS 400D  真係打攪晒

DW ePR team 兄弟姐妹, 你哋加油呀 !!!

我都會加油

因為往後的日子將會係很多個無覺好瞓的夜晚, 好彩平日久經訓練, 做慣夜鬼 

ah B, mama 同 papa 會盡我哋一生的力量去愛錫妳, 保護妳

期待您的誕生~~

最近不斷有人問我同一句說話 : "緊張嗎?"

其實, 到呢一刻為止, 我都唔係咁緊張... haha...

不過, 我諗當我被推進手術室時, 應該會好緊張, 好在老公會一直陪住我

我可能仲會喊 tim

唔知呢?! 之後話比大家聽啦~~~

ah B 係我個肚入面好食好住... 宜家已經變咗一個肥B...

但係我個肚對佢嚟講已經變咗一間籠屋... heehee...

如果 ah B 再唔出世, 我怕會迫爆我個肚

時間過得真係好快,  ah B 仲有三日就出世啦...

好期待呢....

Lunar b'day celebration

今晚係 papa 嘅農曆生日, 又有機會食好嘢, 因為唔知 ah B 會唔會突然要出世...

去咗 papa 一直期待已久嘅 Cest Bon, 上一次同佢係 Bangkok 試咗一次, 好評如潮, 今次係 HK 試 Cest Bon, 唔知 papa 會比幾多分 !?

Signature Set Menu 如下

1. 香煎法國煙鴨胸配香橙蜜糖汁

2. 焗釀蟹蓋配香草薄荷汁

3. 香煎法國鵝肝配野莓汁

4. 干邑龍蝦湯

5. 西柚雪芭

6. 炭燒牛柳橄欖油煙肉意粉

7. 暖心朱古力蛋糕配雲呢拿雪糕

8. coffee or tea

 <<- Papa 似乎好滿意

 <<- Mama 同 ah B 都飽飽

HK 同 Bangkok 嘅 Cest Bon 比較, 食物的味道可能差不多, 但第一次的感覺總是比較難忘, 因為每個人都貪新鮮

Bangkok 嘅 Cest Bon 地方比較寬敞, 可能係放假嘅關係, 心情比較輕鬆

HK 嘅 Cest Bon 出菜比較快, 香港人嘛~~~

不過, 係香港有咁嘅地方, 食物, 同咁抵嘅價錢, 都唔錯

最後階段

不知不覺到了懷孕期的最後階段, 9 個月的日子過得飛快, 往日嘅片段一幕幕在腦袋內浮現...

從那晚用驗孕棒棒測試既驚又喜嘅情景, 跟着看着老公每天的改變

因為要肩負準爸爸這偉大任務, 老公變得好細心, 但又好緊張

例如一開始已經要我穿平底鞋, 行樓梯要緊握扶手, 唔比我拿重物, 都幾大男人

但有緊又有鬆, 老公冇我周圍嘅同事朋友對我飲食的管制, 我仍然可以食 spicy food, 飲汽水, 只要我不是太放肆, 佢都不會出口阻止

老公仲話, 最緊要係懷孕嘅大肚婆食得開心, ahaha...

所以最近, 係上星期日同老公補足生日嘅 buffet lunch 裡面, 我少少放任地吃了一些一定會比同事勁鬧嘅嘢

1. 三隻即開生蠔

2. 數片三文魚 同 吞拿魚生 sashimi

3. 半隻龍蝦

4. 咖哩

5. 雪糕

6. ice coffee

真係好 yummy

老公, 多謝你對我的寬容同體諒

 係呢段難捱的日子裡, 你嘅愛同支持幫咗我好多, Thanks a million~~~